Parahulit 10:8 - Marahay na Bareta Biblia

⁸ Kun magkalot ka nin bubon, mahuhulog ka diyan; kun maglusot ka sa sarong kudal, pwedeng makagat ka nin halas.

Parahulit 10:8 ပူးပေါင်းရင်းမြစ်များ

2 Samuel 17:23

Kan mahiling ni Ahitofel na dai sinunod an saiyang hatol, kinamaderohan niya an saiyang asno dangan nagpuli sa sadiring syudad. Kan maasikaso na niya an gabos na dapat gibohon, naghugot siya. Ilinubong siya sa lulubngan kan saiyang pamilya.

2 Samuel 18:15

Dangan pinalibotan si Absalom asin ginadan kan sampolong paradara kan armas ni Joab.

Esther 7:10

Kaya binitay ninda si Haman sa bitayan na inandam niya para ki Mardokeo. Dangan napara an kaanggotan kan hade.

Salmo 57:6

Mga kaiwal ko nag-andam nin litag sa sakuyang agihan, an kalag ko napapano nin kapurisawan. Nagkalot sinda sa sakuyang lalakawan, alagad sinda man sana an nahulog duman.

Mga Talinhaga 11:6

An pagkamatanos iyo an minaligtas sa onestong tawo, alagad an dai masasarigan na tawo nasisiod sa sadiri niyang kapasloan.

Mga Talinhaga 26:27

An nagbubugtak nin siod para sa iba iyo man sana an madadakop kaiyan. An nagpapaligid nin gapo iyo man sana an matatamaan kaiyan.

Parahulit 10:9

Kun magtabas ka nin gapo, malulugadan ka kan mga gapo. Kun magtiak ka nin kahoy, makukulogan ka sa paggibo kaiyan.

Amos 5:19

An aldaw na iyan makakaarog sa tawong duminulag sa leon alagad an nasabatan sarong oso; o arog sa tawong nagpuli sa harong dangan kan magkapot siya sa lanob, kinagat siya nin halas!

Amos 9:3

Maski magtago sinda sa alitoktok kan Bukid nin Carmelo, hahanapon ko sinda asin dadakopon. Maski tagoan ninda ako sa irarom kan dagat, susugoon ko an impakto na yaon diyan tanganing kagaton sinda.

Hukom 9:5

Nagduman siya sa harong kan saiyang ama sa Ofra asin sa ibabaw nin saro sanang gapo, ginadan niya an setenta niyang tugang na lalaki, na mga aki man ni Gideon. Alagad tuminago an pinakangohod na aking lalaki ni Gideon na si Jotam asin dai siya nagadan.