Parahulit 10:2 - Marahay na Bareta Biblia

² Natural para sa sarong madonong an paggibo nin tama, asin para sa sarong lolong an paggibo nin sala.

Parahulit 10:2 ပူးပေါင်းရင်းမြစ်များ

Mga Talinhaga 14:8

Tano ta madonong an may isip na tawo? Huli ta aram niya kun ano an saiyang gigibohon. Tano ta lolong an mangmang na tawo? Huli ta naghohona siya na igwa siya nin naaaraman.

Mga Talinhaga 15:7

An pakaaram pinapalakop kan mga tawong madonong, bako kan mga lolong.

Mga Talinhaga 17:16

Mayong karahayan na makukua an lolong maski maggasto man siya sa pag-aadal, huli ta mayo siya nin isip.

Parahulit 10:10

Kun bakong matarom an saimong patok asin dai mo iyan taison, kaipuhan dugangan mo an saimong kosog kun ginagamit iyan. An kadonongan nakakatabang sa pag-uswag.

Parahulit 10:14

An lolong taram sanang taram. Mayong nakakaaram kun ano an sunod na mangyayari, asin mayong makakataram kun ano an mangyayari sato pakatapos na kita magadan.

Parahulit 9:10

Sa bilog mong makakaya, gibohon mo an anoman na trabaho, huli ta mayo nin anoman na trabaho, kaisipan, pakaaram o kadonongan sa kinaban kan mga gadan, an lugar na saimong padudumanan.

Mateo 25:33

Titiponon niya an mga karnero sa saiyang too asin an mga kanding sa saiyang wala.

Mateo 6:33

Alagad hanapa ngona nindong enot sa gabos an Kahadean nin Dios saka an saiyang katanosan, asin mapapasaindo man an mga bagay na ini.

Colosas 3:1

Binuhay kamo liwat kaiba ni Cristo, kaya hanapon nindo an mga bagay na nasa langit, saen nagtutukaw si Cristo sa saiyang trono sa too nin Dios.