Parahulit 10:12 - Marahay na Bareta Biblia

¹² An tataramon nin sarong madonong na tawo nagdadara saiya nin kaomawan; alagad an lolong nararaot kan sadiri niyang mga tataramon.

Parahulit 10:12 ပူးပေါင်းရင်းမြစ်များ

2 Samuel 1:16

asin sinabihan ni David an Amalekita, “Hinukoman mo an saimong sadiri kan sabihon mong ginadan mo an linahidan nin Kagurangnan.”

An Libro ni Job 16:5

Pwedeng huli sa hatol mapakosog ko kamo asin padagos na magtaram sa pagranga saindo.

Salmo 140:9

Dai man logod manggana an sakong mga kaiwal; humugpa logod sainda an karatan na saindang itinaram.

Salmo 37:30

An ngoso nin matanos nagtataram nin kadonongan, asin an saiyang dila nagsasabi nin katanosan.

Salmo 64:8

Huli kan saindang dila, raraoton niya sinda; dangan makuyong-kuyong nin payo an gabos na nakakahiling sainda.

Mga Talinhaga 10:10

Nakakaparibok an tawong nagtatago kan katotoohan, alagad an tawong hayag na minasagwe nagtatrabaho para sa katoninongan.

Mga Talinhaga 10:8

An marahay na hatol inaako kan pusong madonong, alagad mapapahamak an lolong na matinaram.

Mga Talinhaga 12:18

An makulog na mga tataramon arog sa espada, nakakalugad nin hararom, alagad an mga tataramon kan madonong nakakabolong.

Mga Talinhaga 15:2

An dila kan madonong nagwawaras nin pakaaram, alagad an ngoso kan mga mangmang nagbubuga nin kamangmangan.

Mga Talinhaga 15:23

Nakakaogma an pakakua kan tamang tataramon para sa tamang okasyon!

Mga Talinhaga 19:5

Dai mangyayari na dai mapadusahan an putikon na saksi; an nagpuputik dai makakadulag.

Mga Talinhaga 22:11

An tawong dalisay an puso saka magalang sa pagtaram magigin katood kan hade.

Mga Talinhaga 26:9

An talinhaga sa ngoso kan lolong garo tonok na nakakatusok sa kamot kan paraburat.

Mga Talinhaga 31:26

Nagtataram siya na may mahuyong kadonongan.

Parahulit 12:11

An mga kasabihan nin mga madonong kabaing sa mga mapanas na sugkod na ginagamit kan mga pastor sa pag-alaw kan karnero, asin an mga tiniripon na talinhaga magdadanay arog sa mga pako na nakatadom nin marahay. Ini gabos itinao nin Dios, an iyo-iyong Pastor nyato gabos.

Parahulit 4:5

Nagsasabi sinda na lolong an sarong tawo na magparapamungko asin ginagadan an sadiri sa gutom.

Parahulit 5:2

Mag-isip ka ngona bago ka magtaram; dai ka tolos-tolos manuga sa Dios, huli ta an Dios nasa langit, mantang ika nasa daga. Kaya dai ka magtaram nin sobra sa dapat mong itaram.

Parahulit 5:6

Hare pagtugot na an saimong mga tataramon iyo an magdara saimo sa kasalan, tanganing dai ka magsabi sa sugo nin Dios na dai mo man idto tinutuyo. Tano ta papaanggoton mo an Dios asin ipaparaot mo saiya an saimong pinagpagalan?

Parahulit 9:17

Mas marahay an magdangog sa maluway na mga tataramon nin sarong madonong na tawo, ki sa magdangog sa kurahaw nin sarong pamayo sa sarong konseho nin mga lolong.

Mateo 12:35

An marahay na tawo, marahay man an gibo huli ta pano nin karahayan an saiyang puso; an maraot na tawo, maraot man an gibo huli ta pano nin karatan an saiyang puso.

Lukas 19:22

Dangan sinabihan kan hade an sorogoon na ini, ‘Maraot kang sorogoon! Papadusahan taka siring sa itinaram mo! Aram mo palan na maisip ako, kinukua ko an bako kong pinagpagalan saka nag-aani kan bako kong itinanom;

Lukas 4:22

Inomaw siya kan gabos; nagngalas sinda kan magayon na mga tataramon na sinabi niya. Olay ninda, “Bakong iyo ini an aki ni Jose?”

Efeso 4:29

Dai kamo maggamit nin mga tataramon na makakaraot, gamiton nindo an mga tataramon na makakapakarahay saka tama sa panahon, nganing pakinabangan kan mga makakadangog.

Colosas 4:6

An saindong pakipag-olay sainda, kaipuhan danay na marahay saka makawiwili, asin kaipuhan tatao kamong magsimbag sa lambang saro.