Parahulit 1:9 - Marahay na Bareta Biblia

⁹ An nangyari kaidto, mangyayari giraray, asin an ginibo kaidto, gigibohon giraray. Mayo nin anoman na bago sa kinaban.

Parahulit 1:9 ပူးပေါင်းရင်းမြစ်များ

Parahulit 1:10

Igwa nin masabing, “Hilinga, bago ini!” Alagad bako, huli ta haloy nang nangyari iyan bago pa kita namundag.

Parahulit 2:12

Huli ta an nagigibo nin sarong hade arog man sana kan naginibo na kan mga naenot na hade. Kaya nagpoon akong mag-isip-isip dapit sa kahulogan kan pagigin madonong o rungaw o lolong.

Parahulit 3:15

An nangyayari ngunyan o an mangyayari ngapit, nangyari na kaidto. An mga nakaagi ginigibo nin Dios na mangyari giraray.

Parahulit 6:10

An gabos na nangyayari itinalaan na kaidto. Siring man, aram na nyato kun ano an tawo: dai siya pwedeng makidiskutir sa mas makosog sa saiya.

Parahulit 7:10

Hare paghapot, “Tadaw ta mas marahay an mga nakaaging aldaw ki sa mga aldaw na ini?” Huli ta bakong sa madonong an hapot na iyan.

Isaias 43:19

Magmasid kamo para sa bagong bagay na gigibohon ko. Nangyayari na ini—nahihiling na nindo ini ngunyan! Magibo ako nin sarong dalan sa kalangtadan asin tatawan ko kamo nin mga burabod nin tubig duman.

Jeremias 31:22

Sagkod nuarin ka magduduwa-duwa, banwaan na bakong maimbod? Naglalang ako nin bagong bagay sa ibabaw nin kinaban, siring kabago sa babae na iyo na an nag-iingat sa lalaki.”

2 Pedro 2:1

Kun kaidtong panahon may nagluwas na mga bakong tunay na propeta sa mga tawo, siring man may maluwas na mga bakong tunay na paratukdo diyan saindo. Hilom na itutukdo ninda an mga nakakaraot saka salang doktrina; nenegaran ninda an Kagurangnan na nagtubos sainda. Dahel kaiyan, biglang maabot sainda an kapahamakan.

Kapahayagan 21:1

Dangan nahiling ko an sarong bagong langit asin an sarong bagong daga. An enot na langit saka an enot na daga napara, siring man an dagat.

Kapahayagan 21:5

Dangan nagtaram an nakatukaw sa trono, “Ngunyan ginigibo ko nang bago an gabos na bagay!” Sinabihan man niya ako, “Isurat mo ini, huli ta an mga tataramon na ini totoo asin masasarigan.”