Parahulit 1:17 - Marahay na Bareta Biblia

¹⁷ Hiningowa kong saboton an kalaenan kan pakaaram asin kalolongan, kan kadonongan saka karungawan. Alagad nahiling ko na arog man giraray ini sa paglamag sa doros.

Parahulit 1:17 ပူးပေါင်းရင်းမြစ်များ

Salmo 73:16

Alagad kan isipon ko kun paano an pagsabot kaiyan, namatean kong masakit na marahay iyan para sako

Parahulit 12:8

Mayo nin halaga, an sabi kan Parahulit. An gabos mayo nin halaga.

Parahulit 2:17

Kaya ikinaongis ko an buhay, huli ta gabos kasakitan an dinara sako kaini. An gabos mayo nin halaga, asin garo sanang paglamag sa doros.

Parahulit 2:3

Sa maigot kong pagmawot na makamtan an kadonongan, nag-isip akong paogmahon an sakong hawak sa paagi nin arak asin nin kalolongan. Nagsaboot ako na tibaad iyo ini an pinakamarahay na paagi sa paggamit nin tawo kan halipot niyang buhay sa daga.

Parahulit 3:19

Huli ta pareho an palad kan mga tawo asin kan mga hayop; pareho man sinda magagadan. Pareho man an saindang hinangos; mayo nin kalaenan an tawo sa hayop. Huli ta an buhay mayo nin halaga para sainda.

Parahulit 4:4

Nasabotan ko man an dahelan kun tano ta nagtatrabaho nin maigot an tawo; an dahelan iyo an pagkaori sa pagsadiri nin iba. Ini mayo nin halaga, asin garo man sana paglamag sa doros.

Parahulit 4:6

Pwedeng tama iyan. Alagad mas marahay na igwa ka nin kadikit na nasasaray, na may katoninongan sa isip, ki sa padagos kang magpagal na garo man sanang paglamag sa doros.

Parahulit 6:9

Ini mayo man nin halaga, asin garo sana paglamag sa doros. Mas marahay pang makontento ka kan yaon na saimo ki sa sarong bagay na danay pang minamawot.

Parahulit 8:16

Kan hiningowa kong magin madonong asin masabotan an nangyayari sa kinaban, nasabotan kong maski aldaw-bangging dai magtorog an tawo,

Parahulit 9:3

Pareho an kataposan kan gabos na tawo, asin ini saro man na karatan arog kan ibang nangyayari sa kinaban na ini. Mantang nabubuhay pa an mga tawo, an saindang isip pano nin karatan saka karungawan, dangan nagagadan sinda tolos.

1 Tesalonica 5:21

Baloon nindo an gabos na bagay saka gibohon nindo an marahay.