Parahulit 1:13 - Marahay na Bareta Biblia

¹³ Hiningowa kong siyasaton asin adalan an gabos na bagay na ginigibo sa kinaban na ini. Mamondong palad an itinao nin Dios sa sato.

Parahulit 1:13 ပူးပေါင်းရင်းမြစ်များ

Genesis 3:19

Magpapatagdo ka nin ganot tanganing mapabunga nin anoman an daga, sagkod na ika magadan. Ginibo ka sa kabokabo nin daga kaya sa kabokabo ka mabalik.”

An Libro ni Job 28:3

An diklom sa kairaroman sinisiyasat nin mga tawo. Sinisiyasat ninda an kairaroman kan daga asin nagkakalot sinda nin mga gapo sa kadikloman.

Salmo 111:2

Makangangalas an mga gibo nin Kagurangnan, pinag-aadalan kan gabos na nawiwili kaiyan.

Mga Talinhaga 18:1

An tawong mayo nin iniisip kundi an saiyang sadiri, dai tataong makiiba sa kapwa; asin sasalungaton niya an lambang marahay na kaisipan nin iba.

Mga Talinhaga 18:15

An tawong madonong danay na nagmamawot asin andam na makanood.

Mga Talinhaga 23:26

Aki ko, paghinanyog nin marahay, asin gibohon mong arogan an sakong buhay.

Mga Talinhaga 25:2

An kamurawayan nin Dios yaon sa pagtago nin mga bagay, alagad an kamurawayan nin mga hade yaon sa pagsiyasat kaiyan.

Mga Talinhaga 4:7

An pakakua nin kadonongan iyo an pinakamahalaga. Maski ano pa an makua mo, pakaaram an saimong kuahon.

Parahulit 1:17

Hiningowa kong saboton an kalaenan kan pakaaram asin kalolongan, kan kadonongan saka karungawan. Alagad nahiling ko na arog man giraray ini sa paglamag sa doros.

Parahulit 11:5

Dai mo masasabotan an ginigibo nin Dios na naglalang kan gabos, siring na dai mo masasabotan an pagpoon nin buhay kan sarong aki sa tulak nin sarong babae.

Parahulit 12:12

Aki ko, igwa ka pang dapat na masabotan. Mayo nin kataposan an pagsurat nin mga libro, asin an sobrang pag-aadal nagdadara nin kapagalan sa hawak.

Parahulit 2:23

Huli ta an gabos niyang aldaw pano nin kasakitan, asin kulog nin boot; maski sa banggi daing pahingalo an saiyang isip. Ini mayo man nin halaga.

Parahulit 2:26

An tawo na nakakapawili sa Dios tinatawan niya nin kadonongan, pakasabot asin kaogmahan; alagad an parakasala tinatawan niya kan trabaho nin pagtipon asin pagtambak nin kayamanan, tangani sanang itao iyan sa mga nawiwilihan nin Dios. Ini mayo nin halaga, asin garo sanang paglamag sa doros.

Parahulit 3:10

Aram ko na magabat na mga pasanon an itinao nin Dios sa sato.

Parahulit 3:11

An gabos na bagay tinawan nin talaan na panahon. Itinao niya sato an kamawotan para sa maabot na panahon, alagad dai niya kita tinatawan kan bilog na pakasabot kan saiyang ginibo poon sa kapinonan sagkod sa kataposan.

Parahulit 4:4

Nasabotan ko man an dahelan kun tano ta nagtatrabaho nin maigot an tawo; an dahelan iyo an pagkaori sa pagsadiri nin iba. Ini mayo nin halaga, asin garo man sana paglamag sa doros.

Parahulit 4:8

An sarong tawo na nabubuhay na solo-solo, mayo nin aki o tugang, alagad mayong kataposan an pagtrabaho niya, asin an saiyang mata nakukulangan pa kan saiyang kayamanan. Para kiisay an saiyang pagpagal saka pagsayuma niya nin kaogmahan sa sadiri? Ini man mayo nin halaga asin sarong mamondong kamugtakan.

Parahulit 7:25

Idinusay ko an sakong buhay sa pagsabot saka sa pagsiyasat, sa paghanap nin kadonongan saka nin kasimbagan sa sakong mga hapot, asin sa pagsabot kun gurano karaot asin kalolong an kamangmangan.

Parahulit 8:9

Nahiling ko ini gabos kan horophoropon ko an nangyari sa kinaban, saen an ibang tawo igwa nin kapangyarihan, mantang an iba minatios sa pananakop kan mga tawong iyan.

1 Timoteo 4:15

Danay na gibohon mo an mga bagay na ini saka idusay mo an bilog mong buhay sa pag-otob kaiyan, tanganing mahiling kan gabos an saimong pag-uswag.