Oseas 9:9 - Marahay na Bareta Biblia

⁹ Mayo na sindang ibang ginigibo kundi karatan, siring kan yaon sinda sa Gibea. Gigiromdomon nin Dios an saindang kasalan asin papadusahan sinda huli kaiyan.

Oseas 9:9 ပူးပေါင်းရင်းမြစ်များ

Exodo 32:7

Nagtaram an Kagurangnan ki Moises, “Humilig ka tolos, huli ta an saimong banwaan, na ilinuwas mo sa Egipto, nagin maraot asin nagkasala.

Isaias 24:5

Dinigtaan kan mga tawo an daga sa paglapas kan mga togon nin Dios asin sa paglapas kan tipan na daing kasagkoran.

Isaias 31:6

Nagsabi an Dios, “Banwaan nin Israel, nagkasala kamo sako, asin tinumangan nindo ako. Alagad ngunyan, magbaralik kamo sako!

Jeremias 14:10

Nagsasabi an Kagurangnan manongod sa mga tawong ini, “Mas boot nindang magharayo sako, asin dai ninda pinugol an saindang sadiri. Kaya dai ko sinda nawiwilihan. Gigiromdomon ko an mga maraot nindang gibo asin papadusahan ko sinda huli kan mga kasalan ninda.”

Ezekiel 21:28

“Aki nin tawo, magpropesiya ka asin ipahayag mo an itinataram ko, an Kagurangnan Dios, sa mga Ammonita, na nagtutuyatuya sa Israel. Sabihan mo sinda: Sarong espada an hinugkot tanganing manggadan. Pinakintab iyan tanganing ipanggadan, asin tanganing magsilyab arog sa kikilat.

Oseas 10:9

Nagsasabi an Kagurangnan, “Dai nag-ontok sa pagkasala an banwaan nin Israel laban sako poon pa kan magkasala sinda sa Gibea. Kaya aaboton sinda nin gera sa Gibea.

Oseas 4:9

Parehong padusa an aakoon nindo asin kan mga tawo. Papadusahan ko kamo asin papabayadon kan mga karatan na saindong ginigibo.

Oseas 5:8

Huyopa an trompeta nin gera sa Gibea! Patanoga an alarma sa Rama! Ipahayag an pakigera sa Bet-aven! Sa pakigera, mga lalaki nin Benjamin!

Oseas 7:2

Dai lamang naglaog sa saindang isip na magigiromdoman ko an gabos na karatan na ini; alagad napapalibotan sinda kan saindang mga kasalan, asin dai pwedeng dai ko mahiling an mga iyan.”

Oseas 8:13

Nagdodolot sinda sako nin mga sakripisyo asin kinakakan ninda an laman kan mga sakripisyo. Alagad ako, an Kagurangnan, dai naoogma sainda, asin gigiromdomon ko ngunyan an saindang kasalan dangan papadusahan ko sinda huli kaiyan; ibabalik ko sinda sa Egipto!

Oseas 9:8

Sinugo ako nin Dios bilang propeta tanganing patanidan an saiyang banwaan na Israel. Alagad saen man ako magduman, hiningowa nindong siodon ako siring sa sarong gamgam. Sa sadiring daga nin Dios, an mga tawo kaiwal kan propeta.

Sofonias 3:7

Naghona ako na an sakong banwaan magalang sako asin maako kan sakong pagdidisiplina, na dai nanggad ninda malilingawan an adal na itinukdo ko sainda. Alagad dai nahaloy, nagbalik sinda sa dati nindang maraot na mga gibo.

Hukom 19:12

Nagsimbag an saiyang amo, “Dai kita maontok sa lugar na ini na bako man mga Israelita an nag-eerok kundi maderetso kita pasiring sa Gibea o sa Rama.”

Hukom 19:16

Dangan nag-agi duman an sarong gurang na lalaki na hale pa sana sa pagtrabaho sa oma. Dati siyang nag-eerok sa mabulod na daga nin Efraim, alagad nag-eerok na siya ngunyan sa Gibea. (An ibang mga nag-eerok sa Gibea gikan sa tribu ni Benjamin.)

Hukom 19:22

Mantang nag-oogma sinda, biglang pinalibotan an harong kan gurang nin nagkapirang marigsok na kalalakihan kan banwa, dangan tinubtob an pinto. Sinabihan ninda an gurang, “Paluwasa an lalaking kaiba mo pagpuli sa saimong harong tanganing madorogan mi siya!”

Hukom 20:43

Napalibotan kan mga Israelita an saindang mga kaiwal asin daing ontok nindang linamag an nagdurulag sagkod sa sirangan na parte kan Gibea, dangan duman ninda ini ginaradan.