Oseas 9:6 - Marahay na Bareta Biblia

⁶ Kun mag-abot an kasakitan asin mawarak an banwaan, titiponon sinda kan mga taga Egipto tanganing ilubong duman sa Memfis! An mga lugar na natutugdokan kan saindang mga harong saka an mga mahalagang bagay ninda na gibo sa plata tataluboan nin doot asin binit.

Oseas 9:6 ပူးပေါင်းရင်းမြစ်များ

2 Mga Hade 13:7

Mayo na nin natadang hukbo si Jehoahaz kundi an singkwentang lalaki na nakakabayo, sampolong karwahe asin dyes mil na soldados, huli ta an iba ginadan kan hade nin Siria, na tinimaktimakan niya siring sa alpog.

Salmo 107:34

An mayaman na daga ginibo niyang maasgad na kalangtadan huli kan karatan kan mga nag-eerok duman.

Mga Talinhaga 24:31

Gabos tonok saka doot an nagtatalubo duman. Gaba an gapong kudal kaini.

Isaias 11:11

Sa aldaw na iyan, gagamiton giraray nin Kagurangnan an saiyang kapangyarihan asin ipupuli an mga natada kan saiyang banwaan hale sa Asiria, Egipto, Patros, Etiopia, Elam, Babilonia, Hamath, asin sa mga baybayon kan dagat.

Isaias 19:13

Lolong an mga lider nin Zoan saka Memfis. Sinda kutana an nangenot sa nasyon alagad sainda ining linagalag.

Isaias 27:12

Sa aldaw na iyan, magpoon sa Salog nin Eufrates sagkod sa pagdolonan kan Egipto, saro-sarong titiponon nin Kagurangnan an saiyang banwaan, siring sa sarong tawo na naglalaen kan trigo sa ata.

Isaias 32:13

dangan mga binit saka doot na an nagtatalubo sa daga kan sakong banwaan. Tangisan nindo an mga harong na dating maogma asin an syudad na dating pano nin buhay.

Isaias 34:13

Mga tonok saka mga binit an matalubo sa gabos na palasyo saka nakukudal na mga banwaan, asin mga lalaw na ayam saka mga kuwaw an mag-eerok diyan.

Isaias 5:6

Papabayaan kong magtalubo an mga doot; dai ko iyan tatakrasan ni babayoboon, kundi papataluboon ko an mga tonok. Pagbobotan ko an mga dampog na dai maghulog nin uran duman.”

Isaias 7:23

“Pag-abot kan panahon na iyan, an lambang ubasan, na kaidto nakukuahan nin sangribong balagon nin ubas asin nagkakahalaga nin sangribong pedaso nin plata, matatambonan nin mga binit saka tonok.

Jeremias 2:16

Pinasa kan mga taga Memfis saka taga Tafanhes an saiyang payo.

Jeremias 42:22

Kaya giromdoma nindo ini: magagadan kamo sa gera o sa gutom o sa peste sa daga na boot nindong dumanan saka erokan.”

Jeremias 44:1

Nagtaram sako an Kagurangnan manongod sa gabos na Israelita na nag-eerok sa Egipto, sa mga syudad nin Migdol, Tafanhes, Memfis, saka sa habagat na parte kan daga.

Jeremias 44:12

Tutunawon ko an gabos na natada sa Juda na nagpirit nanggad na magduman saka mag-erok sa Egipto. Sinda gabos, dakula man o sadit, magagadan sa Egipto; magagadan sinda sa gera o sa gutom. Magigin sarong tanawon sinda na nakakatakot; pagsusubahan sinda kan mga tawo saka gagamiton an saindang ngaran bilang sarong maldisyon.

Jeremias 44:13

Papadusahan ko an mga nag-eerok sa Egipto, siring na pinadusahan ko an Jerusalem sa paagi nin gera, gutom, saka peste.

Jeremias 46:14

“Ipahayag mo ini sa mga banwa nin Egipto, sa Migdol, Memfis, saka sa Tafanhes: ‘Mag-andam kamo sa pagdepensa sa saindong sadiri, huli ta raraoton kan gera an gabos na yaon saindo!

Jeremias 46:19

Mga taga Egipto, andama nindo an saindong sadiri sa pagkabihag! An Memfis magigin sarong desyerto, sarong raot na lugar na mayo nin mag-eerok.

Ezekiel 30:13

Nagtataram an Kagurangnan Dios, “Raraoton ko an mga ladawan asin an mga dios-dios sa Memfis. Mayo na nin maghahade sa daga nin Egipto asin tatakoton ko an gabos na tawo.

Ezekiel 30:16

Susuloon ko an Egipto, asin an Pelusium magkakaigwa nin dakulang kasakitan. Marurumpag an mga kudal nin Tebes asin magbabaha sa syudad na iyan.

Oseas 10:8

Magkakagaraba an mga lugar na pagsasambahan sa kabubuldan nin Aven, saen nagsasamba nin mga dios-dios an banwaan nin Israel. Matalubo sa mga altar ninda an mga tonok saka doot. Maapod an mga tawo sa mga bukid, “Tagoa kami!” asin sa mga bulod, “Tahobi kami!”

Oseas 11:11

Madatong sinda hale sa Egipto siring sa marikas na mga gamgam, asin siring sa mga salampati hale sa Asiria. Ibabalik ko sinda sa sadiri nindang mga harong. Ako, an Kagurangnan, an nagtaram.”

Oseas 2:6

Kaya kukudalon ko siya nin matonok na mga tinanom asin matugdok ako nin kudal na maolang kan saiyang agihan.

Oseas 7:11

Nakakaarog sinda sa sarong salampati, mangmang asin mayong pakasabot; pakatapos na magpatabang sinda sa Egipto, nagduman sinda sa Asiria!

Oseas 7:13

“Herak man sainda, huli ta tinalikodan ninda ako asin nagrebelde sinda sako! Magkakagaradan sinda! Boot ko kutanang iligtas sinda, alagad bakong totoo an pagsamba ninda sako.

Oseas 7:16

Padagos sinda sa pagtalikod sako asin minaduman sinda sa sarong dios-dios na mayong kapangyarihan. Dai sinda malalaoman siring sa sarong tiko na pana. Magagadan sinda sa espada huli kan kapalangkawan kan saindang mga lider, asin ngingisihan sinda kan mga taga Egipto.”

Oseas 8:13

Nagdodolot sinda sako nin mga sakripisyo asin kinakakan ninda an laman kan mga sakripisyo. Alagad ako, an Kagurangnan, dai naoogma sainda, asin gigiromdomon ko ngunyan an saindang kasalan dangan papadusahan ko sinda huli kaiyan; ibabalik ko sinda sa Egipto!

Oseas 9:3

Dai magdadanay an banwaan nin Israel sa daga nin Kagurangnan, kundi mapipiritan na magbalik sa Egipto asin magkakan kan ipinangalad na kakanon sa Asiria.

Levitico 26:33

Dadarahan ko kamo nin gera, asin iwawarak ko kamo sa mga dayuhan na daga. Mababayaan an sadiri nindong daga dangan magkakagaraba an saindong mga syudad.

Sofonias 1:11

Mag-agrangay kamo asin maghibi kun madangog nindo ini, kamo na nag-eerok sa mga hababang kabtang kan syudad, huli ta magagadan an gabos na negosyante!

1 Samuel 13:6

Dangan sarong makosog na salakay an saindang ginibo laban sa mga Israelita. Naparaot an kamugtakan kan mga Israelita sa ralaban na idto, kaya an iba sainda nagtarago sa mga lungib asin mga kalot, sa kagapoan, sa mga lulubngan asin mga bubon;