Oseas 9:3 - Marahay na Bareta Biblia

³ Dai magdadanay an banwaan nin Israel sa daga nin Kagurangnan, kundi mapipiritan na magbalik sa Egipto asin magkakan kan ipinangalad na kakanon sa Asiria.

Oseas 9:3 ပူးပေါင်းရင်းမြစ်များ

1 Mga Hade 9:7

hahaleon ko an banwaan nin Israel sa dagang itinao ko sainda. Pababayaan ko man an Templong ini na kinonsagra ko para sa sakong ngaran. An Israel magigin ngingisihan asin pagtutuyatuyaon kan gabos na banwaan.

2 Mga Hade 17:6

Kan ikasiyam na taon kan paghahade ni Hosea, nasakop kan emperador nin Asiria an Samaria. An mga Israelita dinara niya sa Asiria bilang mga bihag, dangan pinaerok sa syudad nin Hala, asin sa harani kan salog nin Habor sa distrito nin Gozan, saka sa mga syudad nin Media.

Jeremias 16:18

Magbabayad sinda nin doble para sa saindang mga kasalan asin katampalasanan, huli ta dinigtaan ninda an sakong daga kan saindang mga dios-dios na arog sa mga bangkay na mayo nin buhay; pinano ninda an daga kan saindang mga bakong totoong dios.”

Jeremias 2:7

Dinara ko sinda sa sarong matubang na daga, tanganing magpakabasog sinda sa mga bunga asin sa iba pang marahay na mga bagay na makukua duman. Alagad paglaog ninda, rinaot ninda an sakong daga; dinigtaan ninda an dagang itinao ko sainda.

Mga Panambitan 5:6

Tanganing mabuhay, nakilimos kami nin pagkakan sa Egipto asin sa Asiria.

Ezekiel 4:13

Nagtaram an Kagurangnan, “Iyan an magigin pagkakan kan mga Israelita, pagkakan na ipinapangalad kan Katogonan, kun iwarak ko na sinda sa mga dayuhan na nasyon.”

Daniel 1:8

Nagdesisyon si Daniel na dai niya didigtaan an sadiri huli sa pagkakan kan kakanon asin sa pag-inom kan arak na hale sa palasyo, kaya hinagad niya ki Aspenaz na tabangan siya.

Oseas 11:11

Madatong sinda hale sa Egipto siring sa marikas na mga gamgam, asin siring sa mga salampati hale sa Asiria. Ibabalik ko sinda sa sadiri nindang mga harong. Ako, an Kagurangnan, an nagtaram.”

Oseas 11:5

“Habo nindang magbalik sako, kaya kaipuhan magbalik sinda sa Egipto, asin paghahadean sinda kan Asiria.

Oseas 7:11

Nakakaarog sinda sa sarong salampati, mangmang asin mayong pakasabot; pakatapos na magpatabang sinda sa Egipto, nagduman sinda sa Asiria!

Oseas 7:16

Padagos sinda sa pagtalikod sako asin minaduman sinda sa sarong dios-dios na mayong kapangyarihan. Dai sinda malalaoman siring sa sarong tiko na pana. Magagadan sinda sa espada huli kan kapalangkawan kan saindang mga lider, asin ngingisihan sinda kan mga taga Egipto.”

Oseas 8:13

Nagdodolot sinda sako nin mga sakripisyo asin kinakakan ninda an laman kan mga sakripisyo. Alagad ako, an Kagurangnan, dai naoogma sainda, asin gigiromdomon ko ngunyan an saindang kasalan dangan papadusahan ko sinda huli kaiyan; ibabalik ko sinda sa Egipto!

Oseas 9:6

Kun mag-abot an kasakitan asin mawarak an banwaan, titiponon sinda kan mga taga Egipto tanganing ilubong duman sa Memfis! An mga lugar na natutugdokan kan saindang mga harong saka an mga mahalagang bagay ninda na gibo sa plata tataluboan nin doot asin binit.

Levitico 18:28

tanganing dai kamo isuka kan daga, arog kan pagsukahan kaini kan mga naenot saindong nag-erok duman.

Levitico 20:22

Nagtaram an Kagurangnan, “Otobon nindo an gabos kong mga togon asin mga pagboot, tanganing dai kamo isuka kan daga nin Canaan na pagdadarahan ko saindo.

Levitico 25:23

“Dai nindo pwedeng ipabakal an saindong daga na an kondisyon kan kabakalan sagkod na lamang, huli ta bako nindong sadiri iyan; sadiri ko iyan, asin siring kamo sa mga dayuhan na nakikihimanwa sako.

Amos 7:17

Amazias, sinasabihan ka nin Kagurangnan, ‘An saimong agom magigin sarong maraot na babae sa mga tinampo asin magagadan sa gera an saimong kaakian. Pagbabarangaon kan iba an saimong daga asin magagadan ka sa sarong paganong daga. Dangan itatapok an banwaan nin Israel harayo sa saindang daga.’”

Mikas 2:10

Bangon kamo asin lakaw; mayo na nin kaligtasan digdi para sa saindo. Ipinahamak kan saindong mga kasalan an lugar na ini, kaya raraoton ini.

Mga Gibo 10:14

Alagad nagsabi si Pedro, “Habo ako, Kagurangnan! Huli ta dai pa lamang ako nagkakan nin anoman na ibinibilang na maati.”

Deuteronomio 28:63

Kun gurano nagin maogma an Kagurangnan sa pagpauswag asin pagpadakul saindo, siring man an saiyang magigin kaogmahan sa pagraot saka pagtunaw saindo; gagaboton niya kamo duman sa daga na saindong lalaogon dangan sasadirihon.

Deuteronomio 28:68

Lunad nin mga barko, ibabalik kamo nin Kagurangnan sa Egipto, maski ngani nangako na siya na dai na kamo ibabalik duman. Ipapabakal nindo duman sa saindong mga kaiwal an saindong sadiri bilang mga oripon alagad mayo nin mabakal saindo.”

Deuteronomio 4:26

Saksi ko an langit asin an daga laban saindo ngunyan na aldaw, na kun suhayon nindo ako, mapapara kamo sa daga. Dai maghahalawig an saindong buhay sa ibong kan Jordan, sa daga na saindong sasakopon. Magagadan kamo gabos.

Josue 23:15

Alagad siring na inotob niya an lambang panuga na ginibo niya saindo, gigibohon man niya an mga maraot na bagay na ipinatanid niya saindo.