Oseas 9:2 - Marahay na Bareta Biblia

² Alagad dai mahahaloy, magkukulang an saindong trigo saka lana nin oliba, asin dai na kamo magkakaigwa nin arak.

Oseas 9:2 ပူးပေါင်းရင်းမြစ်များ

Genesis 50:10

Kan makaabot sinda sa ginikan nin Atad sa sirangan kan Jordan, haloy sindang nagtarangis nin makosog, asin sa laog nin pitong aldaw, ginibo ni Jose an mga seremonya nin pagmondo para sa saiyang ama.

Oseas 2:11

Tataposon ko na an saiyang kaogmahan—an saiyang taon-taon saka bulan-bulan na mga pyesta asin an saiyang mga Sabbath—an gabos niyang itinalaan na mga pyesta.

Oseas 2:12

Raraoton ko an saiyang tinanom na mga ubas asin mga kahoy na higera, na sinabi niyang ibinayad saiya kan mga namomoot saiya karibay kan saiyang paglingkod sainda. An saiyang mga ubasan saka mga kahoy na higera gigibohon kong sarong kalangtadan; raraoton an mga iyan kan mga lalaw na hayop.

Oseas 2:9

Kaya sa tig-ani, babawion ko an sakong mga regalong trigo saka arak, asin babawion ko man an mga telang lana saka lino na itinao ko saiya para sa saiyang gubing.

Amos 5:11

Inapi nindo an mga dukha saka hinabonan kan saindang kakanon, kaya dai kamo mag-eerok sa pinatindog nindong magayon na mga harong na gibo sa gapo, ni mag-iinom kan arak hale sa magagayon nindong ubasan.

Hageo 1:9

“Naglaom kamo nin dakul na aanihon, alagad dikit sana an nakua nindo. Dangan kan darahon na nindo iyan sa saindong harong, hinuyop ko iyan. Tano ta ginibo ko ini? Huli ta raot pa an sakong Templo mantang an lambang saro saindo nasisibot sa pagtrabaho kan saiyang harong.

Hageo 2:16

nagduman kamo sa tinambak na trigo sa paghona na makakakua kamo nin beynteng takad, alagad sampolo sana an idtoon duman. Nagduman kamo sa laogan nin arak sa pagharok nin singkwentang galon, alagad beynte sana an idtoon duman.