Oseas 9:14 - Marahay na Bareta Biblia

¹⁴ Ano an hahagadon ko na gibohon mo sa mga tawong ini? Gibohang baog an saindang mga babae! Halean mo sinda nin gatas tanganing dai makapasuso sa saindang mga aki!

Oseas 9:14 ပူးပေါင်းရင်းမြစ်များ

An Libro ni Job 21:10

An saindang mga torong baka nakakamaro asin an saindang mga babaeng baka dai nadidipisilan sa pag-ogbon.

Exodo 23:26

Sa saindong banwaan mayo nin babae na makukuahan o magigin baog. Tatawan ko kamo nin halawig na buhay.

Oseas 9:11

An kadakulaan nin Israel malayog paharayo siring sa sarong gamgam, asin dai na sinda mag-aaki; mayo na nin babaeng mabados asin mayo na nin aking ipapangidam.

Oseas 9:13

Kagurangnan, nahihiling kong pinaghahanap an saindang mga aki dangan ginagadan.

Oseas 9:16

An banwaan nin Israel nakakaagid sa sarong tinanom na naalang an mga gamot asin dai na nagbubunga. Dai sinda magkakaigwa nin mga aki, alagad maski pa magkaigwa sinda, gagadanon ko an mga aking namomotan nindang marahay.”

Mateo 24:19

Herak man sa mga bados asin sa mga may pasoso sa mga aldaw na iyan!

Markos 13:17

Herak man sa mga bados asin sa mga inang may pinapasuso sa mga aldaw na iyan!

Lukas 21:23

Herak man sa mga bados asin sa mga ina na may pinapasuso sa mga aldaw na iyan! Huli ta maabot an makuring kasakitan sa kinaban asin an padusa nin Dios sa banwaan na ini.

Lukas 23:29

Huli ta maabot an panahon na an mga tawo magsasabi, ‘Paladan an mga babaeng baog, an mga dai nagbados asin an mga dai nagpasuso!’

1 Corinto 7:26

Huli kan mga kasakitan ngunyan, sa paghona ko mas marahay pa na an sarong lalaki magdanay sa kamugtakan niya ngunyan.

Deuteronomio 28:18

“‘Mamaldisyonon nin Kagurangnan an saindong mga aki, mga ani sagkod mga hayop.