Oseas 9:13 - Marahay na Bareta Biblia

¹³ Kagurangnan, nahihiling kong pinaghahanap an saindang mga aki dangan ginagadan.

Oseas 9:13 ပူးပေါင်းရင်းမြစ်များ

2 Mga Hade 15:16

Kan panahon na iyan, rinaot ni Menahem an syudad nin Tappua, an mga nag-eerok duman, asin an mga teritoryo kaini, magpoon sa Tirza huli ta an syudad dai nagsuko saiya. Ginadan niya an mga nag-eerok digdi. An mga babaeng bados ipinabaak niya an tulak.

An Libro ni Job 27:14

Kun magdakul an saiyang mga aking lalaki, magagadan sinda gabos sa gera; an saiyang mga aki magkukulang nin pagkakan.

Jeremias 7:15

Papahaleon ko kamo sa atubangan ko arog kan pagpahale ko sa saindong mga kadugo, an banwaan nin Israel. Ako, an Kagurangnan, an nagtaram.”

Jeremias 9:21

Huli ta naglaog an kagadanan sa satong mga bintana, asin naglaog man sa satong mga palasyo; ginadan kaini an mga aking nasa tinampo asin an mga hoben na lalaki sa mga plasa.

Mga Panambitan 2:22

Inalok mo an mga kaiwal ko na magselebrar nin sarong pyesta nin takot sa palibot ko. Sa aldaw nin saimong kaanggotan, mayo nin nakadulag o natadang buhay. Ginadan ninda an sakong mga aki, na sakong pinadakula asin namotan.

Ezekiel 27:3

an syudad na nagtitindog sa tampi kan dagat asin nakikipagnegosyo sa mga banwaan na nag-eerok man sa tampi kan dagat. Sabihan mo an Tiro na ini an itinataram nin Kagurangnan Dios: “Tiro, ipinaghambog mo an saimong mayong kaninan na kagayonan.

Oseas 10:14

madatong sa saindong banwaan an gera dangan magagaba an gabos nindong bantayan. An aldaw na iyan makakaagid sa aldaw na rinaot ni Hadeng Salman an syudad nin Bet-arbel sa sarong gera; nagkaroronot kaidto an mga ina kaiba an saindang mga aki.

Oseas 13:16

Kaipuhan na padusahan an Samaria huli ta nagrebelde iyan sako. Magagadan sa gera an saiyang mga namamanwaan; roronoton sa daga an saiyang mga omboy asin lalaslason an mga tulak kan mga bados na babae.”

Oseas 13:8

Sasalakayon ko kamo siring sa sarong oso na nawaraan kan saiyang mga ogbon, saka roronoton ko an saindong mga daghan. Siring sa sarong leon, kakakanon ko kamo, asin pepedasohon arog sa pagpedaso kan sarong lalaw na hayop.

Oseas 14:1

Magbalik kamo sa Kagurangnan na saindong Dios, O banwaan nin Israel. An saindong kasalan iyo an nakapatumba saindo.

Oseas 9:16

An banwaan nin Israel nakakaagid sa sarong tinanom na naalang an mga gamot asin dai na nagbubunga. Dai sinda magkakaigwa nin mga aki, alagad maski pa magkaigwa sinda, gagadanon ko an mga aking namomotan nindang marahay.”

Amos 7:17

Amazias, sinasabihan ka nin Kagurangnan, ‘An saimong agom magigin sarong maraot na babae sa mga tinampo asin magagadan sa gera an saimong kaakian. Pagbabarangaon kan iba an saimong daga asin magagadan ka sa sarong paganong daga. Dangan itatapok an banwaan nin Israel harayo sa saindang daga.’”