Oseas 9:10 - Marahay na Bareta Biblia

¹⁰ Nagsasabi an Kagurangnan, “Kan manumpongan ko an Israel, nakakaagid iyan sa pakanumpong nin ubas sa desyerto. Kan mahiling ko an saindong mga ginikanan, nakakaagid iyan sa pakahiling kan enot na hinog na bunga nin higera. Alagad kan makaabot sinda sa Bukid nin Peor, nagpoon sinda sa pagsamba ki Baal asin dai nahaloy, nakaarog sinda sa mga makauuyam na mga dios-dios na saindang namotan.

Oseas 9:10 ပူးပေါင်းရင်းမြစ်များ

1 Mga Hade 16:31

Bako sanang nagkasala si Ahab arog ki Jeroboam, kundi inagom pa niya si Jezebel na aking babae ni Hadeng Etbaal nin Sidon dangan nagsamba siya ki Baal.

2 Mga Hade 17:11

Nagtutong sinda nin insenso sa gabos na paganong altar, arog kan ginibo kan mga nasyon na pinahale nin Kagurangnan sa daga. Pinaanggot ninda an Kagurangnan huli kan maraot nindang mga gibo

Salmo 115:8

An naggibo sainda arog man sainda; siring man an gabos na minasarig sainda.

Salmo 81:12

Kaya pinabayaan ko sinda sa katagasan kan saindang mga payo tanganing masunod ninda an sadiri nindang mga mawot.

Awit nin mga Awit 3:6

Ano ining nagdadangadang hale sa kalangtadan na arog sa sarong hariging aso, na namamarong nin insenso asin mira, an insensong ipinapabakal kan mga negosyante?

Isaias 28:4

asin an napapara nang kamurawayan kan mga mapaabaw-abaw na lider mawawara siring sa enot na bunga kan higera bago an tig-init, na ginuguno asin kinakakan kun hinog na.

Jeremias 11:13

An mga dios-dios kan mga taga Juda arog kadakul kan saindang mga syudad asin an mga altar na itinugdok kan mga nag-eerok sa Jerusalem para sa makauuyam na dios-dios na si Baal arog kadakul kan mga tinampo nin Jerusalem.

Jeremias 24:2

An sarong basket igwa nin laog na mararahay na higera, na enot na naghirinog; an saro pang basket igwa nin laog na ralapang higera, na dai pwedeng kakanon huli ta nalapa nang marahay.

Jeremias 3:24

Alagad an pagsamba nyamo ki Baal, an dios nin kasosopgan, iyo an nagin dahelan kan pagkaubos kan samong mga hayop, mga aking lalaki saka babae, patin kan gabos na pinagalan kan samong mga ginikanan.

Jeremias 3:25

Dapat kaming pahigdaon sa kasosopgan, asin tahoban nin disonra. Kami asin an samong mga ginikanan danay na nagkasala sa Kagurangnan na samuyang Dios; dai mi nanggad kinuyog an saiyang mga pagboot.”

Jeremias 31:2

An mga tawong nakaligtas sa kagadanan naherakan ko sa desyerto. Kan an Israel maghanap nin kapahingaloan,

Jeremias 5:31

an mga propeta mayo nin itinataram kundi kaputikan; an mga padi namamayo sosog sa pagboot kan mga propeta, asin inooyonan ini kan sakong banwaan. Alagad ano an saindang gigibohon kun mag-abot na an kataposan?”

Ezekiel 20:8

Alagad nagtumang sinda sako asin dai ninda ako dinangog. Dai ninda itinapok an makauuyam na mga bagay na namotan ninda, asin dai ninda binayaan an mga dios-dios nin Egipto. Andam na kuta akong iula sainda an labi-labi kong kaanggotan duman sa Egipto.

Oseas 11:1

Nagsasabi an Kagurangnan, “Kan an Israel aki pa, namotan ko siya, asin bilang aki kong lalaki inapod ko siya paluwas sa Egipto.

Oseas 13:5

Ako an nag-ataman saindo sa mamarang daga sa kalangtadan.

Oseas 2:15

Itatao ko giraray saiya an mga ubasan na sadiri niya asin an Kapantayan nin Kasakitan gigibohon kong sarong pintoan nin paglaom. Sisimbagon niya ako duman siring kan ginibo niya kan hoben pa siya, kan mag-abot siya hale sa Egipto.

Oseas 4:14

Alagad dai ko sinda papadusahan huli sa siring na bagay, huli ta kamo mismo nakikidorog man sa mga maraot na babae sa templo, asin sa kaibahan ninda, nagdodolot kamo nin mga paganong sakripisyo. Siring sa kasabihan, ‘An banwaan na mayong pakasabot mararaot.’

Oseas 4:18

Pakainom nin dakul na arak, nawiwilihan ninda an pakikidorog sa bako nindang agom; boot pa ninda an kasosopgan ki sa onra.

Amos 4:5

Lakaw kamo asin dolotan an saindong tinapay sa pagpasalamat sa Dios, dangan ipaghambog nindo an saindong mga boluntad na dolot! Iyo ini an gawe na boot nanggad nindong gibohon.

Mikas 7:1

Herak man sa sako! Nakakaagid ako sa sarong gutom na tawong mayong nakukuang bunga sa mga kahoy asin ubas sa mga balagon. Ginuno na an gabos na ubas asin an masisiram na higera.

Mga Bilang 15:39

An mga kordon magigin mga pagiromdom, kaya sa panahon na mahiling nindo iyan, magigiromdoman nindo an gabos kong pagboot asin makuyog kamo kaiyan; dangan dai na kamo matalikod sako patin dai na kamo magibo kan gabos nindong magustohan.

Mga Bilang 18:13

An gabos na iyan magigin saimo. Pwedeng kumakan kaiyan an lambang malinig na kaayon kan saimong pamilya.

Roma 6:21

Alagad anong karahayan an nakua nindo sa paggibo kan mga bagay na idto na ngunyan ikinakasopog nindo? An bunga kan mga bagay na idto, kagadanan!

Deuteronomio 32:10

“Nakua niya sindang naglalagalag sa desyerto, sarong mapungaw saka madoros na kalangtadan. Ilinigtas niya sinda asin inataman, namotan asin pinadangat nin marahay.

Deuteronomio 32:17

Sa mga dios-dios sinda nag-atang; mga bagong dios na dai midbid kan saindang ginikanan, asin dai lamang natakotan.

Deuteronomio 4:3

Nahiling nindo an ginibo nin Kagurangnan sa Bukid nin Peor. Ginadan niya an gabos na nagsamba ki Baal duman,

Hukom 6:32

Poon kaidto, namidbid si Gideon sa ngaran na Jerubaal, huli ta nagsabi si Joas, “Palabana daw si Baal, huli ta altar niya an ginaba.”