Oseas 9:1 - Marahay na Bareta Biblia

¹ Banwaan nin Israel, ontoka an sa paganong pagselebrar nindo kan saindong pyesta. Tinalikodan nindo an saindong Dios asin dai kamo nagin maimbod saiya. Nakalakop kamo sa daga sa pagpabakal kan saindong sadiri sa dios na si Baal; arog kamo sa mga maraot na babae asin namotan nindo an trigo na sa paghona nindo ibinayad niya saindo!

Oseas 9:1 ပူးပေါင်းရင်းမြစ်များ

Salmo 73:27

Magagadan nanggad an mga harayo saimo; ginagadan mo an mga bakong maimbod saimo.

Isaias 17:11

Alagad maski magdahon saka mamurak an mga iyan sa mismong pagkaaga na itinanom mo, dai man giraray iyan magkakaigwa nin ani. Kasakitan saka dai nabobolong na kulog an mapapasaimo.

Jeremias 2:19

An saimong karatan iyo an mapadusa saimo dangan an pagtalikod mo sako iyo an makondenar saimo. Maaraman mo kun gurano kapait asin karaot an pagtalikod sako, an Kagurangnan na saimong Dios, pati an dai mo pagdanay na maimbod sako. Ako, an Kagurangnan, an Dios nin mga hukbo, an nagtaram.”

Jeremias 2:20

Nagsasabi an Kagurangnan na Makakamhan, “Israel, haloy mo nang isinikwal an kapangyarihan ko; habo mo akong kuyogon saka sambahon. sa ibabaw nin lambang halangkaw na bulod asin sa lindong nin lambang berdeng kahoy nagsamba ka arog sa sarong babaeng maraot.

Jeremias 44:17

Gigibohon mi an samong mga ipinanuga. Magtututong kami nin insenso sa reyna nin langit, saka mag-uula kami nin mga dolot na arak para saiya, arog kan dati nyamong ginigibo asin kan samong mga ginikanan, kan samong hade saka mga lider, sa mga banwa sa Juda asin sa mga tinampo nin Jerusalem. Kadakul kaidto kan samong pagkakan, mauswag kami asin mayo nin nag-abot samong kasakitan.

Mga Panambitan 4:21

Mga taga Edom asin Uz, mag-ogma kamo asin maggayagaya; alagad maabot man saindo an kasakitan; huba man kamong magsasayasay sa kasosopgan.

Ezekiel 16:15

“Alagad ginamit mo an saimong kagayonan asin kabantogan tanganing makidorog sa kiisay man na mag-agi.

Ezekiel 16:30

Ini an tataramon nin Kagurangnan Dios: “Ginibo mo ini gabos siring sa sarong daing sopog na maraot na babae.

Ezekiel 20:32

Dai nanggad mangyayari an nasa isip nindo—na kamo makaarog sa ibang mga nasyon, sa mga tawong nag-eerok sa ibang lugar asin nagsasamba sa mga kahoy saka sa mga gapo.

Ezekiel 21:10

Pinatarom tanganing ipanggadan, pinakintab tanganing magsilyab siring sa kikilat. Dai pwedeng magkaigwa nin kaogmahan, huli ta an sakong banwaan dai nagpahalaga sa lambang patanid asin padusa.

Oseas 10:5

Matatakot saka mamomondo an mga tawong nag-eerok sa syudad nin Samaria huli sa pagkawara kan bulawan na baka sa Bet-aven. An pagkawarang iyan pagtatangisan kan mga tawo saka kan mga padi na naglilingkod sa dios-dios na idto. Maghahaya sinda sa panahon na halean na kan saiyang kamurawayan an bulawan na torong baka.

Oseas 2:12

Raraoton ko an saiyang tinanom na mga ubas asin mga kahoy na higera, na sinabi niyang ibinayad saiya kan mga namomoot saiya karibay kan saiyang paglingkod sainda. An saiyang mga ubasan saka mga kahoy na higera gigibohon kong sarong kalangtadan; raraoton an mga iyan kan mga lalaw na hayop.

Oseas 4:12

Minahagad sinda nin kapahayagan sa sarong pedasong kahoy! An sarong sanga an nagsasabi sainda kan boot nindang maaraman! Tinalikodan na ninda ako. Siring sa sarong babae na nagin maraot, idinusay na ninda an saindang sadiri sa mga dios-dios.

Oseas 5:4

An karatan na ginibo kan mga tawo iyo an nakakaolang sainda sa pagbalik ninda sa Dios. Huli ta an epiritu nin pakikipagdorogan yaon sa sainda asin dai ninda midbid an Kagurangnan.

Oseas 5:7

Dai sinda nagin maimbod sa Kagurangnan; bako niyang sadiri an mga aki ninda. Kaya dai mahahaloy, magagadan sinda asin mararaot an saindang daga.

Amos 3:2

“Sa gabos na nasyon sa daga, ika sana an pinili ko asin inataman. Iyan an dahelan kun tadaw ta orog na minagabat an saimong mga kasalan, asin kun tano ta kaipuhan padusahan taka.”

Amos 4:5

Lakaw kamo asin dolotan an saindong tinapay sa pagpasalamat sa Dios, dangan ipaghambog nindo an saindong mga boluntad na dolot! Iyo ini an gawe na boot nanggad nindong gibohon.

Amos 6:13

Naghahambog kamo manongod sa pagsakop nindo sa Lodebar. Nagsasabi kamong, “Kaya mi nang sakopon an Karnaim.”

Amos 8:10

An saindong mga pyesta magigin mga aldaw nin kamondoan, asin an saindong magayagayang mga awit magigin mga panambitan. Gigibohon kong mapiritan kamong mag-aris kan saindong payo saka maggubing nin sako. Magigin arog kamo sa mga magurang na nagmomondo huli sa pagkagadan kan solo nindang aking lalaki. Magigin mapait sagkod sa kataposan an aldaw na iyan.

Santiago 4:16

Alagad nagpapaabaw-abaw kamo ngunyan asin naghahambog; maraot iyan.

Santiago 5:1

Hinanyoga nindo ako, mga mayaman! Magtangis saka maghaya kamo sa mga kasakitan na madatong saindo!