Oseas 8:7 - Marahay na Bareta Biblia

⁷ Huli ta nagtanom sinda nin doros, mag-aani sinda nin bagyo! An trigo na dai namumunga, dai makukuahan nin arina. Alagad maski mamunga pa iyan, an mga dayuhan man sana an makakan kaiyan.

Oseas 8:7 ပူးပေါင်းရင်းမြစ်များ

Genesis 41:23

Dangan nagbuswak man an pitong saradit asin tagiltilon na puso nin mais huli sa init kan doros na hale sa desyerto,

2 Mga Hade 15:19

An Israel sinalakay ni Tiglat-pileser na emperador nin Asiria. Tinawan ni Menahem si Tiglat-pileser nin treynta y otso toneladang plata, tanganing makua sana an tabang niya sa pagpakosog kan saiyang kapangyarihan sa Israel.

2 Mga Hade 15:29

Sa panahon kan paghahade ni Peka, an Israel sinalakay ni Tiglat-pileser, an emperador nin Asiria, asin nasakop niya an Ijon, Abel-bet-maaca, Janoa, Kedes, Hazor, Gilead, saka Galilea asin an bilog na daga nin Neftali; an mga nag-eerok digdi dinara niyang bihag sa Asiria.

An Libro ni Job 4:8

Siring sa sakong nahiling, an mga nag-aarado sa karatan asin nagtatanom nin kasakitan nag-aani man sana kaiyan.

Mga Talinhaga 22:8

Kun nagtanom ka nin inhustisya mag-aani ka nin kapahamakan, asin matatapos an pang-aapi mo sa iba.

Parahulit 5:16

Ini saro man na karatan! An tawo minahale siring kan saiyang pag-abot. Anong pakinabang an saiyang pagtrabaho, na arog man sana sa paglamag kan doros?

Isaias 17:11

Alagad maski magdahon saka mamurak an mga iyan sa mismong pagkaaga na itinanom mo, dai man giraray iyan magkakaigwa nin ani. Kasakitan saka dai nabobolong na kulog an mapapasaimo.

Isaias 55:2

Tadaw ta inuubos nindo an saindong kwarta para sa dai nakakabasog? Tadaw ta inuubos nindo an saindong tandan asin padagos pa kamong nagugutom? Dangoga nindo ako asin giboha an sasabihon ko, dangan mananamitan nindo an pinakamarahay sa gabos na kakanon.

Isaias 66:15

Madatong an Kagurangnan na may darang kalayo, asin malunad siya sa mga pakpak nin sarong bagyo, tanganing padusahan an mga tawong naanggotan niya.

Jeremias 12:13

An sakong banwaan nagtanom nin trigo, alagad doot an inani; nagpagal sinda nin marahay, alagad dai sinda nagkinabang. Huli kan sakong labi-labing kaanggotan mayo sinda nin inani sa saindang mga tinanom.”

Mga Panambitan 5:2

An samong pagsadiri yaon na sa mga dayuhan, mga taga ibang nasyon na an nag-eerok sa samong mga harong.

Oseas 2:9

Kaya sa tig-ani, babawion ko an sakong mga regalong trigo saka arak, asin babawion ko man an mga telang lana saka lino na itinao ko saiya para sa saiyang gubing.

Oseas 7:9

asin dai ninda naaaraman na an pagsarig na ini sa mga dayuhan iyo an nagpaluya sainda. Nabibilang na an saindang mga aldaw, alagad dai pa ninda iyan aram.

Oseas 9:16

An banwaan nin Israel nakakaagid sa sarong tinanom na naalang an mga gamot asin dai na nagbubunga. Dai sinda magkakaigwa nin mga aki, alagad maski pa magkaigwa sinda, gagadanon ko an mga aking namomotan nindang marahay.”

Nahum 1:3

An Kagurangnan bakong madaling maanggot, alagad mapangyari siya asin pinapadusahan nanggad niya an may kasalan. Sa linalakawan nin Kagurangnan, minatunga an mga bagyo; an mga panganoron iyo an alpog na nasusudsod kan saiyang mga bitis!

Hageo 1:6

Dakul na trigo an saindong itinanom, alagad dikit sana an saindong inani. May pagkakan kamo, alagad kulang pa tanganing mabasog kamo. May arak kamong inomon, alagad kulang man tanganing maburat kamo! Igwa kamo nin gubing, alagad kulang man giraray tanganing mahimbongan kamo. An trabahador kulang man an inaakong tandan tanganing mabuhay.

Galacia 6:7

Dai nindo pagdayaon an sadiri nindo; an Dios dai maloloko nin siisay man. Kun ano an itinanom nin tawo, iyan man an saiyang aanihon.

Galacia 6:8

An nagtatanom sa oma nin mga kamawotan sa laman, maani nin kagadanan; an nagtatanom sa oma nin Espiritu, maani nin buhay na daing kataposan.

Deuteronomio 28:33

Kukuahon nin sarong dayuhan na nasyon an gabos na bunga kan saindong daga asin kan saindong kapagalan; dangan padagos kamong aapihon asin pag-oorihan.