Oseas 8:14 - Marahay na Bareta Biblia

¹⁴ “Nagpatindog nin mga palasyo an banwaan nin Israel, alagad nalingawan ninda an Kaglalang sainda. An mga taga Juda nagpatindog nin pinapusog na mga syudad, alagad mapadara ako nin kalayo na masulo kan saindang mga palasyo saka mga syudad.”

Oseas 8:14 ပူးပေါင်းရင်းမြစ်များ

1 Mga Hade 12:31

Si Jeroboam naggibo man nin mga lugar na pagsasambahan sa kabubuldan, asin nagpili siya nin mga pading gikan sa mga pamilya na bakong kaayon sa tribu ni Levi.

1 Mga Hade 16:31

Bako sanang nagkasala si Ahab arog ki Jeroboam, kundi inagom pa niya si Jezebel na aking babae ni Hadeng Etbaal nin Sidon dangan nagsamba siya ki Baal.

2 Mga Hade 18:13

Kan ikakatorseng taon kan paghahade ni Hadeng Ezekias, sinalakay ni Senakerib na emperador nin Asiria an pusog na mga syudad nin Juda dangan sinakop an mga ini.

2 Mga Cronica 26:10

Nagtugdok pa siya nin mga tore sa kalangtadan asin nagkalot nin dakul na bubon huli ta dakul an saiyang mga baka duman sa Sefela asin sa kapatagan. Huli ta namotan niya an pag-oma, sinadol niya an mga tawo na magtanom nin mga ubas sa kabubuldan asin magtrabaho sa matubang na daga.

2 Mga Cronica 27:4

Nagpatindog siya nin mga syudad sa kabubuldan nin Juda asin nagpagibo siya nin mga tore saka mga bantayan duman sa kadlagan.

Salmo 106:21

Nalingawan ninda an Dios, an saindang Paraligtas, na naggibo nin dakulang mga bagay duman sa Egipto,

Salmo 95:6

Madya, magduko asin magsamba kita, lumuhod kita sa atubang nin Kagurangnan na satong Kaglalang!

Isaias 17:10

Israel, nalingawan mo na an Dios nin saimong kaligtasan asin an Gapo na saimong pailihan. Embes kaiyan, nagtanom ka nin sagradong mga tatamnan tanganing magsamba sa sarong dayuhan na dios.

Isaias 29:23

Kun mahiling na nindo an mga aki na itatao ko saindo, aakoon nindo na ako an banal na Dios nin Israel. Gagalangan nindo ako asin magkakaigwa kamo nin pagkatakot sa sako.

Isaias 42:13

An Kagurangnan minaluwas siring sa sarong paralaban; andam asin boot makigera. Minakurahaw siya bilang tanda nin pagsalakay; ipinapahiling niya an saiyang kapangyarihan laban sa saiyang mga kaiwal.

Isaias 42:25

Kaya ipinamate niya sato an saiyang makuring kaanggotan, asin pinatios kan kadahasan nin gera. Arog sa kalayo, an saiyang kaanggotan naglaad sa bilog na Israel, alagad an nangyari dai ta nanggad aram; mayo kitang nanodan hale diyan.

Isaias 43:21

Sinda an banwaan na ginibo ko para sako, asin mag-aawit sinda sako nin mga pag-omaw!”

Isaias 9:10

“Nagkagaraba na an mga edipisyong gibo sa ladrilyo, alagad riribayan mi iyan nin gapo. Nagkabarari na an mga kahabaan na sikomoro, alagad riribayan mi iyan nin mga sedro.”

Isaias 9:9

An gabos na tawo sa Israel, an gabos na nag-eerok sa syudad nin Samaria, makakaaram na siya an naggibo kaini. Ngunyan mapaabaw-abaw asin mapalangkaw na nagsasabi sinda,

Jeremias 17:27

Alagad dapat na kuyogon ninda ako, asin ipaglehe ninda an Sabbath bilang sarong banal na aldaw. Dai nanggad sinda magdara nin anoman sa paglaog sa mga trangkahan nin Jerusalem sa aldaw na iyan. Kun dai, susuloon ko an mga trangkahan nin Jerusalem. Masusulo an mga palasyo nin Jerusalem, asin mayo nin siisay man na makakasigbo kan kalayo.”

Jeremias 2:32

Malilingawan daw nin sarong daraga an saiyang mga alahas, o nin sarong nobya an saiyang gubing na pangkasal? Alagad nalingawan ako kan sakong banwaan sa halawig na panahon.

Jeremias 23:27

Naghohona sinda na an sinasabi nindang mga pangatorogan magigin dahelan kan pagkalingaw sako kan banwaan ko, siring na nalingaw sako an saindang mga ama asin nagdolok ki Baal.

Jeremias 3:21

May nadangog na ribok sa mga alitoktok kan kabubuldan: iyan mga paghibi saka pagtangis kan banwaan nin Israel, huli ta namuhay sinda sa karatan asin an Kagurangnan na saindang Dios saindang nalingawan.

Jeremias 5:17

Uuboson ninda an mga inani asin pagkakan nindo. Gagadanon ninda an saindong mga aki. Uuboson ninda an saindong mga karnero saka mga baka, dangan raraoton an saindong mga ubasan saka mga kahoy na higera. An mga pinapusog na syudad na sinasarigan nindo rurumpagon kan saindang mga soldados.

Ezekiel 23:35

Kaya ini an itinataram kan Kagurangnan Dios: “Huli ta nalingawan mo ako asin nagtalikod ka sako, titioson mo an bunga kan saimong kadustaan asin karompotan.”

Oseas 13:6

Alagad kan makalaog kamo sa marahay na daga asin magkabarasog kamo, nagin mapaabaw-abaw kamo dangan nalingawan nindo ako.

Oseas 2:13

Papadusahan ko siya huli kan mga panahon na liningawan niya ako, kan magsulo siya nin insenso ki Baal asin kan isulot niya an saiyang mga alahas tanganing lamagon an mga namomoot saiya. An Kagurangnan an nagtaram.

Oseas 4:6

Mayong paglaom an sakong banwaan huli ta dai ninda ako minimidbid. Kamo man na mga padi habong magmidbid sako asin isinikwal nindo an sakong katukdoan, kaya isinisikwal ko man kamo asin dai ko man aakoon an saindong mga aking lalaki bilang mga padi ko.

Amos 1:10

Kaya papadarahan ko nin kalayo an mga kudal kan syudad nin Tiro asin susuloon ko an mga bantayan kaiyan.”

Amos 1:12

Kaya papadarahan ko nin kalayo an syudad nin Teman asin susuloon ko an mga bantayan nin Bozra.”

Amos 1:14

kaya papadarahan ko nin kalayo an mga kudal kan syudad nin Rabba asin susuloon ko an mga bantayan kaiyan. Dangan magkakaigwa nin kinurahaw sa aldaw nin gera, asin an ralaban magigin mangirhat siring sa sarong bagyo.

Amos 1:4

Kaya papadarahan ko nin kalayo an palasyo na pinatindog ni Hadeng Hazael asin susuloon ko an mga bantayan ni Hadeng Ben-hadad.

Amos 2:5

Kaya papadarahan ko nin kalayo an Juda asin susuloon ko an mga bantayan kan Jerusalem.”

Efeso 2:10

Linalang kita nin Dios. Sa pakisumaro ta ki Cristo linalang kita para sa mga gibong karahayan na dati na niyang inandam tanganing gibohon ta.

Deuteronomio 32:18

Nalingawan ninda an Gapo nin saindang kaligtasan, an Dios na nagtao sainda nin buhay.