Oseas 8:11 - Marahay na Bareta Biblia

¹¹ “Kan nagdakul an altar na itinugdok kan banwaan nin Israel para sa paghale nin kasalan, nagdakul man an mga lugar para sa saindang pagkasala!

Oseas 8:11 ပူးပေါင်းရင်းမြစ်များ

Jeremias 16:13

Kaya, itatapok ko kamo sa luwas kan dagang ini, sa sarong daga na dai nindo aram ni kan saindong mga ginikanan. Duman, aldaw-banggi kamong maglilingkod sa ibang mga dios asin dai ako maheherak saindo.’”

Jeremias 17:1

Nagsasabi an Kagurangnan, “Mga taga Juda, an saindong mga kasalan isinurat sa paagi kan lansang na pluma; inukit iyan nin sarong pang-ukit na dyamante sa saindong mga puso saka sa mga sungay kan saindong mga altar.

Oseas 10:8

Magkakagaraba an mga lugar na pagsasambahan sa kabubuldan nin Aven, saen nagsasamba nin mga dios-dios an banwaan nin Israel. Matalubo sa mga altar ninda an mga tonok saka doot. Maapod an mga tawo sa mga bukid, “Tagoa kami!” asin sa mga bulod, “Tahobi kami!”

Oseas 12:11

Alagad an pagsamba sa mga dios-dios ginigibo sa Gilead, asin magagadan an mga nagsasamba sainda. Nagsasakripisyo sinda nin mga torong baka sa Gilgal, asin magigin mga tambak nin gapo sa kaawagan an mga altar duman.”

Oseas 5:4

An karatan na ginibo kan mga tawo iyo an nakakaolang sainda sa pagbalik ninda sa Dios. Huli ta an epiritu nin pakikipagdorogan yaon sa sainda asin dai ninda midbid an Kagurangnan.

Deuteronomio 4:28

Sa mga nasyon na iyan, malingkod kamo sa mga dios-dios na kahoy saka gapo, mga gibo nin tawo, mga dios-dios na dai nakakahiling, dai nakakadangog, dai nakakakakan o nakakaparong.