Oseas 8:10 - Marahay na Bareta Biblia

¹⁰ Alagad titiponon ko na sinda asin papadusahan. Madali na sindang mamiripit sa kulog kun poonan na sindang apihon kan emperador nin Asiria.

Oseas 8:10 ပူးပေါင်းရင်းမြစ်များ

2 Mga Hade 14:26

Nahiling nin Kagurangnan an makuring pagtios kan mga Israelita; maski saro mayo nin pwedeng magtabang sainda.

2 Mga Hade 17:3

Nakigera si Salmaneser na emperador nin Asiria laban ki Hosea; nagsuko si Hosea ki Salmaneser asin nagbuhis saiya taon-taon.

2 Mga Hade 17:4

Alagad nagpadara si Hosea nin mga sugo ki So, an hade nin Egipto sa paghagad nin tabang, asin dai na siya nagbayad kan buhis ki Salmaneser arog kan ginigibo niya taon-taon. Kan maaraman ini ni Salmaneser, ipinadakop niya si Hosea saka ipinabilanggo.

1 Mga Cronica 5:26

Kaya pinangyari nin Dios na sakopon an saindang daga ni Pul na emperador kan Asiria (inaapod man sa ngaran na Tiglat-pileser). An mga tribu ni Ruben, Gad, asin Manases sa sirangan itinapok asin duman sinda nag-erok sa Hala, Habor, saka Hara, asin sa may Salog nin Gozan. Duman na sinda nag-erok sagkod ngunyan.

Isaias 10:8

Nagsabi siya, “Gabos hade an sakong mga opisyal!

Isaias 30:2

Nagduduman sinda sa Egipto tanganing maghagad nin tabang maski dai pa sinda naghahagad kan sakong hatol. Boot nindang surogon sinda kan Egipto, kaya ibinubugtak ninda an saindang pagsarig sa hade nin Egipto.

Isaias 36:13

Dangan nagtindog an opisyal asin nagkurahaw sa lengwaheng Hebreyo, “Hinanyoga nindo an tataramon kan dakulang emperador, an emperador nin Asiria!

Jeremias 42:2

saka nakiolay sinda sako, “Ipamibi mo kami sa Kagurangnan na saimong Dios. Mamibi ka para sa samo gabos na natada. Kadakul mi kaidto; alagad ngunyan kadikit na sana kaming natada, siring sa nahihiling mo.

Ezekiel 16:33

An ordinaryong maraot na babae binabayadan, alagad ika pa an nagreregalo sa mga kadorogan mo asin nagsusuhol sainda tanganing magduman dangan makidorog saimo.

Ezekiel 16:37

kaya uya, titiponon ko an mga dati mong kadorogan—an mga namotan mo asin an mga naongisan mo. Dadarahon ko sinda sa palibot mo dangan huhubaan taka tanganing mahiling ninda an saimong pagkani-huba.

Ezekiel 22:20

siring na tinitipon nin mga tawo an lata, bronse, lansang, saka timga sa sarong horno tanganing tunawon. Tutunawon ko man sinda kan sakong labi-labing kaanggotan.

Ezekiel 23:5

Maski agom ko na si Ohola, nagpadagos pa siya sa pakidorog sa ibang lalaki asin napano siya nin marompot na kamawotan para sa mga namomoot saiya na mga taga Asiria.

Ezekiel 26:7

Nagtataram an Kagurangnan Dios, “Dadarahon ko sa Tiro an pinakadakulang hade—si Hadeng Nebukadnezzar nin Babilonia—tanganing salakayon an Tiro. Madatong siya hale sa amihan kaiba an dakulang hukbo, mga kabayo saka mga karwahe, asin mga soldados na nakakabayo.

Daniel 2:37

Mahal na Hade, ika an pinakadakula sa gabos na hade. An Dios nin langit an naggibo saimong magin emperador, asin tinawan ka niya nin kapangyarihan, kosog saka dangog.

Oseas 10:10

Sasalakayon ko an makasalan na banwaan na ini asin papadusahan ko sinda. Magkakasararo an mga nasyon laban sainda asin papadusahan sinda huli kan kadakul nindang mga kasalan.

Oseas 12:2

An Kagurangnan igwa nin reklamo laban sa mga taga Juda; papadusahan man niya an Israel huli kan mga gawe kan saiyang namamanwaan. Babalosan niya sinda sosog sa saindang mga gibo.

Hageo 2:6

“Dai mahahaloy, tatanyogon ko an kalangitan asin an kinaban, an daga saka an dagat.