Oseas 7:7 - Marahay na Bareta Biblia

⁷ “Sa init kan saindang kaanggotan, ginadan ninda an saindang mga pamayo; saro-sarong ginadan ninda an saindang mga hade, alagad mayo nin namimibi sa sako sa paghagad nin tabang.”

Oseas 7:7 ပူးပေါင်းရင်းမြစ်များ

1 Mga Hade 15:28

Nangyari ini kan ikatolong taon nin paghahade ni Hadeng Asa nin Juda, kaya si Baasa an nagsalihid ki Nadab bilang hade nin Israel.

1 Mga Hade 16:18

Kan mahiling ni Zimri na nasakop an syudad, nagduman siya sa bantayan kan palasyo, sinulo an palasyo asin nagadan siya sa kalayo.

1 Mga Hade 16:22

Nanggana an mga kampi ki Omri; nagadan si Tibni kaya si Omri an nagin hade.

2 Mga Hade 10:14

Pinagbotan ni Jehu an saiyang mga tawohan, “Dakopa nindo sindang buhay!” Dinakop ninda an mga kadugo ni Ahazias asin ginadan niya sinda harani sa sarong kalot duman. Kwarenta y dos katawo sinda gabos asin mayo sainda nin natadang buhay.

2 Mga Hade 10:7

Pakabasa ninda kan surat, ginadan ninda an setentang aking lalaki ni Ahab, ibinugtak an mga payo sa mga basket, asin ipinadara ki Jehu sa Jezreel.

2 Mga Hade 15:10

Si Sallum na aking lalaki ni Jabes nagplano laban ki Hadeng Zacarias. Ginadan niya ini sa Ibleam asin siya an nagsalihid bilang hade.

2 Mga Hade 15:14

Hale sa Tirza, nag-abot sa Samaria si Menahem na aking lalaki ni Gadi. Ginadan niya si Sallum asin siya an nagsalihid bilang hade.

2 Mga Hade 15:25

Si Peka na aking lalaki ni Remalias, na sarong opisyal kan hukbo ni Pekaias, nagplano laban saiya kaiba an singkwentang lalaki na taga Gilead. Ginadan ninda si Pekaias sa Samaria, sa bantayan kan palasyo, asin si Peka an nagsalihid saiya bilang hade.

2 Mga Hade 15:30

Kan ikabeynteng taon nin paghahade sa Juda ni Jotam na aking lalaki ni Uzzias, nagplano laban ki Hadeng Peka si Hosea na aking lalaki ni Ela. Ginadan ni Hosea si Hadeng Peka asin siya an nagsalihid bilang hade.

2 Mga Hade 9:24

Alagad pinana siya ni Jehu. Tinamaan siya sa likod asin luminagbas sa saiyang puso an bosog. Gadan na natumba si Joram sa laog kan saiyang karwahe.

2 Mga Hade 9:33

asin sinabihan sinda ni Jehu, “Ihulog nindo an babaeng iyan!” Ihinulog ninda si Jezebel, asin an saiyang dugo tuminuprik sa kudal sagkod sa mga kabayo. Pinadalagan ni Jehu an saiyang mga kabayo asin karwahe sa ibabaw kan bangkay ni Jezebel,

An Libro ni Job 36:13

“An mga bakong diosnon nagpapadagos sa pagigin anggot, asin dai minahagad nin tabang maski pinapadusahan.

Salmo 14:4

“Dai daw nin pakasabot an mga tampalasan?” an hapot nin Kagurangnan. “Nabubuhay sinda sa panghahabon sa sakong banwaan, asin dai sinda nag-aapod sako.”

Isaias 43:22

Nagsasabi an Kagurangnan, “Alagad napagal ka sako, Israel; dai ka nagsamba sako.

Isaias 64:4

Mayo pa nin siisay man na nakahiling o nakadangog dapit sa sarong Dios na arog saimo, na naggigibo nin siring na mga bagay para sa mga tawong minabugtak kan saindang paglaom saiya.

Isaias 64:6

Gabos kami nagkasala; maati maski an pinakamarahay ming gibo. Huli kan samong mga kasalan nakakaagid kami sa mga dahon na naaalang asin ipinapalid kan doros.

Isaias 64:7

Mayong namimibi saimo; mayong nadolok saimo sa paghagad nin tabang. Tinagoan mo kami asin pinabayaan huli kan samong mga kasalan.

Isaias 9:13

Dai nagbakle an banwaan nin Israel; maski pinadusahan na sinda kan Kagurangnan nin mga hukbo, dai sinda nagbalik saiya.

Ezekiel 22:30

Naghanap ako nin saro man lamang na lalaki sa sainda na makakatugdok nin kudal, na makakatindog sa kabtang kan kudal na narumpag tanganing bantayan an daga kun madali ko nang tunawon iyan kan sakong kaanggotan, alagad mayo akong nakua.

Daniel 9:13

Itinao mo samo an gabos na padusa na sinasabi sa Katogonan ni Moises. Alagad maski ngunyan, O Kagurangnan na samong Dios, dai kami naghingowa na mapaogma ka sa paagi nin pagbakle sa samong mga kasalan o sa pagsunod kan saimong katotoohan.

Oseas 13:10

Naghagad kamo nin hade saka mga lider, alagad paano ninda ikakaligtas an nasyon?

Oseas 5:15

“Papabayaan ko an sakong banwaan sagkod na magtios sinda kan maninigo para sa saindang kasalan asin hanapon ninda ako. Tibaad sa saindang pagtios, hingowahon nindang hanapon ako.”

Oseas 7:10

An kapaabaw-abawan kan banwaan nin Israel nagsasaksi laban sa sainda. Dai pa sinda nagbalik sako, an Kagurangnan na saindang Dios, pakatapos na mangyari an gabos.

Oseas 7:14

Bakong tudok sa puso an pagpamibi ninda sako, kundi minadarapa saka minaharayo sinda arog kan ginigibo kan mga pagano. Kun namimibi sinda para sa trigo saka arak, linulugad ninda an saindang sadiri siring sa mga pagano. Mga rebelde nanggad sinda!

Oseas 8:4

“Nagpili sinda nin mga hade, sa saindang sadiring kabotan. Nagbugtak sinda nin mga lider, alagad dai ko iyan aram. Sa paagi kan saindang plata saka bulawan, naggibo sinda nin mga dios-dios—para sa saindang kapahamakan.

Mikas 2:1

Herak man sa mga tawong nagpupuka asin nagpaplano nin karatan! Pagsirang kan aldaw, ginigibo ninda tolos an saindang maraot na plano.