Oseas 7:4 - Marahay na Bareta Biblia

⁴ Gabos sinda mga parapasaluib asin bakong maimbod. Arog sinda sa sarong mainit na horno, na dai ginagatongan kan panadero kun dai pa andam an minasa.

Oseas 7:4 ပူးပေါင်းရင်းမြစ်များ

Jeremias 23:10

An daga pano nin tawo na bakong maimbod sa Kagurangnan; namumuhay sinda sa karatan asin bakong marahay an paggamit ninda kan saindang kapangyarihan. Huli kan maldisyon nin Kagurangnan nagmomondo an daga asin alang na an mga pasabsaban.

Jeremias 9:1

Kun sarong bubon pa sana nin tubig an sakong payo asin sarong burabod nin luha an mga mata ko, tanganing aldaw-bangging makapagtangis ako para sa mga ginaradan na mga kahimanwa ko.

Jeremias 9:2

Kun sa desyerto may lugar pa sana akong maeerokan tanganing makaharayo ako sa sakong banwaan! Gabos sinda bakong maimbod, sarong grupo sinda nin mga parapasaluib.

Oseas 4:10

Makakan kamo kan saindong kahirasan kan mga sakripisyo alagad dai kamo mababasog. Magsasamba kamo sa mga dios-dios, alagad dai kamo makakaigwa nin mga aki, huli ta tinalikodan nindo ako tanganing magsunod sa mga dios-dios.”

Oseas 4:12

Minahagad sinda nin kapahayagan sa sarong pedasong kahoy! An sarong sanga an nagsasabi sainda kan boot nindang maaraman! Tinalikodan na ninda ako. Siring sa sarong babae na nagin maraot, idinusay na ninda an saindang sadiri sa mga dios-dios.

Oseas 4:2

Nanunuga sinda alagad dai iyan inootob; nagpuputik sinda, nanggagadan, nanghahabon, asin nagdodorog sa bako nindang agom. Nagdadakul an krimen, asin sunod-sunod an garadanan.

1 Corinto 5:6

Dai kamo magpaabaw-abaw! Dai nindo aram an kasabihan, “An kadikit na lebadura minapausbog kan bilog na minasang arina”?

Santiago 4:4

Mga bakong maimbod! Bakong aram nindo na an pakikatood sa kinaban, pakiiwal sa Dios? Kaya an siisay man na boot makipagkatood sa kinaban, kaiwal nin Dios.