Oseas 7:2 - Marahay na Bareta Biblia

² Dai lamang naglaog sa saindang isip na magigiromdoman ko an gabos na karatan na ini; alagad napapalibotan sinda kan saindang mga kasalan, asin dai pwedeng dai ko mahiling an mga iyan.”

Oseas 7:2 ပူးပေါင်းရင်းမြစ်များ

An Libro ni Job 34:21

Huli ta nagmamasid siya sa mga gawe kan mga tawo, asin nahihiling niya an gabos nindang lakad.

Salmo 10:11

Nagsaboot siya, “Mayong pagmakulog an Dios! Tinakpan niya an saiyang lalawogon asin dai niya nanggad ako mahihiling!”

Salmo 25:7

Lingawe an sakong mga kasalan kan ako aki pa; huli kan danay mong pagkamoot asin pagkamarahayon, Kagurangnan, ako saimong giromdomon.

Salmo 50:22

“Tandaan mo ini, ika na nalingaw sako, ta tibaad gadanon taka, asin mayo nin siisay man na maligtas saimo.

Salmo 9:16

Nagpamidbid an Kagurangnan huli kan saiyang mga matanos na hatol; an mga maraot nagkasiriod kan sadiri nindang gibo.

Salmo 90:8

Hayag sa atubang mo an samong mga kasalan; an mga hilom nyamong kasalan sa liwanag nin saimong lalawogon.

Isaias 1:3

Midbid kan baka an kagurangnan niya, asin aram kan asno an lugar na pinagbabahogan saiya, alagad an Israel dai nakakaaram; dai nakakasabot an sakong banwaan.”

Isaias 26:16

Pinadusahan mo an saimong banwaan, Kagurangnan, asin namibi sinda saimo sa kahorasaan.

Isaias 44:19

An paragibo nin ladawan mayo nin pakasabot o kadonongan nganing magsabi, “An kabanga kan kahoy sakong iginatong sa kalayo. Nagluto ako nin tinapay asin nagdarang ako nin karne dangan kinakan ko iyan. An kabanga kan kahoy ginibo kong ladawan. Uya akong nagluluhod sa sarong kaputol na kahoy.”

Isaias 5:12

Igwa sindang lira saka arpa, tamborin, plawta, asin arak sa saindang mga pyesta; alagad dai ninda nasasabotan an mga ginigibo nin Kagurangnan.

Jeremias 14:10

Nagsasabi an Kagurangnan manongod sa mga tawong ini, “Mas boot nindang magharayo sako, asin dai ninda pinugol an saindang sadiri. Kaya dai ko sinda nawiwilihan. Gigiromdomon ko an mga maraot nindang gibo asin papadusahan ko sinda huli kan mga kasalan ninda.”

Jeremias 16:17

Nahihiling ko an gabos nindang ginigibo. Mayo nin natatago sako; an mga kasalan ninda dai makakalampas sa sakong panhiling.

Jeremias 17:1

Nagsasabi an Kagurangnan, “Mga taga Juda, an saindong mga kasalan isinurat sa paagi kan lansang na pluma; inukit iyan nin sarong pang-ukit na dyamante sa saindong mga puso saka sa mga sungay kan saindong mga altar.

Jeremias 2:19

An saimong karatan iyo an mapadusa saimo dangan an pagtalikod mo sako iyo an makondenar saimo. Maaraman mo kun gurano kapait asin karaot an pagtalikod sako, an Kagurangnan na saimong Dios, pati an dai mo pagdanay na maimbod sako. Ako, an Kagurangnan, an Dios nin mga hukbo, an nagtaram.”

Jeremias 32:19

dakula an saimong katuyohan asin makangangalas an saimong mga gibo. Nahihiling mo an ginigibo kan tawo, asin binabalosan mo sinda sosog sa saindang gibo.

Jeremias 4:18

Juda, ika man sana an nagpadusa sa saimong sadiri huli kan saimong pamumuhay asin gibo. Iyo na ini an saimong kataposan, asin ini mapait; tuminadom ini sa saimong puso.

Jeremias 44:21

“Manongod sa insenso na tinutong nindo asin kan saindong mga ginikanan, kan saindong mga hade saka mga lider, asin kan mga tawo na nag-eerok sa daga, sa mga banwa nin Juda saka sa mga tinampo nin Jerusalem—naghohona daw kamo na dai iyan aram nin Kagurangnan o nalingawan na niya iyan?

Ezekiel 21:29

Bakong totoo an mga bisyon na nahihiling nindo, asin kaputikan an mga ipinapahayag nindo. Tampalasan saka maraot kamo; nagdadangadang na an saindong aldaw, an aldaw kan huring pagpadusa saindo. Mahugpa sa saindong mga liog an espada.

Oseas 12:2

An Kagurangnan igwa nin reklamo laban sa mga taga Juda; papadusahan man niya an Israel huli kan mga gawe kan saiyang namamanwaan. Babalosan niya sinda sosog sa saindang mga gibo.

Oseas 4:9

Parehong padusa an aakoon nindo asin kan mga tawo. Papadusahan ko kamo asin papabayadon kan mga karatan na saindong ginigibo.

Oseas 6:2

Pakalihis nin duwa o tolong aldaw, bubuhayon niya giraray kita asin mamumuhay kita sa saiyang atubang.

Oseas 8:13

Nagdodolot sinda sako nin mga sakripisyo asin kinakakan ninda an laman kan mga sakripisyo. Alagad ako, an Kagurangnan, dai naoogma sainda, asin gigiromdomon ko ngunyan an saindang kasalan dangan papadusahan ko sinda huli kaiyan; ibabalik ko sinda sa Egipto!

Oseas 9:15

Nagsasabi an Kagurangnan, “Nagpoon an mga maraot nindang gibo sa Gilgal. Duman nagpoon an pagkaongis ko sainda. Huli kan maraot na ginibo ninda, papahaleon ko sinda sa sakong daga, asin dai ko na sinda mamomotan; nagrebelde laban sako an gabos nindang lider.

Oseas 9:9

Mayo na sindang ibang ginigibo kundi karatan, siring kan yaon sinda sa Gibea. Gigiromdomon nin Dios an saindang kasalan asin papadusahan sinda huli kaiyan.

Amos 8:7

An Kagurangnan, an Dios nin Israel, nagsumpa, “Dai ko nanggad malilingawan an mga maraot nindang gibo.

Jonas 1:2

Nagsabi siya, “Magduman ka sa Nineve, idtong dakulang syudad, asin magtaram ka laban sa syudad, huli ta aram ko kun gurano karaot an mga namamanwaan duman.”

Mga Bilang 32:23

Alagad kun dai nindo gibohon an saindong panuga, pinapatanidan ko kamo na magkakasala kamo sa Kagurangnan. Tandaan nanggad nindo; papadusahan kamo huli kan saindong kasalan.

Lukas 12:2

Huli ta mayong natatahoban na dai mahahayag; mayong sekreto na dai makakaluwas.

1 Corinto 4:5

Kaya dai nindo dapat paghukoman an siisay man bago umabot an tamang panahon; halaton nindo an pag-abot kan Kagurangnan. Ihahayag niya sa liwanag an mga natatago sa kadikloman saka an mga natatagong kamawotan sa puso nin tawo. Dangan aakoon kan lambang saro hale sa Dios an kaomawan na maninigo saiya.

Deuteronomio 32:29

Kun sinda madonong, masasabotan ninda kun tano ta sinda nadaog.

Hebreyo 4:13

Mayong matatago sa Dios. An gabos na bagay hayag na nahihiling niya. Saiya kita gabos matao nin kwenta kan satong mga gibo.