Oseas 7:16 - Marahay na Bareta Biblia

¹⁶ Padagos sinda sa pagtalikod sako asin minaduman sinda sa sarong dios-dios na mayong kapangyarihan. Dai sinda malalaoman siring sa sarong tiko na pana. Magagadan sinda sa espada huli kan kapalangkawan kan saindang mga lider, asin ngingisihan sinda kan mga taga Egipto.”

Oseas 7:16 ပူးပေါင်းရင်းမြစ်များ

Salmo 12:3

Paontoka an mga dilang putikon, Kagurangnan! Serahan mo an mga ngosong mapaabaw-abaw,

Salmo 12:4

na an olay, “Huli kan samong dila kami mandadaog. Sasabihon mi an samong minamawot; mayo nin makakapugol samo.”

Salmo 12:5

“Madatong ako,” an sabi nin Kagurangnan, “huli ta an mga dukha nasasakitan, an mga nangangaipo nag-aagrangay. Tatawan ko sinda nin kaligtasan na saindang pinaglalaoman.”

Salmo 17:10

mayo sinda nin pagkaherak; mapaabaw-abaw sindang nagtataram.

Salmo 52:2

Bilog na maghapon iniisip mo an pagpakaraot nin iba, an dila mo siring sa matarom na labaha, ika na parapasaluib.

Salmo 57:4

Napapalibotan ako nin mga kaiwal, na garo mga leon na minakakan nin mga tawo; an saindang mga ngipon siring sa mga garod saka pana, an saindang mga dila mga matarom na espada.

Salmo 73:9

Nagtataram sinda nin maraot tumang sa Dios sa langit, mga tawo pinagbobotan ninda sa bilog na daga.

Salmo 78:37

An saindang puso bakong dayupot sa saiya; bako sindang maimbod sa saiyang tipan.

Salmo 78:57

kundi nagtumang sinda asin dai nagin maimbod siring kan saindang mga magurang; dai sinda masasarigan siring sa tikong pana.

Isaias 3:8

An Jerusalem napadungkal, asin narumpag an Juda; huli ta tumang sa Kagurangnan an saindang mga gibo saka mga tataramon.

Jeremias 18:18

Dangan nagsabi an mga tawo, “Magplano kita laban ki Jeremias. Danay na magkakaigwa nin mga padi na magtutukdo sato, mga madonong na maghuhulit sato, asin mga propeta na magpapahayag kan mensahe nin Dios. Idemanda ta siya asin dai na kita magdangog kan mga sinasabi niya.”

Jeremias 3:10

Pagkatapos kan gabos na ini, an Juda, an bakong maimbod na tugang nin Israel, nagsagin-sagin na nagbalik sako alagad bakong tudok sa puso an saiyang pagbalik. Ako, an Kagurangnan, an nagtaram.”

Jeremias 42:18

“Nagtataram an Kagurangnan, an Dios nin Israel, ‘Kun paano ko inula an sakong labi-labing kaanggotan sa mga taga Jerusalem, siring man iuula ko an sakong kaanggotan sa saindo kun magduman kamo sa Egipto. Kamo magigin sarong nakakatakot na tanawon; susubahan kamo kan mga tawo asin gagamiton ninda an saindong ngaran bilang sarong maldisyon. Dai na nanggad nindo mahihiling an lugar na ini.’”

Ezekiel 23:32

Ini an itinataram nin Kagurangnan Dios, “Mainom ka sa kalis nin saimong tugang; dakula iyan saka hararom. Oolog-ologon ka asin tutuyatuyaon; huli ta pano an kalis na iyan.

Ezekiel 36:20

Saen man sinda nagduman, dinarahan ninda nin kasosopgan an banal kong ngaran kan magsabi an mga banwaan manongod sainda, ‘Ini an banwaan nin Kagurangnan, alagad kaipuhan maghale sinda sa saiyang daga.’

Daniel 7:25

Mataram siya tumang sa Kahorohalangkaweng Dios asin aapihon niya an mga banal nin Dios. Babaloon niyang liwaton an saindang sinusunod na katogonan asin mga pyesta, patin mapapairarom sinda sa saiyang kapangyarihan sa laog nin tolo may kabangang taon.

Oseas 11:5

“Habo nindang magbalik sako, kaya kaipuhan magbalik sinda sa Egipto, asin paghahadean sinda kan Asiria.

Oseas 11:7

Boot nindang magsinutil sako. Maagrangay sinda huli kan sakal na pasan ninda, alagad mayo nin siisay man na mahale kaiyan.

Oseas 6:4

Alagad nagsasabi an Kagurangnan, “Ano an gigibohon ko saimo Israel? Ano an gigibohon ko saimo Juda? Hidali sanang nawawara an saindong pagkamoot sako arog kan alopoop sa pagkaaga; nakakaagid iyan sa ambon na nawawara amay pa an aldaw.

Oseas 7:13

“Herak man sainda, huli ta tinalikodan ninda ako asin nagrebelde sinda sako! Magkakagaradan sinda! Boot ko kutanang iligtas sinda, alagad bakong totoo an pagsamba ninda sako.

Oseas 9:3

Dai magdadanay an banwaan nin Israel sa daga nin Kagurangnan, kundi mapipiritan na magbalik sa Egipto asin magkakan kan ipinangalad na kakanon sa Asiria.

Oseas 9:4

Sa mga dayuhan na dagang idto dai sinda makakapagdolot nin arak sa Kagurangnan; dai sinda makakadara saiya nin mga sakripisyo. Madidigtaan an siisay man na magkakan kan saindang kakanon, arog kan kakanon na kinakakan sa harong na may gadan. Huli ta an kakanon ninda panhale sana kan gutom; dai iyan dadarahon bilang dolot sa Templo nin Kagurangnan.

Oseas 9:6

Kun mag-abot an kasakitan asin mawarak an banwaan, titiponon sinda kan mga taga Egipto tanganing ilubong duman sa Memfis! An mga lugar na natutugdokan kan saindang mga harong saka an mga mahalagang bagay ninda na gibo sa plata tataluboan nin doot asin binit.

Malakias 3:13

“Maraot na mga tataramon an sinabi nindo tumang sako,” an sabi nin Kagurangnan. “Alagad minahapot kamo, ‘Ano an itinaram ming tumang saimo?’

Malakias 3:14

Nagsabi kamong, ‘Mayong pakinabang an paglingkod sa Dios. Ano an halaga kan pagsunod sa sinasabi niya o an pagpahiling sa Kagurangnan nin mga hukbo na kita nagmomondo huli kan ginibo ta?

Mateo 12:36

“Sinasabihan ko kamo na sa Aldaw nin Paghukom an lambang saro magtatao nin kwenta kan lambang tataramon na mayong halaga na saiyang itinaram.

Lukas 8:13

An banhi na nakasabwag sa lugar na magapo garo an mga tawo na kan madangog an tataramon nin Dios, maogmang minaako kaiyan. Alagad bakong hararom an pakagamot kaiyan; minatubod sinda sa halipot sanang panahon, alagad minasuhay sinda kun binabalo.

Santiago 3:5

Siring man kaini an dila: sadit sana iyan alagad nakakapaghambog dapit sa darakulang bagay. Isipa nindo kun gurano kadakulang kadlagan an nasusulo kan sadit na kalayo!

2 Pedro 2:8

Aroaldaw an marahay na tawong ini, na nag-eerok kaiba ninda, nagtios nin makuri dahel sa mga nahiling saka nadangog niyang mga karatan na ginigibo ninda.

Kapahayagan 13:5

Tinugotan an hayop na mag-orgulyo saka maglanghad sa Dios, asin magkaigwa nin awtoridad sa laog nin kwarenta y dos na bulan.