Oseas 7:15 - Marahay na Bareta Biblia

¹⁵ Maski ngani ako an nagpadakula saka nagpakosog sainda, naggiribo sinda nin plano laban sako.

Oseas 7:15 ပူးပေါင်းရင်းမြစ်များ

2 Mga Hade 13:23

alagad nagin maboot asin maheherakon sainda an Kagurangnan. Dai nagtugot an Kagurangnan na magadan sinda, kundi tinabangan niya sinda huli kan saiyang tipan ki Abraham, ki Isaac, asin ki Jacob. Dai niya nalingawan an saiyang banwaan.

2 Mga Hade 13:5

Pinadarahan niya an Israel nin sarong lider na iyo an nagpatalingkas sainda sa kamot kan Siria. Kaya an Israel namuhay sa katoninongan, siring kan dati.

An Libro ni Job 5:17

“Maogma an tawong sinasagwe nin Dios; kaya dai mo ipagmondo an padusa saimo kan Makakamhan.

Salmo 140:2

Danay sindang nag-iisip nin karatan, danay na nagpopoon nin iriwal.

Salmo 2:1

Tadaw ta nag-iisip an mga nasyon nin pagtumang? Tadaw ta nag-iisip an mga tawo nin mayong kamugtakan?

Salmo 62:3

Sagkod nuarin nindo sasalakayon tanganing ronoton an sarong tawo, na arog sana kakosog sa sarong magagaba nang kudal?

Salmo 94:12

Paladan an tawo na sinasagwe mo, Kagurangnan, an tinutukdoan mo kan saimong togon!

Mga Talinhaga 3:11

Aki ko, dai mo ipagsikwal an pagdisiplina saimo kan Kagurangnan, o mauyam sa saiyang pagsagwe.

Jeremias 17:9

“Siisay an makakasabot kan puso nin tawo? Mayo nin ibang arog kaiyan kadaya; grabe na an helang kaiyan asin dai na maoomayan.

Oseas 13:9

“Roronoton ko kamo, banwaan nin Israel! Siisay an makakatabang saindo?

Nahum 1:9

Ano an pinaplano nindo tumang sa Kagurangnan? Gagadanon niya kamo. Mayo pa nin tawong nakatumang saiya nin makaduwang beses.

Mga Gibo 4:25

nagtaram ka sa paagi kan ginikanan ming si David na sorogoon mo, sa pasabong kan Espiritu Santo: ‘Tadaw ta naanggot nin makuri an mga pagano? Tadaw ta nag-iisip an mga tawo nin daing kamugtakan na mga bagay?

Roma 1:21

Maski midbid ninda an Dios, dai ninda siya tinawan kan kaomawan bilang Dios, asin dai sinda nagpasalamat saiya. Kundi nagparaisip sinda nin mga bagay na mayong halaga asin nadikloman an isip ninda.

2 Corinto 10:5

Rinurumpag mi an mga putik na argumento; ginagaba mi an lambang kapaabaw-abawan na nakakaolang sa pakamidbid sa Dios; binibihag mi an gabos na pag-isip tanganing magkuyog ki Cristo.

Hebreyo 12:5

Nalingawan na daw nindo an mga pagsadol nin Dios saindo bilang mga aki niya? “Aki ko, dai mo pagbasang-basangon an pagdisiplina saimo nin Kagurangnan, ni magluya an saimong boot kun pinapadusahan ka niya.

Kapahayagan 3:19

Sinasagwe ko saka dinidisiplina an gabos kong namomotan. Kaya magmaigot asin magbakle ka.