Oseas 7:14 - Marahay na Bareta Biblia

¹⁴ Bakong tudok sa puso an pagpamibi ninda sako, kundi minadarapa saka minaharayo sinda arog kan ginigibo kan mga pagano. Kun namimibi sinda para sa trigo saka arak, linulugad ninda an saindang sadiri siring sa mga pagano. Mga rebelde nanggad sinda!

Oseas 7:14 ပူးပေါင်းရင်းမြစ်များ

Exodo 32:6

Sunod na aldaw, nagmaratang amay an mga tawo asin nagdorolot nin mga tinutong na atang. Nagdarara man sinda nin mga atang para sa katoninongan. Nagturukaw sinda tanganing magkarakan asin mag-irinom; an saindang pyesta natapos sa bururatan asin dororogan.

Isaias 29:13

Nagtaram an Kagurangnan, “An mga tawong ini nagsasabi na nagdodolok sinda sako asin inoomaw ninda ako, alagad an saindang puso harayo sako. An relihiyon ninda gabos sana mga pagsusundon saka mga tradisyon nin tawo na tinoom ninda.

Isaias 52:5

Arog man kaiyan an nangyari saindo sa Babilonia; sinakop kamo saka dai binayadan. Nag-orgulyo saka nagpaabaw-abaw an mga namamayo saindo asin danay na ipinahiling ninda an pag-olog-olog sako.

Isaias 65:14

Mag-aawit sinda sa kaogmahan, alagad maghihibi kamo sa dakulang kamondoan.

Jeremias 12:2

Itinatanom mo sinda, dangan minagamot sinda, nagtatalubo saka nagbubunga. Magagayon an sinasabi ninda manongod saimo, alagad mayo sinda nin pagmakulog saimo.

Jeremias 3:10

Pagkatapos kan gabos na ini, an Juda, an bakong maimbod na tugang nin Israel, nagsagin-sagin na nagbalik sako alagad bakong tudok sa puso an saiyang pagbalik. Ako, an Kagurangnan, an nagtaram.”

Mga Panambitan 2:18

O Jerusalem, pag-agrangay sa Kagurangnan! Aldaw-banggi na pabuloson mo an saimong mga luha arog sa salog; hare pag-ontok sa paghaya saka sa pagmondo!

Oseas 13:16

Kaipuhan na padusahan an Samaria huli ta nagrebelde iyan sako. Magagadan sa gera an saiyang mga namamanwaan; roronoton sa daga an saiyang mga omboy asin lalaslason an mga tulak kan mga bados na babae.”

Oseas 13:6

Alagad kan makalaog kamo sa marahay na daga asin magkabarasog kamo, nagin mapaabaw-abaw kamo dangan nalingawan nindo ako.

Oseas 13:9

“Roronoton ko kamo, banwaan nin Israel! Siisay an makakatabang saindo?

Oseas 3:1

Sinabihan ako nin Kagurangnan, “Lakaw giraray asin pahilingan an saimong pagkamoot sa sarong babaeng nagpapasambay. Kaipuhan na mamotan mo siya siring na namomotan ko pa an banwaan nin Israel, maski nagsasamba na sinda sa mga dios-dios asin namomoot na magdara nin mga dolot na pasas sa mga ladawan.”

Oseas 8:2

Maski inaapod ninda akong Dios ninda asin nagsasabing sinda an sakong banwaan saka midbid ninda ako,

Amos 2:8

Sa gabos na lugar na pagsasambahan, nagkakatorog an kalalakihan sa gubing na sangra kan dukhang may utang sainda. Sa templo nin saindang Dios, nag-iinom sinda kan arak na saindang kinua sa mga may utang sainda.

Amos 8:3

Sa aldaw na iyan, an mga awit sa laog kan palasyo magigin agrangay nin kamondoan. Magkakaigwa nin mga bangkay sa gabos na lugar; itatapok sinda sa luwas na mayo sana nin ribok.”

Mikas 2:11

“Mawot kan mga tawong ini an propetang naglilibot, na mahambog saka madaya asin nagsasabing, ‘Hinuhulaan kong mabulos an arak saka makosog na inomon para sa saindo.’

Zacarias 7:5

Nagsabi siya, “Taraman mo an mga tawo asin an mga padi na kan nag-ayuno saka nagmondo sinda sa ikalima saka ikapitong bulan sa laog nin setentang taon, bakong ako an saindang tinawan nin onra.

Roma 16:18

An mga siring na tawo bakong sa satong Kagurangnan naglilingkod, kundi nagpaparaisip sana kan saindang tulak. Dinadaya ninda an mga tawong inosente, sa paagi kan saindang magayon asin marahay pagdangogon na mga tataramon.

Filipos 3:19

Kapahamakan an aabotan ninda huli ta an kamawotan kan saindang hawak iyo an nagin nindang dios; ipinag-oorgulyo pa ninda an dapat nindang ikasopog, asin an iniisip sana ninda iyo an mga bagay digdi sa kinaban.

Santiago 4:3

Kun minahagad man kamo, dai nindo nakakamtan an saindong hinahagad, huli ta maraot an saindong mga katuyohan; an hinahagad nindo gagamiton para sa mga maraot nindong kamawotan.

Santiago 5:1

Hinanyoga nindo ako, mga mayaman! Magtangis saka maghaya kamo sa mga kasakitan na madatong saindo!

Hukom 9:27

Nagduman sinda gabos sa saindang mga ubasan, nagguno nin ubas asin ginibo nindang arak dangan nagpyesta sinda. Nagduman sinda sa templo kan saindang dios-dios saen nagkarakan sinda asin nag-irinom, patin linibak ninda si Abimelec.