Oseas 7:13 - Marahay na Bareta Biblia

¹³ “Herak man sainda, huli ta tinalikodan ninda ako asin nagrebelde sinda sako! Magkakagaradan sinda! Boot ko kutanang iligtas sinda, alagad bakong totoo an pagsamba ninda sako.

Oseas 7:13 ပူးပေါင်းရင်းမြစ်များ

Nehemias 1:10

“Kagurangnan, sinda an saimong mga sorogoon asin banwaan na tinubos kan saimong dakulang kapangyarihan saka kosog.

An Libro ni Job 22:17

Iyo ini an mga tawong nagsikwal sa Dios asin nagtubod na mayo siyang magigibo sainda.

Salmo 106:10

Kaya ilinigtas niya sinda sa kamot kan kaiwal, ilinigtas sa kapangyarihan kan kalaban.

Isaias 30:1

Nagtaram an Kagurangnan: “Herak man sa mga namamayo sa Juda huli ta nagtumang sinda sako. Sinusunod ninda an mga plano na bako ako an naggibo, asin nakikipagtipan sinda tumang sa sakong kabotan; dinadagdagan pa ninda an saindang mga kasalan.

Isaias 30:2

Nagduduman sinda sa Egipto tanganing maghagad nin tabang maski dai pa sinda naghahagad kan sakong hatol. Boot nindang surogon sinda kan Egipto, kaya ibinubugtak ninda an saindang pagsarig sa hade nin Egipto.

Isaias 31:1

Herak man sa mga nagduduman sa Egipto nganing magpatabang! Nagsasarig sinda sa kosog kan hukbo nin Egipto—mga kabayo, mga karwahe, saka mga soldados. Alagad dai sinda nagsasarig sa Kagurangnan, an banal na Dios nin Israel, ni naghahagad saiya nin tabang.

Isaias 41:14

Nagsasabi an Kagurangnan, “Maski sadit asin maluya ka, Israel, dai ka matakot; tatabangan taka. Ako, an banal na Dios nin Israel, iyo an nagliligtas saimo.

Isaias 43:1

Israel, an Kagurangnan na naglalang saimo nagsabi, “Dai ka matakot—ililigtas taka. Inapod taka sa saimong ngaran—sadiri taka.

Isaias 59:13

Tinumangan mi ika, isinikwal, asin dai sinunod. Inapi mi an iba asin tinalikodan mi ika. Mayong katotoohan an samong mga iniisip; gabos kaputikan an samong mga itinataram.

Isaias 63:8

Nagsabi an Kagurangnan, “Banwaan ko sinda; dai ninda ako dadayaon.” Kaya ilinigtas niya sinda

Jeremias 14:10

Nagsasabi an Kagurangnan manongod sa mga tawong ini, “Mas boot nindang magharayo sako, asin dai ninda pinugol an saindang sadiri. Kaya dai ko sinda nawiwilihan. Gigiromdomon ko an mga maraot nindang gibo asin papadusahan ko sinda huli kan mga kasalan ninda.”

Jeremias 42:20

na magabat an ginigibo nindong karatan. Hinagad nindo sako na mamibi sa Kagurangnan na satong Dios para saindo, saka nanuga kamo na gigibohon nindo an gabos na pagboot niya.

Jeremias 51:9

Nagsabi an mga dayuhan na nag-eerok duman, ‘Hiningowa mi na tabangan an Babilonia, alagad huri na an gabos. Pabayaan ta na siya saka magbalik na kita sa sadiri tang banwaan. Bilog na kosog na pinadusahan nin Dios an Babilonia asin rinumpag niya nanggad ini.’”

Jeremias 7:15

Papahaleon ko kamo sa atubangan ko arog kan pagpahale ko sa saindong mga kadugo, an banwaan nin Israel. Ako, an Kagurangnan, an nagtaram.”

Mga Panambitan 5:16

Mayo nang natada sa mga ipinag-oorgulyo nyamo; nagkasala kami, herak man samo!

Ezekiel 16:23

Nagtaram an Kagurangnan Dios, “Herak man saimo! Ginibo mo an gabos na karatan na iyan, dangan

Ezekiel 18:2

“Ano ining talinhaga na pinag-uulit-ulit kan mga tawo sa daga nin Israel? ‘An mga magurang an nagkakan kan maalsom na ubas, Alagad an mga aki iyo an nangilohan.’

Ezekiel 18:25

“Alagad minataram kamo, ‘Bakong tama an gibo kan Kagurangnan Dios.’ Pagdangog kamo sako, kamong mga Israelita. Naghohona kamo na bakong tama an mga palakaw ko? An mga palakaw nindo iyo an bakong tama.

Ezekiel 34:6

Kaya an sakong mga karnero nagkaralagalag sa kabukidan saka sa kabubuldan. Nagkawararak sinda sa bilog na daga asin mayo man lamang nin naghanap saka naghingowang makua sinda.

Oseas 11:12

Nagsasabi an Kagurangnan, “Mga kaputikan saka pandadaya an ipinalibot sako kan banwaan nin Israel. An mga taga Juda padagos na nagrerebelde laban sako, an maimbod asin banal na Dios.

Oseas 11:2

Alagad kan ako orog na mag-apod saiya, orog man siyang nagharayo sako. Nagsakripisyo ki Baal an sakong banwaan; nagtutong sinda nin insenso sa mga ladawan.

Oseas 5:7

Dai sinda nagin maimbod sa Kagurangnan; bako niyang sadiri an mga aki ninda. Kaya dai mahahaloy, magagadan sinda asin mararaot an saindang daga.

Oseas 7:1

“Sa mga panahon na boot ko nang bolongon an sakong banwaan na Israel asin pauswagon giraray sinda, mayo akong nahihiling kundi an saindang katampalasan na saindang ginigibo. Dinadaya ninda an saindang kapwa; sinasalakat ninda an mga harong; asin hinahabonan ninda an mga tawo sa mga tinampo.

Oseas 7:3

Nagsasabi an Kagurangnan, “Dinadaya kan mga tawo an hade asin an saiyang mga opisyal huli kan saindang mga maraot na plano.

Oseas 9:12

Alagad maski pa magpadakula sinda nin mga aki, kukuahon ko an mga iyan sa sainda asin mayo akong itatadang buhay. Herak man sa sainda sa panahon na bayaan ko na sinda.”

Oseas 9:17

An Dios na sakong pinaglilingkodan masikwal kan saiyang banwaan, huli ta dai sinda nagdangog sa saiya; magigin mga lagalag sinda sa mga nasyon.

Jonas 1:10

Dangan sinabihan sinda ni Jonas na nagdudulag siya sa Kagurangnan. Nagkatarakot an mga tripulante asin sinabihan siya, “Sala an ginibo mo!”

Jonas 1:3

Alagad embes na magduman si Jonas sa Nineve, nagduman siya sa ibong na direksyon tanganing makadulag sa Kagurangnan. Nagduman siya sa Jope, saen nakahiling siya nin sarong barko na mapasiring sa Espanya. Nagbayad siya kan pasahe, dangan nagsakay kaiba an mga tripulante sa pagpasiring sa Espanya, tanganing makadulag sa Kagurangnan.

Mikas 6:12

An saimong mga mayaman na namamanwaan nang-aapi sa mga dukha asin gabos sinda putikon.

Mikas 6:4

Ako an nagluwas saimo sa Egipto; ilinigtas taka sa kaoripnan; ako an nagsugo ki Moises, ki Aaron saka ki Miriam tanganing pangenotan ka.

Mateo 23:37

“O Jerusalem, Jerusalem! Ginagadan mo an mga propeta asin ginagapo mo an mga sinugo nin Dios saimo! Pirang beses nang boot kong tiriponon an saimong mga aki, arog kan paglukob kan gunakan sa saiyang mga siwo, alagad habo ka!

Deuteronomio 15:15

Giromdoma nindo na mga oripon man kamo kaidto duman sa Egipto, asin tinalingkasan kamo nin Kagurangnan na saindong Dios; kaya ngunyan itinatao ko saindo ining pagboot.

1 Juan 1:10

Kun sabihon tang dai kita nagkasala, ginigibo tang putikon an Dios, asin mayo sato an saiyang tataramon.

Kapahayagan 8:13

Dangan naghiling ako asin nadangog ko an sarong agila na nagtataram sa makosog na tingog, mantang naglalayog iyan sa kaitaasan, “Herak man! Herak man sa gabos na nag-eerok sa daga kun patanogon na an mga trompeta kan tolo pang anghel!”