Oseas 6:5 - Marahay na Bareta Biblia

⁵ Iyan an dahelan kun tadaw ta sinugo ko an sakong mga propeta sa saindo dara an sakong mensahe nin paghukom saka pagrumpag. Maliwanag asin malinaw an mawot ko saindo:

Oseas 6:5 ပူးပေါင်းရင်းမြစ်များ

Genesis 18:25

Aram kong dai mo gagadanon an matanos kaiba kan maraot. Dai mo gigibohon iyan! Kun gibohon mo iyan, madadamay an mga matanos sa pagpadusa kan mga maraot. Imposibleng gibohon mo iyan! Matanos an Hukom kan bilog na kinaban!”

1 Mga Hade 14:6

Alagad kan madangog ni Ahias na palaog na siya sa pintoan, nagsabi si Ahias, “Dagos, agom ni Jeroboam. Tadaw ta nagsasagin-sagin ka? Igwa ako nin maraot na bareta para saimo.

1 Mga Hade 17:1

Sinabihan si Ahab ni Propeta Elias na taga Tisbe sa Gilead, “Sa ngaran nin Kagurangnan, an buhay na Dios nin Israel, na sakong pinaglilingkodan, sinasabihan taka na dai magkakaigwa nin ambon ni uran sa masunod na duwa o tolong taon sagkod na sabihon ko.”

1 Mga Hade 18:17

Pakahiling ni Ahab ki Elias, nagsabi siya, “Uya ka palan—an pinakamaraot na paraparibok sa Israel?”

1 Mga Hade 19:17

An makadulag sa espada ni Hazael gagadanon ni Jehu; an makadulag sa espada ni Jehu gagadanon ni Eliseo.

2 Mga Hade 1:16

asin sinabihan an hade, “Ini an tataramon nin Kagurangnan: ‘Huli ta nagpadara ka nin mga sugo tanganing maghapot ki Baal-zebub, an dios nin Ekron—na garong mayo nin dios sa Israel na pwedeng hapoton—dai ka na mararahay; magagadan ka!’”

2 Mga Cronica 21:12

Sarong surat an ipinadara saiya ni propeta Elias na an sabi, “Ini an tataramon nin Kagurangnan, an Dios ni David na saimong ginikanan: ‘Huli ta dai mo inarog an ginibo ni Jehosafat na saimong ama, o an ginibo ni Asa na saimong lolo,

An Libro ni Job 15:30

asin dai siya makakadulag sa kadikloman. Makakaagid siya sa sarong kahoy na nagkasurulo an mga sanga, na an mga burak ipinapalid kan doros.

An Libro ni Job 34:10

“Kaya dangoga nindo ako, kamong mga lalaking may pakasabot! Magibo daw an Makakamhan na Dios nin karatan?

Salmo 119:120

Nagtatakig an sakong laman sa takot saimo; natatakot ako sa saimong paghukom.

Salmo 37:6

Papaliwanagon niya an saimong katanosan arog kan liwanag sa kaodtohan nin aldaw.

Isaias 11:4

kundi sa katanosan huhukoman niya an dukha, asin hahatolan niya an mga mahuyo kan kinaban na mayo nin pinapalaen. Sa saiyang pagboot an mga tawo papadusahan, asin an mga maraot magagadan.

Isaias 58:1

Nagsasabi an Kagurangnan, “Pagkurahaw nin makosog! Sabihi an sakong banwaan na Israel dapit kan saindang mga kasalan!

Jeremias 1:10

Itinatao ko saimo ngunyan an kapangyarihan sa mga nasyon saka sa mga kahadean, sa paggabot saka sa pagraot, sa paggaba saka sa paglaglag, asin sa pagtugdok patin sa pagtanom.”

Jeremias 1:18

Jeremias, magdangog ka! An lambang saro sa dagang ini—an gabos na hade sa Juda, an mga opisyal, an mga padi, saka an mga tawo—magigin kalaban mo. Alagad tinatawan taka ngunyan nin kosog tanganing lumaban sainda; magigin arog ka sa sarong pinapusog na syudad, sarong lansang na harigi, asin sarong bronseng kudal. Dai ka ninda madadaog huli ta iibahan saka iingatan taka. Ako, an Kagurangnan, an nagtaram.”

Jeremias 13:13

Dangan sabihan mo sinda na ako, an Kagurangnan, an mapano sa gabos na nag-eerok sa dagang ini nin arak sagkod na maburat sinda; sa mga hade, na mga kapagarakian ni David, sa mga padi, sa mga propeta, saka sa gabos na taga Jerusalem.

Jeremias 23:29

Arog sa kalayo an sakong mensahe saka arog sa martilyo na minaronot nin gapo.

Ezekiel 11:4

Kaya magpropesiya ka laban sainda, aki nin tawo.”

Ezekiel 3:9

Gigibohon takang pusog siring sa gapo, matagas siring sa diamante; dai ka matakot sainda huli ta mga rebelde sinda.”

Ezekiel 32:18

“Aki nin tawo, magmondo ka para sa dakul na Egipcio. Isubol mo sinda sa kinaban kan mga gadan kaiba kan mga taga ibang nasyon.

Ezekiel 43:3

An bisyon na ini arog man kan bisyon na nahiling ko kan maghilig an Dios sa pagraot kan Jerusalem, asin arog man kan nahiling ko sa tampi kan Salog nin Kebar. Dangan nagdapa ako sa daga.

Sofonias 3:5

Alagad yaon pa sa syudad an Kagurangnan; ginigibo niya an tama asin bako an sala. Aga-aga asin mayo nanggad nin palihis, pinapahilingan niya nin hustisya an saiyang banwaan. Alagad an bakong matanos na mga tawo diyan padagos na naggigibo nin maraot asin dai nasosopog.

Mga Gibo 7:31

Napangalas si Moises sa saiyang nahiling asin kan magrani siya nganing maanan idto nin marahay, nadangog niya an tingog nin Kagurangnan:

Roma 2:5

Alagad huli sa katagasan kan saimong puso asin dai pagsolsol, pinapagabat mo an padusa saimo sa Aldaw na ipahayag an kaanggotan asin an matanos na paghukom nin Dios.

Efeso 6:17

Ikalo nindo an kaligtasan bilang helmet, saka kapotan an tataramon nin Dios bilang espada na itinatao saindo kan Espiritu.

Hebreyo 4:12

An tataramon nin Dios buhay saka mapangyari, mas matarom ki kan arin man na espada na doble an tarom. Minalagbas iyan sa sugponan kan kalag saka espiritu, sa sugponan kan ngalongaloan saka hutok nin tolang. Naaaraman kaiyan an kaisipan asin kamawotan nin tawo.

Kapahayagan 1:16

May kapot siyang pitong bitoon sa too niyang kamot, dangan sa saiyang ngoso may nagluwas na sarong espadang doble an tarom. An saiyang lalawogon nagkikintab arog kan liwanag nin aldaw kun odto.

Kapahayagan 2:16

Kaya magbakle kamo! Ta kun dai, madiyan tolos ako dangan lalabanan ko an mga tawong iyan kan espada nin sakong ngoso.

Kapahayagan 9:15

Dangan binutasan an apat na anghel sa paggadan kan ikatolong kabtang kan gabos na tawo, huli ta inandam mananggad sinda para sa gibong ini sa talaan na oras, aldaw, bulan saka taon.

Kapahayagan 9:21

Dai man sinda nagbakle sa saindang mga panggadan, pagsalamangka, karigsokan asin panghabon.

1 Samuel 13:13

Sinimbag ni Samuel si Saul, “Sala an ginibo mo; dai mo kinuyog an togon na itinao saimo nin Kagurangnan na saimong Dios. Kun nagkuyog ka, kutana tinugotan ka asin an saimong kapagarakian na maghade sa Israel sagkod lamang.

1 Samuel 15:22

Nagsabi si Samuel, “Orog daw na naoogma an Kagurangnan sa mga tinutong na atang asin mga dolot, ki sa pagkuyog kan saiyang pagboot? Tara, an pagkuyog mas marahay ki sa dolot, asin an paghinanyog mas marahay ki sa taba nin mga karnero.

1 Samuel 15:32

Nagboot si Samuel, “Daraha nindo sako si Agag na hade kan mga Amalekita.” Maogmang nagdolok saiya si Agag na nagsasaboot, “Totoong nakaagi na an kapaitan nin kagadanan!”

1 Samuel 15:33

Nagsabi si Samuel, “Huli kan saimong espada, nawaraan nin aki an kadakul na ina; sa siring na paagi, mawawaraan man nin aki an saimong ina.” Dangan pineredaso ni Samuel si Agag sa atubangan nin Kagurangnan duman sa Gilgal.