Oseas 6:10 - Marahay na Bareta Biblia

¹⁰ May nahiling akong mangirhat na bagay sa Israel; dinigtaan kan sakong banwaan an saindang sadiri huli sa pagsamba sa mga dios-dios.

Oseas 6:10 ပူးပေါင်းရင်းမြစ်များ

1 Mga Hade 12:8

Alagad isinikwal niya an hatol na itinao saiya kan kamagurangan. Embes kaiyan, nagpahatol siya sa mga kapwa niya hoben na kasabay niyang nagdakula, asin ngunyan mga parahatol na niya.

1 Mga Hade 15:30

Nangyari ini huli ta pinaanggot ni Jeroboam an Kagurangnan, an Dios nin Israel, huli sa mga kasalan niya asin kan kasalan na ipinagibo niya sa Israel.

2 Mga Hade 17:7

Nangyari ini sa Samaria huli ta an mga Israelita nagkasala sa Kagurangnan na saindang Dios, na nagligtas sainda sa hade nin Egipto asin nagdara sainda sa luwas kan Egipto. Nagsamba sinda sa mga dios-dios,

Jeremias 18:13

Nagtataram an Kagurangnan, “Hapoton mo an lambang nasyon kun may nangyari nang siring kaini kaidto. An banwaan nin Israel guminibo nin sarong mangirhat na bagay!

Jeremias 23:14

Alagad orog pa an karatan na ginigibo kan mga propeta sa Jerusalem: nakikidorog sinda sa bako nindang agom saka nagtataram nin mga kaputikan; tinatabangan ninda an mga tawo sa paggibo nin maraot, kaya mayo nin minaontok sa paggibo nin karatan. Para sako, gabos sinda maraot arog kan mga taga Sodoma saka mga taga Gomorra.

Jeremias 3:6

Kan panahon ni Hadeng Josias, nagsabi sako an Kagurangnan, “Nahiling mo an ginibo kan Israel, an bakong maimbod na babae? Nagtalikod siya sako, asin sa ibabaw nin lambang halangkaw na bulod saka sa lindong nin lambang berdeng kahoy naggibo siya kan karigsokan kan babaeng maraot.

Ezekiel 23:5

Maski agom ko na si Ohola, nagpadagos pa siya sa pakidorog sa ibang lalaki asin napano siya nin marompot na kamawotan para sa mga namomoot saiya na mga taga Asiria.

Ezekiel 23:7

Siya an kadorogan kan gabos na opisyal kan Asiria asin an saiyang karompotan iyo an nagdagka saiya sa pagdigta kan saiyang sadiri, sa paagi kan pagsamba sa mga dios-dios nin Asiria.

Oseas 4:11

Nagsasabi an Kagurangnan, “An arak, daan man o bago, iyo an naghahale kan pakasabot kan sakong banwaan!

Oseas 4:12

Minahagad sinda nin kapahayagan sa sarong pedasong kahoy! An sarong sanga an nagsasabi sainda kan boot nindang maaraman! Tinalikodan na ninda ako. Siring sa sarong babae na nagin maraot, idinusay na ninda an saindang sadiri sa mga dios-dios.

Oseas 4:17

An mga taga Israel nadadara na kan kapangyarihan kan mga dios-dios; pabayaan na nindo sinda sa saindang gawe.

Oseas 5:3

Aram ko kun ano an kabaing nin Israel—dai niya ako pwedeng pagtagoan. Dai siya nagin maimbod, asin bakong maninigong magsamba sako an saiyang banwaan.”