Oseas 6:1 - Marahay na Bareta Biblia

¹ Nagsasabi an mga tawo, “Magbaralik na kita sa Kagurangnan! Kinukulogan niya kita, alagad papaomayan niya kita; linugad niya kita, alagad bubugkoson niya an satong mga lugad.

Oseas 6:1 ပူးပေါင်းရင်းမြစ်များ

2 Mga Cronica 30:6

Naglibot sa bilog na Israel saka Juda an mga sugo dara an mga surat kan hade asin kan mga opisyal na nagpapahayag nin siring: “Banwaan nin Israel, nakaligtas kamo sa kamot kan mga hade nin Asiria. Kaya magbalik kamo sa Kagurangnan, an Dios ni Abraham, ni Isaac saka ni Jacob, asin mabalik man saindo an Dios.

An Libro ni Job 16:9

“Sa kaanggotan pinagpurotol-putol ako nin Dios; naglalaad an saiyang mga mata sa pagkaongis sako.

An Libro ni Job 22:23

Kaipuhan na magbalik ka sa Dios sa kapakumbabaan asin ontokon mo an gabos na karatan na ginigibo sa saimong harong.

An Libro ni Job 34:29

“Kun siya magtoninong, siisay an makondenar? Kun tagoon niya an saiyang lalawogon, siisay an makakahiling saiya, nasyon man o tawo?

An Libro ni Job 5:18

Huli ta siya an minalugad, alagad siya man an minabugkos; kamot niya an minakulog, alagad kamot man niya an minapaomay.

Salmo 30:7

Sa pagkamarahayon mo, Kagurangnan; pinatindog mo ako siring sa sarong makosog na bukid. Alagad tinagoan mo ako; asin natakot ako.

Salmo 6:2

Ako napapagal, Kagurangnan, saimong kaherakan; bolonga ako, Kagurangnan, an sakong hawak nasasakitan.

Salmo 71:20

Pinadarahan mo ako nin mga makuring kasakitan, alagad ako papakosogon mo giraray, babangonon hale sa lulubngan.

Parahulit 3:3

panahon nin paggadan, saka panahon nin pagpaomay; panahon nin pagrumpag, saka panahon nin pagtugdok;

Isaias 17:7

Pag-abot kan aldaw na iyan, an mga tawo mabalik sa saindang Kaglalang, an banal na Dios nin Israel, sa paghagad nin tabang.

Isaias 2:3

asin dakul na banwaan an maarabot saka magsasarabi: “Madya, magturukad kita sa bukid nin Kagurangnan sa harong kan Dios ni Jacob tanganing matukdoan niya kita kan saiyang mga paagi asin tanganing maglakaw kita sa saiyang mga dalan. Huli ta maluwas sa Sion an Katogonan, asin sa Jerusalem an tataramon nin Kagurangnan.”

Isaias 30:22

Dangan kukuahon nindo an saindong mga dios-dios na pinatos sa plata saka bulawan, asin itatapok nindo iyan arog sa mga maating bagay dangan makurahaw kamo, “Hale kamo!”

Isaias 30:26

An liwanag kan bulan magigin siring sa aldaw, asin an aldaw magigin pitong beses an kaliwanagan ki sa dating liwanag kaini, arog sa liwanag nin pitong aldaw na nagliwanag sa saro sanang aldaw. An gabos na ini mangyayari kun bolongon dangan paomayan na nin Kagurangnan an mga lugad na itinao niya sa saiyang banwaan.

Isaias 55:7

Pabayaan na kan tampalasan an maraot nindang pamumuhay asin an biko nindang mga kaisipan. Magbalik na sinda sa Kagurangnan, an satong Dios; maheherakon siya asin madaling magpatawad.

Jeremias 3:22

Magbalik kamo gabos na nagtalikod sa Kagurangnan; bobolongon niya kamo saka gigibohon na mga maimbod. Nagsasabi kamo, “Madolok kami sa Kagurangnan, huli ta siya an samong Dios.

Jeremias 30:12

An Kagurangnan nagtataram sa saiyang banwaan, Dai mabobolong an saindong kulog, saka hararom an saindong lugad.

Jeremias 30:17

Itatao ko giraray saindo an marahay na hawak; bobolongon ko an mga lugad nindo maski nagsasabi an mga kaiwal nindo, ‘Isinikwal an Sion; mayo nin siisay man na nagmamakulog saiya!’ Ako, an Kagurangnan, an nagtaram.”

Jeremias 33:5

An nagkapira sainda makikilaban sa mga taga Babilonia, na mapano kan mga harong nin mga bangkay kan mga tawong gagadanon ko huli kan sakong kaanggotan asin kabangisan. Tinalikodan ko an syudad na ini huli kan gabos na kasombikalan kan mga tawo digdi.

Jeremias 33:6

Alagad bobolongon ko an syudad na ini asin an mga tawo digdi. Itatao ko giraray sainda an marahay na hawak. Papahilingan ko sinda nin nagsusupay na katoninongan saka katiwasayan.

Jeremias 50:4

Nagsasabi an Kagurangnan, “Pag-abot kan panahon na iyan, naghihibing maabot an mga taga Israel saka mga taga Juda, sa paghanap sako, na saindang Dios.

Jeremias 50:5

Mahapot sinda kan dalan pasiring sa Sion saka maduman sinda tanganing makisumaro sako sa sarong tipan na mayo nin kasagkoran saka dai nanggad malilingawan.

Mga Panambitan 3:11

Isinuhay niya ako sa sakong dalan, rinonot dangan binayaan;

Oseas 11:10

“Masunod sako an sakong banwaan kun ngaroban ko arog sa sarong leon an saindang mga kaiwal. Maghihidali sinda sa pagdolok sako hale sa solnopan.

Oseas 12:6

Kaya ngunyan, kamong mga kapagarakian ni Jacob, magsarig kamo sa saindong Dios, asin magbalik kamo saiya. Magin maimbod kamo saka matanos, asin maghalat kamo na may pakatios sa saindong Dios.

Oseas 14:1

Magbalik kamo sa Kagurangnan na saindong Dios, O banwaan nin Israel. An saindong kasalan iyo an nakapatumba saindo.

Oseas 14:4

Nagsasabi an Kagurangnan. “Papabalikon ko giraray sako an sakong banwaan. Bilog na puso ko sindang mamomotan; bako na akong anggot sainda.

Oseas 3:5

Alagad madatong an panahon na an banwaan nin Israel mabalik sa Kagurangnan na saindang Dios asin sa sarong kapagarakian ni David na saindang hade. Dangan magkakaigwa sinda nin takot sa Kagurangnan asin maako sinda kan saiyang marahay na mga regalo.

Levitico 14:48

Kun sa masunod na paghiling kan padi, pakatapos na palitadahon an harong, dai na nagtunga an alamag, ipapahayag kan padi na malinig na an harong huli ta nahale na an gabos na alamag.

Sofonias 2:1

Daing sopog na nasyon, magtiripon kamo asin mag-orolay,

Deuteronomio 32:39

“‘Ako, asin ako sana, an Dios; mayo na nin ibang totoong dios. Nakakagadan ako saka nakakabuhay; nakakalugad saka nakakapaomay, asin mayong makakaolang sa gigibohon ko.

1 Samuel 2:6

An Kagurangnan an minagadan asin minabuhay liwat; isinosobol niya an mga tawo sa Sheol asin binubuhay giraray.

1 Samuel 7:3

Sinabihan ni Samuel an mga Israelita, “Kun magbalik kamo sa Kagurangnan sa bilog nindong puso, kaipuhan haraleon nindo an mga dayuhan na dios asin an mga ladawan kan diosang si Astarte. Bilog nindong idusay an saindong sadiri sa Kagurangnan; siya sana an saindong paglingkodan, asin ililigtas niya kamo sa kapangyarihan kan mga Filisteo.”