Oseas 5:6 - Marahay na Bareta Biblia

⁶ Dadarahon ninda an saindang mga karnero saka baka tanganing idolot bilang mga sakripisyo sa Kagurangnan, alagad dai iyan makakatabang sainda. Dai ninda siya makukua, huli ta binayaan na niya sinda.

Oseas 5:6 ပူးပေါင်းရင်းမြစ်များ

Exodo 10:9

Nagsimbag si Moises, “Gabos kami mahale—magpoon sa gurang sagkod sa aki, lalaki man o babae. Kaipuhan na darahon mi man an samong mga karnero, mga kanding saka mga baka, huli ta mapyesta kami para sa Kagurangnan.”

Mga Talinhaga 1:28

Dangan maapod kamo sako, alagad dai ako masimbag; hahanapon nindo ako, alagad dai nindo ako makukua.

Mga Talinhaga 15:8

Ikinakaongis nin Kagurangnan an sakripisyo kan maraot, alagad nawiwilihan niya an pamibi kan matanos.

Mga Talinhaga 21:27

Ikinakauyam nin Kagurangnan an sakripisyo kan tampalasan, orog na kun an katuyohan kaini maraot.

Awit nin mga Awit 5:6

Binukasan ko an pintoan para sa sakong namomotan, alagad mayo na siya duman. Mawot ko nanggad na madangog an saiyang tingog! Hinanap ko siya, alagad dai ko nanumpongan; inapod ko siya, alagad mayo akong nadangog na simbag.

Isaias 66:3

“An mga tawo naggigibo kan saindang nawiwilihan. Sa sainda, pareho an pagbono nin baka bilang sarong sakripisyo asin an pagsakripisyo kan buhay nin sarong tawo. Pareho sainda an pagsakripisyo nin sarong kordero asin an pagbari kan liog nin sarong ayam; an pagtao nin dolot na pagkakan asin an pagdolot kan dugo nin orig; dangan an pagdolot nin insenso asin an pagpamibi sa sarong dios-dios.

Jeremias 11:11

Kaya ngunyan ako, an Kagurangnan, an madara sainda nin karatan na dai ninda madudulagan; maski pa mag-agrangay sinda sako, dai ko sinda dadangogon.

Jeremias 11:14

Jeremias, dai mo ipagpamibi an mga tawong ini, ni ipakimaherak sinda sako, huli ta dai ko sinda dadangogon kun mag-apod sinda sako sa panahon kan saindang kasakitan.”

Jeremias 14:12

Maski sinda mag-ayuno, dai ko hihinanyogon an saindang pag-agrangay; asin maski pa magdolot sinda sako nin mga tinutong na atang saka mga pagkakan, dai ako mawiwili sainda. Embes kaiyan, gagadanon ko sinda sa gera asin sa gutom saka sa helang.”

Jeremias 7:4

Dai kamo magtubod sa mga madayang tataramon na ini: ‘Ligtas kami digdi! Ini an Templo nin Kagurangnan, an Templo nin Kagurangnan, an Templo nin Kagurangnan!’

Mga Panambitan 3:44

huli kan sarong mahibog na panganoron kaya dai nakakalagbas an samong mga pamibi.

Ezekiel 8:18

Mamamatean ninda an gabat kan sakuyang kaanggotan. Dai ko sinda paliligtason o maheherakan. Maski magkurahaw pa sinda sa saindang pagpamibi sa sako, dai ko sinda dadangogon.”

Ezekiel 8:6

Sinabihan ako nin Dios, “Aki nin tawo, nahihiling mo an ginigibo ninda, an makauuyam na mga bagay na ginigibo digdi kan mga Israelita, kun paano ninda ako orog na pinapaharayo sa sakong santwaryo? Alagad makakahiling ka pa nin orog pang makauuyam na mga bagay.”

Oseas 8:13

Nagdodolot sinda sako nin mga sakripisyo asin kinakakan ninda an laman kan mga sakripisyo. Alagad ako, an Kagurangnan, dai naoogma sainda, asin gigiromdomon ko ngunyan an saindang kasalan dangan papadusahan ko sinda huli kaiyan; ibabalik ko sinda sa Egipto!

Amos 8:12

Malakaw an mga tawo magpoon sa may Gadan na Dagat sagkod sa Mediteraneo dangan malibot magpoon sa amihan pasiring sa sirangan. Hahanapon ninda sa gabos na lugar an mensahe nin Kagurangnan, alagad dai ninda iyan makukua.

Mikas 3:4

Madatong an panahon na maagrangay kamo sa Kagurangnan, alagad dai niya kamo sisimbagon. Dai niya dadangogon an saindong mga pamibi, huli ta maraot an saindong mga gibo.

Malakias 1:10

Nagsasabi an Kagurangnan nin mga hukbo, “Mawot kong saro sa saindo an magsera kan pintoan kan Templo tanganing dai na kamo mag-amak kan mga mayo nin halagang kalayo sa sakong altar. Dai ko kamo nawiwilihan; dai ko aakoon an mga dolot na dara nindo sako.

Lukas 5:16

Alagad nagduman si Jesus sa kalangtadan asin namibi.

Juan 7:34

Hahanapon nindo ako, alagad dai nindo ako makukua; huli ta dai kamo makakaduman sa dudumanan ko.”