Oseas 5:3 - Marahay na Bareta Biblia

³ Aram ko kun ano an kabaing nin Israel—dai niya ako pwedeng pagtagoan. Dai siya nagin maimbod, asin bakong maninigong magsamba sako an saiyang banwaan.”

Oseas 5:3 ပူးပေါင်းရင်းမြစ်များ

Isaias 7:16

Alagad bago dumatong an panahon na iyan, mayo nang mag-eerok sa daga kan duwang hade na kinatatakotan mo.

Isaias 7:17

“An Kagurangnan mapadara saimo, sa saimong banwaan, asin sa harong nin saimong ama, nin mga aldaw nin kasakitan na mas makuri ki sa nangyari poon kan magsuhay an kahadean nin Israel sa Juda—dadarahon niya an hade nin Asiria.

Isaias 7:5

An Siria, kaiba an Israel saka an hade kaini, nagplano nin karatan laban saimo.

Oseas 1:2

Kan an Kagurangnan enot na magtaram sa Israel sa paagi ni Oseas, sinabihan niya ini, “Lakaw dangan mag-agom ka; an agom mo magigin bakong maimbod saimo, asin an mga aki mo magigin arog man saiya. Sa parehong paagi binayaan ako kan sakong banwaan asin dai sinda nagin maimbod sako.”

Oseas 12:1

An gabos na ginigibo kan banwaan nin Israel poon sa pagkaaga sagkod sa pagkabanggi, mayong halaga asin nakakaraot. An lambang saro sainda orog na nagigin mapasaluib asin madahas; nakikipagtipan sinda sa Asiria asin nakikipagnegosyo sa Egipto.”

Oseas 13:1

Kaidto, kun minataram an tribu ni Efraim, nagkakatarakot an ibang tribu nin Israel, huli ta an tribung ini ginagalangan sa Israel. Alagad nagkasala an mga tawo huli sa pagsamba ki Baal, asin huli kaini, magagadan sinda.

Oseas 13:5

Ako an nag-ataman saindo sa mamarang daga sa kalangtadan.

Oseas 5:11

Naaapi an Israel; nawara an daga na sadiri niya, huli ta binoot nanggad niyang magsunod sa mga mayong ikakatabang.

Oseas 5:13

“Kan mamatean nin Israel an saiyang helang, asin kan mahiling nin Juda an sadiri niyang mga lugad, nagduman an Israel sa Asiria sa paghahagad nin tabang sa emperador, alagad dai niya kayang paomayan an Israel o bolongon an lugad nin Juda.

Oseas 5:9

Nagdadangadang na an aldaw nin pagpadusa, asin marurumpag an Israel. Mga taga Israel mangyayari nanggad ini!

Oseas 6:10

May nahiling akong mangirhat na bagay sa Israel; dinigtaan kan sakong banwaan an saindang sadiri huli sa pagsamba sa mga dios-dios.

Oseas 6:4

Alagad nagsasabi an Kagurangnan, “Ano an gigibohon ko saimo Israel? Ano an gigibohon ko saimo Juda? Hidali sanang nawawara an saindong pagkamoot sako arog kan alopoop sa pagkaaga; nakakaagid iyan sa ambon na nawawara amay pa an aldaw.

Oseas 8:11

“Kan nagdakul an altar na itinugdok kan banwaan nin Israel para sa paghale nin kasalan, nagdakul man an mga lugar para sa saindang pagkasala!

Amos 3:2

“Sa gabos na nasyon sa daga, ika sana an pinili ko asin inataman. Iyan an dahelan kun tadaw ta orog na minagabat an saimong mga kasalan, asin kun tano ta kaipuhan padusahan taka.”

Amos 5:12

Huli ta aram ko an kadakul nindong kasombikalan asin kun gurano kadakula an saindong mga kasalan. Pinapasakitan nindo an mga matanos, minaako kamo nin suhol, saka dai nindo itinatao an deretso kan mga dukha.

Deuteronomio 33:17

Igwa kan kosog nin sarong toro si Jose, kan mga sungay nin lalaw na toro. An mga sungay niya iyo an rinibo ni Manases, asin an sampolong rinibo ni Efraim. Ini an isinusuag niya sa mga banwaan, sagkod na makaabot sinda sa mga poro kan kinaban.”

Hebreyo 4:13

Mayong matatago sa Dios. An gabos na bagay hayag na nahihiling niya. Saiya kita gabos matao nin kwenta kan satong mga gibo.

Kapahayagan 3:15

Aram ko an saimong mga ginigibo; aram ko na bako kang malipot o mainit. Marahay pa logod kun malipot ka o mainit!