Oseas 5:2 - Marahay na Bareta Biblia

² sarong hararom na kalot sa Syudad nin Acacia, kaya papadusahan ko kamo gabos.

Oseas 5:2 ပူးပေါင်းရင်းမြစ်များ

Isaias 1:5

Tadaw ta padagos kang nagrerebelde? Boot mo pang madugangan an saimong padusa? Makulog an bilog mong payo, nanluluya an puso mo.

Isaias 29:15

Herak man sa mga nagtatago sa Kagurangnan kan saindang mga plano! Ginigibo ninda iyan sa hilom asin naghohona sinda na mayo nin nakakahiling sainda o mayo nin nakakaaram kan saindang ginigibo.

Jeremias 18:18

Dangan nagsabi an mga tawo, “Magplano kita laban ki Jeremias. Danay na magkakaigwa nin mga padi na magtutukdo sato, mga madonong na maghuhulit sato, asin mga propeta na magpapahayag kan mensahe nin Dios. Idemanda ta siya asin dai na kita magdangog kan mga sinasabi niya.”

Jeremias 5:3

An kaimbodan iyo an hinahanap nin Kagurangnan. Hinampak niya kamo, alagad dai nindo namatean an kulog kaiyan; rinonot niya kamo, alagad dai nanggad kamo nakanood. Nagin matagas an saindong mga payo, asin habo nanggad nindong talikodan an saindong mga kasalan.

Jeremias 6:28

Sinda gabos rebeldeng matatagas an payo, matagas arog kan bronse saka lansang. Sinda gabos maraot, asin naglilibot sinda tanganing manlibak.

Oseas 4:2

Nanunuga sinda alagad dai iyan inootob; nagpuputik sinda, nanggagadan, nanghahabon, asin nagdodorog sa bako nindang agom. Nagdadakul an krimen, asin sunod-sunod an garadanan.

Oseas 6:5

Iyan an dahelan kun tadaw ta sinugo ko an sakong mga propeta sa saindo dara an sakong mensahe nin paghukom saka pagrumpag. Maliwanag asin malinaw an mawot ko saindo:

Oseas 6:9

An mga padi garo sarong grupo nin mga parahabon na naghihipa sa pagsalakay sa sarong tawo. Maski sa dalan pasiring sa banal na lugar sa Shekem, nanggagadan sinda; tuyo nindang ginibo an mga karatan na ini!

Oseas 9:15

Nagsasabi an Kagurangnan, “Nagpoon an mga maraot nindang gibo sa Gilgal. Duman nagpoon an pagkaongis ko sainda. Huli kan maraot na ginibo ninda, papahaleon ko sinda sa sakong daga, asin dai ko na sinda mamomotan; nagrebelde laban sako an gabos nindang lider.

Kapahayagan 3:19

Sinasagwe ko saka dinidisiplina an gabos kong namomotan. Kaya magmaigot asin magbakle ka.