Oseas 5:11 - Marahay na Bareta Biblia

¹¹ Naaapi an Israel; nawara an daga na sadiri niya, huli ta binoot nanggad niyang magsunod sa mga mayong ikakatabang.

Oseas 5:11 ပူးပေါင်းရင်းမြစ်များ

2 Mga Hade 15:29

Sa panahon kan paghahade ni Peka, an Israel sinalakay ni Tiglat-pileser, an emperador nin Asiria, asin nasakop niya an Ijon, Abel-bet-maaca, Janoa, Kedes, Hazor, Gilead, saka Galilea asin an bilog na daga nin Neftali; an mga nag-eerok digdi dinara niyang bihag sa Asiria.

Oseas 9:16

An banwaan nin Israel nakakaagid sa sarong tinanom na naalang an mga gamot asin dai na nagbubunga. Dai sinda magkakaigwa nin mga aki, alagad maski pa magkaigwa sinda, gagadanon ko an mga aking namomotan nindang marahay.”

Mikas 6:16

Mangyayari iyan huli ta sinunod mo an mga maraot na gawe ni Hadeng Omri asin kan aki niyang si Ahab. Pinapadagos mo an saindang mga pagboot, kaya dadarahan taka nin karatan, asin pagngingisihan ka kan gabos. Pag-oolog-ologon ka kan mga tawo saen man na lugar.”

Deuteronomio 28:33

Kukuahon nin sarong dayuhan na nasyon an gabos na bunga kan saindong daga asin kan saindong kapagalan; dangan padagos kamong aapihon asin pag-oorihan.