Oseas 5:1 - Marahay na Bareta Biblia

¹ “Mga padi, dangoga nindo ini! Paghinanyog kamo, banwaan nin Israel! Paghimate kamo, kamo na kaayon sa pamilya kan hade! Dapat ipinahiling nindo an hustisya sa saindong paghukom—kaya kamo an huhukoman! Nagin sarong siod kamo sa Mizpa, sarong hikot na nabibiklad sa Bukid nin Tabor,

Oseas 5:1 ပူးပေါင်းရင်းမြစ်များ

Jeremias 11:7

Huli ta kan darahon ko an saindang mga ginikanan sa luwas kan Egipto, maigot ko sindang pinatanidan na kuyogon ako, asin padagos na pinapatanidan ko an mga tawo sagkod ngunyan.

Jeremias 13:18

Tinaraman ako nin Kagurangnan, “Sabihan mo an hade asin an saiyang ina na bumaba sa saindang trono, huli ta nahale na sa saindang payo an magagayon nindang korona.

Jeremias 46:18

Ako, an Kagurangnan nin mga hukbo, iyo an hade. Ako, iyo an Dios na buhay. Arog sa Bukid nin Tabor sa tahaw kan mga bukid, asin arog kan Bukid nin Carmelo sa gilid kan dagat, an kosog kan sarong maabot na masalakay saindo.

Oseas 10:15

Siring kaiyan an mangyayari saindo, mga taga Betel, huli kan dakulang karatan na saindong ginibo. Pagpoon pa sana kan ralaban, magagadan an hade nin Israel.”

Oseas 13:8

Sasalakayon ko kamo siring sa sarong oso na nawaraan kan saiyang mga ogbon, saka roronoton ko an saindong mga daghan. Siring sa sarong leon, kakakanon ko kamo, asin pepedasohon arog sa pagpedaso kan sarong lalaw na hayop.

Oseas 4:1

An Kagurangnan igwa nin reklamo laban sa mga tawo na nag-eerok sa dagang ini. Dangoga, Israel, an sinasabi niya: “Mayo nin kaimbodan o pagkaherak sa daga, asin dai ako inaako kan mga tawo bilang Dios.

Oseas 6:9

An mga padi garo sarong grupo nin mga parahabon na naghihipa sa pagsalakay sa sarong tawo. Maski sa dalan pasiring sa banal na lugar sa Shekem, nanggagadan sinda; tuyo nindang ginibo an mga karatan na ini!

Oseas 9:8

Sinugo ako nin Dios bilang propeta tanganing patanidan an saiyang banwaan na Israel. Alagad saen man ako magduman, hiningowa nindong siodon ako siring sa sarong gamgam. Sa sadiring daga nin Dios, an mga tawo kaiwal kan propeta.

Joel 1:2

Dangoga nindo ini, kamong mga gurang na; paghinanyog, kamong nag-eerok sa Juda! Nangyari na daw an siring kaini sa saindong panahon o sa panahon kan saindong mga magurang?

Amos 3:1

Banwaan nin Israel, dangoga an mensaheng ini na itinaram nin Kagurangnan laban saindo, an nasyon na ilinuwas niya hale sa Egipto:

Amos 7:9

Mararaot an mga lugar na pinagsasambahan kan kapagarakian ni Isaac. Magkakagaraba an mga banal na lugar nin Israel. Tataposon ko an paghahade kan lahi ni Hadeng Jeroboam.”

Mikas 3:1

Pagdangog kamo, mga pamayo nin Israel! Kamo kutana an mga tawong dapat nagmamakulog dapit sa hustisya,

Mikas 3:9

Dangoga nindo ako, kamong mga pamayo nin Israel, na naoongis sa hustisya asin nagbibiko sa katanosan.

Mikas 7:2

Mayo na minsan sarong onestong tawo sa daga, mayo maski sarong maimbod sa Dios. An gabos naghahalat kan tamang panahon tanganing manggadan. An lambang saro naghahanap kan saiyang kapwa tanganing gadanon.

Malakias 1:6

Nagsasabi an Kagurangnan nin mga hukbo sa mga padi, “Ginagalangan kan aking lalaki an saiyang ama, asin kan sorogoon an saiyang kagurangnan. Ako an saindong ama—tadaw ta dai nindo ako ginagalangan? Ako an saindong kagurangnan—tano ta dai nindo ako ginagalangan? Binabasang-basang nindo ako, asin minahapot pa kamo, ‘Paano mi ika binasang-basang?’

Malakias 2:1

Nagsasabi an Kagurangnan nin mga hukbo sa mga padi, “Para sa saindo an pagboot na ini:

Hukom 4:12

Kan maisihan ni Sisera na tuminukad sa Bukid nin Tabor si Barak na aking lalaki ni Abinoam,

Hukom 4:6

Sarong aldaw, ipinaapod niya si Barak, na aking lalaki ni Abinoam kan syudad nin Kedes sa daga nin Neftali. Sinabihan niya si Barak, “Ini an pagboot saimo nin Kagurangnan: ‘Hale sa mga tribu ni Neftali asin ni Zabulon, kumua ka nin dyes mil na kalalakihan dangan pangenotan mo sinda pasiring sa Bukid nin Tabor.

1 Samuel 7:16

Taon-taon, naglilibot siya sa mga syudad nin Betel, Gilgal, asin Mizpa tanganing hukoman an mga kaso sa mga lugar na idto.

1 Samuel 7:5

Dangan ipinaapod ni Samuel an gabos na Israelita na magtiripon sa Mizpa, asin sinabihan, “Ipapamibi ko kamo sa Kagurangnan.”

1 Samuel 7:6

Kaya nagtiripon sinda sa Mizpa. Nagharok sinda nin tubig dangan inula ninda bilang sarong dolot sa Kagurangnan; nag-ayuno sinda kan aldaw na idto. Olay ninda, “Nagkasala kami sa Kagurangnan.” (Hinukoman ni Samuel an mga Israelita duman sa Mizpa.)