Oseas 4:9 - Marahay na Bareta Biblia

⁹ Parehong padusa an aakoon nindo asin kan mga tawo. Papadusahan ko kamo asin papabayadon kan mga karatan na saindong ginigibo.

Oseas 4:9 ပူးပေါင်းရင်းမြစ်များ

Mga Talinhaga 11:31

An matanos babalosan digdi sa daga, kaya laomon mo na papadusahan an maraot saka an parakasala.

Mga Talinhaga 12:14

Babalosan ka sosog sa saimong mga tataramon saka mga gibo; makakamtan mo an maninigo sa saimo.

Mga Talinhaga 5:22

Sarong siod an mga kasalan kan tampalasan, asin nadadakop siya sa hikot kan sadiri niyang kasalan.

Isaias 24:2

Pareho an mangyayari sa gabos—sa mga padi asin sa banwaan, sa mga oripon saka sa mga kagurangnan, sa mga parabakal asin sa mga nagpapabakal, sa mga nagpapasubli saka sa mga parasubli, sa mga mayaman asin sa mga dukha.

Isaias 3:10

Magigin maogma an mga matanos asin magigin marahay an saindang kamugtakan, huli ta magkakakan sinda kan bunga nin saindang kapagalan.

Jeremias 5:31

an mga propeta mayo nin itinataram kundi kaputikan; an mga padi namamayo sosog sa pagboot kan mga propeta, asin inooyonan ini kan sakong banwaan. Alagad ano an saindang gigibohon kun mag-abot na an kataposan?”

Ezekiel 44:10

Nagtaram sako an Kagurangnan, “Papadusahan ko an mga Levita huli ta nagtalikod sinda sako asin nagsamba sa mga dios-dios, arog kan ibang mga Israelita.

Ezekiel 44:12

Alagad huli ta sinda an namahala kan pagsamba kan mga Israelita sa mga dios-dios, asin sinda an nagdara sa mga tawo sa pagkakasala, ako, an Kagurangnan Dios, minasumpa na kaipuhan padusahan sinda.

Oseas 1:4

sinabihan nin Kagurangnan si Oseas, “Ngaranan mo siyang ‘Jezreel,’ huli ta dai na mahahaloy, papadusahan ko an hade nin Israel huli kan mga panggagadan na ginibo kan ginikanan niyang si Jehu sa Jezreel. Tataposon ko na an paghahade kan pamilya ni Jehu.

Oseas 10:10

Sasalakayon ko an makasalan na banwaan na ini asin papadusahan ko sinda. Magkakasararo an mga nasyon laban sainda asin papadusahan sinda huli kan kadakul nindang mga kasalan.

Oseas 12:2

An Kagurangnan igwa nin reklamo laban sa mga taga Juda; papadusahan man niya an Israel huli kan mga gawe kan saiyang namamanwaan. Babalosan niya sinda sosog sa saindang mga gibo.

Oseas 12:3

An saindang ginikanan na si Jacob nakipaggumolan sa kakambal niyang si Esau kan sinda nasa tulak pa kan saindang ina; kan dakula na si Jacob, nakilaban siya tumang sa Dios—

Oseas 7:2

Dai lamang naglaog sa saindang isip na magigiromdoman ko an gabos na karatan na ini; alagad napapalibotan sinda kan saindang mga kasalan, asin dai pwedeng dai ko mahiling an mga iyan.”

Oseas 8:13

Nagdodolot sinda sako nin mga sakripisyo asin kinakakan ninda an laman kan mga sakripisyo. Alagad ako, an Kagurangnan, dai naoogma sainda, asin gigiromdomon ko ngunyan an saindang kasalan dangan papadusahan ko sinda huli kaiyan; ibabalik ko sinda sa Egipto!

Oseas 9:15

Nagsasabi an Kagurangnan, “Nagpoon an mga maraot nindang gibo sa Gilgal. Duman nagpoon an pagkaongis ko sainda. Huli kan maraot na ginibo ninda, papahaleon ko sinda sa sakong daga, asin dai ko na sinda mamomotan; nagrebelde laban sako an gabos nindang lider.

Oseas 9:9

Mayo na sindang ibang ginigibo kundi karatan, siring kan yaon sinda sa Gibea. Gigiromdomon nin Dios an saindang kasalan asin papadusahan sinda huli kaiyan.

Zacarias 1:6

Sa paagi kan sakong mga sorogoon, an mga propeta, an saindong mga ginikanan tinawan ko nin mga pagboot asin mga patanid, alagad dai ninda iyan pinahalagahan, kaya nagtios sinda bilang bunga kan dai ninda pagkuyog. Dangan nagbakle sinda asin nag-ako na ako, an Kagurangnan nin mga hukbo, iyo an nagpadusa sa sainda sosog sa maninigo sainda asin siring sa desisyon ko.’”

Mateo 15:14

Pabayae sana nindo sinda; mga buta sindang giya. Kun an sarong buta magkabit nin kapwa buta, pareho sindang mahuhulog sa kalot.”