Oseas 4:8 - Marahay na Bareta Biblia

⁸ Nagyayaman kamo huli sa mga kasalan kan sakong banwaan, kaya boot pa nindong magdugang an saindang pagkakasala.

Oseas 4:8 ပူးပေါင်းရင်းမြစ်များ

2 Mga Hade 12:16

An kwartang itinatao para sa mga dolot nin kabayadan asin mga dolot para sa kasalan dai ilinalaog sa kahon; sadiri iyan kan mga padi.

Salmo 24:4

An tawong malinig an mga kamot asin mabini an puso, an dai nagsasamba sa mga dios-dios, an dai naggigibo nin putik na panuga.

Salmo 25:1

Sa saimo, Kagurangnan, iniitaas ko an sakong kalag.

Isaias 56:11

Arog sinda sa sablok na mga ayam na dai nagkakabarasog. Mayo nin pakasabot an mga lider na ini. Ginigibo kan lambang saro sainda an saiyang nawiwilihan asin hinahanap sana an saiyang karahayan.

Ezekiel 14:3

“Aki nin tawo, idinusay kan mga lalaking ini an saindang puso sa mga dios-dios, asin tinutugotan ninda an mga ini na darahon sinda sa kasalan. Naghohona daw sinda na sisimbagon ko sinda?

Ezekiel 14:7

“Kun an saro sa mga Israelita o sa mga dayuhan na nag-eerok sa Israel an magtalikod sako, magdusay kan saiyang puso sa mga dios-dios, asin magtugot sa mga ini na darahon siya sa kasalan, dangan makihumapot sa sarong propeta, ako, an Kagurangnan, an masimbag saiya!

Oseas 10:13

Alagad embes na gibohon nindo iyan, nagtanom kamo nin karatan asin nag-ani kan bunga kaiyan. Kinakan nindo an bunga kan saindong mga kaputikan. “Huli ta nagsarig kamo sa saindong mga karwahe asin sa dakul nindong soldados,

Oseas 12:8

Minasabi sinda, ‘Mayaman na kami. Dakulang halaga na an samong natipon asin mayong makakapagsabi na nagyaman kami huli sa pandadaya.’

Oseas 14:1

Magbalik kamo sa Kagurangnan na saindong Dios, O banwaan nin Israel. An saindong kasalan iyo an nakapatumba saindo.

Levitico 6:22

Sa maabot na panahon, an siring na pagdolot sa Kagurangnan gigibohon kan lambang aki ni Aaron na maglilingkod bilang Halangkaw na Padi. Tututongon niya iyan bilang tinutong na atang sa Kagurangnan.

Levitico 6:26

An padi na madolot kan hayop iyo an makakan kaiyan duman sa banal na lugar, sa patyo kan Tabernakulo.

Mikas 3:11

An mga pamayo nagpapasuhol bago maghukom, nagpapatandan an mga padi bago magtukdo, asin an mga propeta naghuhula huli sa kwarta—asin gabos sinda nagsasabi na yaon sainda an Kagurangnan. Nagsasabi sinda, “Mayong maraot na maabot sa samo. Yaon sa samo an Kagurangnan.”

Malakias 1:10

Nagsasabi an Kagurangnan nin mga hukbo, “Mawot kong saro sa saindo an magsera kan pintoan kan Templo tanganing dai na kamo mag-amak kan mga mayo nin halagang kalayo sa sakong altar. Dai ko kamo nawiwilihan; dai ko aakoon an mga dolot na dara nindo sako.

Roma 16:18

An mga siring na tawo bakong sa satong Kagurangnan naglilingkod, kundi nagpaparaisip sana kan saindang tulak. Dinadaya ninda an mga tawong inosente, sa paagi kan saindang magayon asin marahay pagdangogon na mga tataramon.

Tito 1:11

Kaipuhan sindang paontokon huli ta pinupurisaw ninda an gabos na kaayon nin mga pamilya, sa pagtukdo ninda kan dai dapat itukdo, magkakwarta sana sinda maski sa maraot na paagi.

2 Pedro 2:3

Huli sa saindang kapasloan, dadayaon ninda kamo sa paagi nin putik na katukdoan; alagad haloy nang andam an hatol sa sainda asin an magadan sainda dai nagtotorog!

1 Samuel 2:29

Kun siring, tadaw ta hinihiling mo na may kapasloan an mga atang asin dolot na hinahagad ko sa sakong banwaan? Tadaw ta pinapaorog mo an saimong mga aki ki sa sako, huli sa pagtugot sainda na magpataba kan saindang sadiri sa pinakamarahay na mga parte kan gabos na dolot kan sakong banwaan?