Oseas 4:7 - Marahay na Bareta Biblia

⁷ “Mantang nagdadakul kamong mga padi, nagdadakul man an saindong kasalan tumang sako, kaya gigibohon kong kasosopgan an saindong kamurawayan.

Oseas 4:7 ပူးပေါင်းရင်းမြစ်များ

Esdras 9:7

Poon pa kan aldaw kan samong mga ginikanan sagkod ngunyan, kami, na saimong banwaan, nagkasala na nin makuri. Huli kan samong mga kasalan, kami, an samong mga hade, asin mga padi nahulog sa kamot kan mga dayuhan na hade, ginadan, binihag asin sinamsaman. Napasopog kami sagkod ngunyan.

Oseas 10:1

An Israel nakaagid sa balagon nin ubas na pano nin bunga. Kan magdakul an saiyang bunga, nagdakul man an pinatindog niyang mga altar. Kan mag-orog an bunga kan saiyang daga, orog man na naggayon an ginibo niyang sagradong mga hariging gapo na saiyang sinasamba.

Oseas 10:6

Dadarahon iyan sa Asiria bilang buhis sa dakulang emperador. Mapapasopog an Israel huli kan hatol na saiyang sinunod.

Oseas 13:14

Dai ko ililigtas an banwaan na ini sa kinaban kan mga gadan o sa kapangyarihan nin kagadanan. Kagadanan, padagosa an pagpapasakit mo! Kinaban kan mga gadan, padagosa an panggagaba mo! Dai ko na nanggad maheherakan an banwaan na ini.

Oseas 13:6

Alagad kan makalaog kamo sa marahay na daga asin magkabarasog kamo, nagin mapaabaw-abaw kamo dangan nalingawan nindo ako.

Oseas 4:10

Makakan kamo kan saindong kahirasan kan mga sakripisyo alagad dai kamo mababasog. Magsasamba kamo sa mga dios-dios, alagad dai kamo makakaigwa nin mga aki, huli ta tinalikodan nindo ako tanganing magsunod sa mga dios-dios.”

Oseas 5:1

“Mga padi, dangoga nindo ini! Paghinanyog kamo, banwaan nin Israel! Paghimate kamo, kamo na kaayon sa pamilya kan hade! Dapat ipinahiling nindo an hustisya sa saindong paghukom—kaya kamo an huhukoman! Nagin sarong siod kamo sa Mizpa, sarong hikot na nabibiklad sa Bukid nin Tabor,

Oseas 6:9

An mga padi garo sarong grupo nin mga parahabon na naghihipa sa pagsalakay sa sarong tawo. Maski sa dalan pasiring sa banal na lugar sa Shekem, nanggagadan sinda; tuyo nindang ginibo an mga karatan na ini!

Oseas 9:11

An kadakulaan nin Israel malayog paharayo siring sa sarong gamgam, asin dai na sinda mag-aaki; mayo na nin babaeng mabados asin mayo na nin aking ipapangidam.

Habakkuk 2:16

Sosopogon man kamo embes na oomawon. Mainom man kamo asin magsasayasay. Papainomon kamo nin Kagurangnan sa sadiri nindong kalis nin padusa, asin magigin kasosopgan an saindong kaomawan.

Malakias 2:9

Kaya ako, sa pagbalos, magtugot na kaongisan kamo kan banwaan nin Israel huli ta dai nindo kinuyog an sakong kabotan; may pinapalaen kamo kun nagtutukdo kamo sa sakong banwaan.”

Deuteronomio 32:15

“Nagyaman an banwaan nin Kagurangnan, alagad nagsombikal; sinda na nagtaba asin nabasog. Tinalikodan ninda an Dios na saindang Kaglalang, nginisihan an Gapo nin saindang kaligtasan.

Filipos 3:19

Kapahamakan an aabotan ninda huli ta an kamawotan kan saindang hawak iyo an nagin nindang dios; ipinag-oorgulyo pa ninda an dapat nindang ikasopog, asin an iniisip sana ninda iyo an mga bagay digdi sa kinaban.

1 Samuel 2:30

Ako, an Kagurangnan Dios nin Israel, nanuga kaidto na an saimong pamilya asin an saimong kamaganakan iyo an maglilingkod sako bilang padi sagkod lamang. Alagad dai na pwede iyan! Oomawon ko an mga tawong nag-oomaw sako, asin ikakaongis ko an mga naoongis sako.