Oseas 4:6 - Marahay na Bareta Biblia

⁶ Mayong paglaom an sakong banwaan huli ta dai ninda ako minimidbid. Kamo man na mga padi habong magmidbid sako asin isinikwal nindo an sakong katukdoan, kaya isinisikwal ko man kamo asin dai ko man aakoon an saindong mga aking lalaki bilang mga padi ko.

Oseas 4:6 ပူးပေါင်းရင်းမြစ်များ

2 Mga Cronica 15:3

An Israel namuhay na mayo kan tunay na Dios sa haloy na panahon, mayo nin mga padi na nagtukdo sainda asin mayo nin katogonan.

An Libro ni Job 36:12

Alagad kun dai sinda maghinanyog, mapapara sinda huli sa dahas, asin magagadan na mayong pakaaram.

Salmo 119:139

An sakong kaanggotan naglalaad siring sa kalayo, huli ta linilingawan nin sakong mga kaiwal an saimong mga tataramon.

Salmo 119:153

Hilinga an sakong pagtios, asin ligtasan ako, huli ta dai ko nalilingawan an saimong katogonan.

Salmo 119:61

Maski nasisiod na ako kan mga pisi kan mga tampalasan, dai ko nalilingawan an saimong katogonan.

Salmo 18:27

Iliniligtas mo an mga mapakumbaba, alagad an mga mapaabaw-abaw saimong ibinababa.

Mga Talinhaga 10:21

An mga tataramon kan matanos papakinabangan nin dakul na tawo, alagad pwedeng magadan an lolong huli kan saiyang kapatalan.

Mga Talinhaga 19:2

Bakong marahay para sa sarong tawo an mayo nin pakaaram; an naghihidali dai nakakakua kan dalan.

Isaias 1:3

Midbid kan baka an kagurangnan niya, asin aram kan asno an lugar na pinagbabahogan saiya, alagad an Israel dai nakakaaram; dai nakakasabot an sakong banwaan.”

Isaias 17:10

Israel, nalingawan mo na an Dios nin saimong kaligtasan asin an Gapo na saimong pailihan. Embes kaiyan, nagtanom ka nin sagradong mga tatamnan tanganing magsamba sa sarong dayuhan na dios.

Isaias 27:11

Aralang asin barari na an mga sanga kan mga kahoy; pinoporot sinda kan mga babae tanganing igatong. Huli ta mayo nin pakasabot an mga tawong ini, dai sinda maheherakan kan Dios na naglalang sainda; dai sinda pahihilingan nin pagkaherak.

Isaias 28:7

Burat an mga propeta saka mga padi, kaya nagsasayasay sinda. Nagkakadarasmag sinda sa karibongan huli ta dakul an nainom nindang arak. Sobra an kaburatan kan mga propeta tanganing masabotan ninda an ipinadarang mga bisyon nin Dios. Siring man an mga padi; dai na sinda nakakahatol kan mga kaso na dinadara sainda.

Isaias 29:12

Kun darahon nindo iyan sa dai tataong magbasa, asin hagadon nindo na basahon iyan saindo, masabi siyang dai siya tataong magbasa.

Isaias 3:12

Inaapi nin mga usurero an sakong banwaan; dinadaya sinda kan parapautang. Banwaan ko, linalagalag ka kan saimong mga pamayo, kaya dai mo aram an saimong dalan.

Isaias 45:20

Nagsasabi an Kagurangnan, “Magtiripon kamo asin madya, mga namamanwaan kan mga nasyon, kamo gabos na nagkatarada kan marumpag an imperyo; dumolok kamo sa hukoman! An mga tawong nagpaparada kaiba an saindang mga ladawan na kahoy asin namimibi sa mga dios-dios na dai makakaligtas sainda— an mga tawong iyan mayong naaaraman!

Isaias 5:13

Kaya dadarahon kamo sa harayo bilang mga bilanggo. Magagadan an saindong mga lider huli sa gutom, asin an ordinaryong mga tawo sa paha.

Jeremias 2:8

An mga padi dai naghapot, ‘Haen an Kagurangnan?’ Dai ako midbid kan sadiri kong mga padi. Nagrebelde sako an mga pamayo; an mga propeta nagpropesiya sa ngaran ni Baal, saka nagsamba sa mga ladawan na mayo nin halaga.

Jeremias 4:22

An Kagurangnan nagtataram, “Mangmang an sakong banwaan; dai ninda ako midbid. Garo sinda mga aking lolong; mayo sinda nin pakasabot. Eksperto sinda sa paggibo nin maraot alagad dai sinda tataong maggibo nin matanos.”

Jeremias 5:21

Pagdangog kamo, lolong saka mangmang na mga tawo na igwang mga mata, alagad dai nakakahiling; na igwang mga talinga, alagad dai nakakadangog.

Ezekiel 44:23

“Itutukdo kan mga padi sa mga tawo an kalaenan kan anoman na banal sa bako, an kalaenan kan bagay na malinig sa maati.

Oseas 13:6

Alagad kan makalaog kamo sa marahay na daga asin magkabarasog kamo, nagin mapaabaw-abaw kamo dangan nalingawan nindo ako.

Oseas 2:13

Papadusahan ko siya huli kan mga panahon na liningawan niya ako, kan magsulo siya nin insenso ki Baal asin kan isulot niya an saiyang mga alahas tanganing lamagon an mga namomoot saiya. An Kagurangnan an nagtaram.

Oseas 4:1

An Kagurangnan igwa nin reklamo laban sa mga tawo na nag-eerok sa dagang ini. Dangoga, Israel, an sinasabi niya: “Mayo nin kaimbodan o pagkaherak sa daga, asin dai ako inaako kan mga tawo bilang Dios.

Oseas 4:12

Minahagad sinda nin kapahayagan sa sarong pedasong kahoy! An sarong sanga an nagsasabi sainda kan boot nindang maaraman! Tinalikodan na ninda ako. Siring sa sarong babae na nagin maraot, idinusay na ninda an saindang sadiri sa mga dios-dios.

Oseas 4:14

Alagad dai ko sinda papadusahan huli sa siring na bagay, huli ta kamo mismo nakikidorog man sa mga maraot na babae sa templo, asin sa kaibahan ninda, nagdodolot kamo nin mga paganong sakripisyo. Siring sa kasabihan, ‘An banwaan na mayong pakasabot mararaot.’

Oseas 5:4

An karatan na ginibo kan mga tawo iyo an nakakaolang sainda sa pagbalik ninda sa Dios. Huli ta an epiritu nin pakikipagdorogan yaon sa sainda asin dai ninda midbid an Kagurangnan.

Oseas 6:6

Mawot ko an danay nindong pagkamoot, bakong an isinasakripisyo nindong mga hayop. Mas boot ko pang mamidbidan ako kan sakong banwaan ki sa magtutong sinda nin mga atang para sako.

Oseas 7:11

Nakakaarog sinda sa sarong salampati, mangmang asin mayong pakasabot; pakatapos na magpatabang sinda sa Egipto, nagduman sinda sa Asiria!

Oseas 7:9

asin dai ninda naaaraman na an pagsarig na ini sa mga dayuhan iyo an nagpaluya sainda. Nabibilang na an saindang mga aldaw, alagad dai pa ninda iyan aram.

Oseas 8:1

Nagsasabi an Kagurangnan, “Huyopa an trompeta huli ta nagdadangadang na sa sakong daga an mga kaiwal siring sa mga agila! Linapas kan sakong banwaan an sakong tipan, asin nagrebelde sinda tumang sa sakong katukdoan.

Oseas 8:12

Maski isurat ko pa para sainda an dai mabilang kong katukdoan, sainda man sanang tatalikodan an mga iyan.

Oseas 8:14

“Nagpatindog nin mga palasyo an banwaan nin Israel, alagad nalingawan ninda an Kaglalang sainda. An mga taga Juda nagpatindog nin pinapusog na mga syudad, alagad mapadara ako nin kalayo na masulo kan saindang mga palasyo saka mga syudad.”

Oseas 9:17

An Dios na sakong pinaglilingkodan masikwal kan saiyang banwaan, huli ta dai sinda nagdangog sa saiya; magigin mga lagalag sinda sa mga nasyon.

Mateo 1:6

si Jesse iyo an ama ni Hadeng David. Si David ama ni Solomon (an saiyang ina dating agom ni Urias);

Mateo 15:14

Pabayae sana nindo sinda; mga buta sindang giya. Kun an sarong buta magkabit nin kapwa buta, pareho sindang mahuhulog sa kalot.”

Mateo 15:8

‘Inoomaw ako kan mga tawong ini kan saindang ngoso, alagad harayo sako an saindang mga puso.

1 Samuel 2:12

An mga aking lalaki ni Eli mga mayong ugale; dai ninda iginagalang an Kagurangnan