Oseas 4:3 - Marahay na Bareta Biblia

³ Kaya maaalang an daga, asin magagadan an gabos na nabubuhay diyan. Magagadan man an gabos na hayop, gamgam saka sira.”

Oseas 4:3 ပူးပေါင်းရင်းမြစ်များ

Isaias 33:9

Mayo na nin tinanom an daga asin mayo na nin nag-eerok diyan. Naalang na an kadlagan nin Lebanon, asin nagin siring sa sarong desyerto an matubang na Kapantayan nin Sharon; nagtatakig an mga dahon kan mga kahoy sa Basan asin sa Bukid nin Carmelo.

Jeremias 12:4

Sagkod nuarin magigin mamara an daga saka magigin alang an mga doot sa kabukidan? Naghihingagdan an mga hayop saka gamgam huli kan karatan kan samong banwaan, banwaan na nagsasabing, ‘Dai nahihiling nin Dios an satong mga ginigibo.’”

Jeremias 23:10

An daga pano nin tawo na bakong maimbod sa Kagurangnan; namumuhay sinda sa karatan asin bakong marahay an paggamit ninda kan saindang kapangyarihan. Huli kan maldisyon nin Kagurangnan nagmomondo an daga asin alang na an mga pasabsaban.

Jeremias 4:25

Nangalagkalag ako—nahiling ko na mayo nin tawo; asin an gabos na gamgam nagdurulag.

Jeremias 9:10

Nagsabi ako, “Magmomondo ako para sa kabukidan asin magtatangis para sa mga pasabsaban, huli ta aralang na sinda, asin mayo na nin nag-aagi sainda. An inungal kan mga hayop dai na nadadangog; an mga gamgam saka mga lalaw na hayop nagdurulag saka nagharale na.”

Jeremias 9:9

Dai ko daw sinda papadusahan huli kan mga bagay na ini? Dai ko daw babaloson an siring na nasyon? Ako, an Kagurangnan, an nagtaram.”

Ezekiel 38:20

An lambang sira, an lambang gamgam, asin an lambang hayop, dakula man o sadit, patin an gabos na tawo sa ibabaw nin daga magtatarakig huli sa takot sako. Marurumpag an kabukidan, mabagsak an mga ampas asin maroronot an lambang kudal.

Joel 1:18

An mga baka nag-uungal sa kasakitan, huli ta para sainda mayo na an mga pasabsaban; an mga karnero nagtitios man.

Amos 1:2

Nagsabi si Amos, “Nagtataram sa makosog na tingog an Kagurangnan hale sa Bukid nin Sion; nagdadaguldol an saiyang tingog hale sa Jerusalem. Naaalang an mga pasabsaban, asin naluluyos an mga doot sa Bukid nin Carmelo.”

Amos 5:16

Kaya an Kagurangnan, an Dios nin mga hukbo, nagtataram, “Magkakaigwa nin pagtangis asin panambitan sa mga tinampo. Maski an mga paraoma aapodon tanganing magtangis para sa nagadan kaiba kan mga tinandanan na paratangis.

Amos 8:8

Kaya magkakaigwa nin linog, asin mahahadit an gabos sa daga. Matatanyog an bilog na daga; maitaas asin maibaba iyan siring sa Salog nin Nilo.

Nahum 1:4

Pinagbobotan niya an dagat, asin minamara iyan! Pinapamara niya an mga salog. Naluluyos an kaomahan nin Basan, an Bukid nin Carmelo siring man, asin nawawara an mga burak nin Lebanon.

Sofonias 1:3

an mga tawo saka mga hayop, an mga gamgam asin mga sira. Ibabagsak ko an gabos na tampalasan. Pupuhoon ko an katawohan digdi sa daga. Ako, an Kagurangnan, an nagtaram.

Zacarias 5:4

Nagtataram an Kagurangnan nin mga hukbo na papaluwason niya an maldisyon na ini, asin malaog iyan sa harong kan lambang mahabon asin lambang parasaksi nin putik; maontok iyan sa saindang mga harong dangan mahale kun gaba na an mga harong.”