Oseas 4:2 - Marahay na Bareta Biblia

² Nanunuga sinda alagad dai iyan inootob; nagpuputik sinda, nanggagadan, nanghahabon, asin nagdodorog sa bako nindang agom. Nagdadakul an krimen, asin sunod-sunod an garadanan.

Oseas 4:2 ပူးပေါင်းရင်းမြစ်များ

Genesis 4:8

Dangan sinabihan ni Cain si Abel, “Magduman kita sa kaomahan.” Kan yaon na sinda duman, ginadan ni Cain an saiyang tugang na si Abel.

Isaias 24:5

Dinigtaan kan mga tawo an daga sa paglapas kan mga togon nin Dios asin sa paglapas kan tipan na daing kasagkoran.

Isaias 48:1

Dangoga nindo ini, banwaan nin Israel, kamo na naggikan ki Juda: Minasumpa kamo sa ngaran kan Kagurangnan asin minasabing sinasamba nindo an Dios nin Israel— alagad bakong tudok sa puso nindo an saindong sinasabi.

Jeremias 51:5

Huli ta an saindang daga pano nin kasalan tumang sako, an Banal nin Israel, alagad ako, an Kagurangnan nin mga hukbo, dai nagpabaya sa Israel saka sa Juda.

Jeremias 6:7

Siring na an bubon dai nag-oontok sa pagtao nin preskong tubig, an Jerusalem dai man nag-oontok sa paggibo nin karatan. Kadahasan asin pagkaraot an nadadangog ko sa laog kan syudad; gabos na sanang helang saka lugad an sakong nahihiling.

Mga Panambitan 4:13

Alagad nangyari ini, huli sa kasalan kan saiyang mga propeta, sa kasombikalan kan saiyang mga padi, na nagpabulos kan dugo nin mga matanos.

Ezekiel 7:23

“Maribong an gabos—an daga pano nin panggagadan asin an mga syudad pano nin kadahasan.

Oseas 10:13

Alagad embes na gibohon nindo iyan, nagtanom kamo nin karatan asin nag-ani kan bunga kaiyan. Kinakan nindo an bunga kan saindong mga kaputikan. “Huli ta nagsarig kamo sa saindong mga karwahe asin sa dakul nindong soldados,

Oseas 10:4

Mayo nin kahulogan an saindang mga sinasabi; naggibo sinda nin bakong totoong mga sumpa asin mayong halagang mga tipan. An hustisya nagin inhustisya, na nagtatalubo arog sa nakakahudong na doot sa sarong inaradong oma.

Oseas 11:12

Nagsasabi an Kagurangnan, “Mga kaputikan saka pandadaya an ipinalibot sako kan banwaan nin Israel. An mga taga Juda padagos na nagrerebelde laban sako, an maimbod asin banal na Dios.

Oseas 12:14

Pinaanggot nin labi-labi kan mga Israelita an Kagurangnan; maninigo sindang magadan huli kan saindang mga ginibong karatan. Papadusahan sinda nin Kagurangnan huli kan kasosopgan na dinara ninda sa saiya.

Oseas 5:2

sarong hararom na kalot sa Syudad nin Acacia, kaya papadusahan ko kamo gabos.

Oseas 6:8

An Gilead sarong syudad na pano nin maraot na tawo saka mga paragadan.

Oseas 6:9

An mga padi garo sarong grupo nin mga parahabon na naghihipa sa pagsalakay sa sarong tawo. Maski sa dalan pasiring sa banal na lugar sa Shekem, nanggagadan sinda; tuyo nindang ginibo an mga karatan na ini!

Oseas 7:1

“Sa mga panahon na boot ko nang bolongon an sakong banwaan na Israel asin pauswagon giraray sinda, mayo akong nahihiling kundi an saindang katampalasan na saindang ginigibo. Dinadaya ninda an saindang kapwa; sinasalakat ninda an mga harong; asin hinahabonan ninda an mga tawo sa mga tinampo.

Oseas 7:3

Nagsasabi an Kagurangnan, “Dinadaya kan mga tawo an hade asin an saiyang mga opisyal huli kan saindang mga maraot na plano.

Oseas 7:4

Gabos sinda mga parapasaluib asin bakong maimbod. Arog sinda sa sarong mainit na horno, na dai ginagatongan kan panadero kun dai pa andam an minasa.

Mikas 3:2

alagad naoongisan nindo an matanos asin namomotan an karatan. Inaanitan nindo an sakong banwaan dangan hinahaklas an laman hale sa saindang mga tolang.

Mikas 3:9

Dangoga nindo ako, kamong mga pamayo nin Israel, na naoongis sa hustisya asin nagbibiko sa katanosan.

Mikas 6:10

Sa mga harong nin mga maraot na tawo makukua an kayamanan na napasainda huli sa pandadaya. Naggagamit sinda nin mga salang takadan, sarong gibo na ikinakaongis ko.

Mikas 7:2

Mayo na minsan sarong onestong tawo sa daga, mayo maski sarong maimbod sa Dios. An gabos naghahalat kan tamang panahon tanganing manggadan. An lambang saro naghahanap kan saiyang kapwa tanganing gadanon.

Sofonias 3:1

Herak man sa Jerusalem, idtong maraot saka rebeldeng syudad, na nang-aapi sa sadiri niyang mga namamanwaan.

Zacarias 5:3

Dangan sinabihan niya ako, “Nasusurat sa librong iyan an maldisyon na maluwas sa bilog na daga. Sa sarong lado kan libro nasusurat na an lambang mahabon gagadanon, asin sa ibong kaiyan nasusurat na an lambang magsaksi nin putik gagadanon man.

Zacarias 7:9

“Haloy nang panahon, itinao ko an mga pagboot na ini sa sakong banwaan: ‘Papangyarihon nindo an hustisya, asin magin maboot saka maheherakon kamo sa lambang saro.

Mateo 23:35

Huli kaini kamo an papadusahan dahel sa paggadan ninda kan mga tawong inosente, poon ki Abel sagkod ki Zacarias na aki ni Barakias, na ginadan nindo sa pagultanan kan Templo saka kan altar.

Mga Gibo 7:52

Igwa daw lamang maski sarong propeta na dai pinasakitan kan saindong mga ginikanan? Ginadan ninda an mga nagpahayag dapit sa pag-abot kan saiyang Matanos na Sorogoon, na saindong ipinasaluib asin ipinagadan.

Deuteronomio 5:11

“‘Dai nindo paggamiton an sakong ngaran nin basang lamang, huli ta ako, an Kagurangnan na saindong Dios, an mapadusa sa kiisay man na magbasang-basang kan sakong ngaran.

Deuteronomio 5:18

“‘Dai kamo magdorog sa bako nindong agom.

Deuteronomio 5:19

“‘Dai kamo maghabon.

1 Tesalonica 2:15

na iyo man an guminadan ki Jesus na Kagurangnan asin sa mga propeta. Sinda man an nagpasakit samo. Dai sinda ikinakaogma nin Dios; kaiwal sinda kan gabos na tawo!

Kapahayagan 17:6

Nahiling ko na an babae naburat kan dugo kan mga banal asin kan dugo kan mga ginadan huli ta nagdanay sindang maimbod ki Jesus. Kan mahiling ko siya, napangalas ako nin marahay.