Oseas 4:18 - Marahay na Bareta Biblia

¹⁸ Pakainom nin dakul na arak, nawiwilihan ninda an pakikidorog sa bako nindang agom; boot pa ninda an kasosopgan ki sa onra.

Oseas 4:18 ပူးပေါင်းရင်းမြစ်များ

Genesis 38:24

Pakalihis nin tolong bulan, igwang nag-osip ki Juda, “Nagin maraot na babae an manugang mong si Tamar asin bados siya ngunyan.” Nagboot si Juda, “Iluwas nindo siya asin suloon sagkod na magadan.”

Salmo 47:9

Nagtitiripon an mga prinsipe nin mga banwaan, siring man an banwaan kan Dios ni Abraham. Siya orog na mapangyari ki sa gabos na hukbo; pinakahalangkaw siya sa mga naghahade.

Exodo 23:8

Dai ka mag-ako nin suhol, huli ta an suhol nakakabuta sa tawo asin nakakapadaog sa mga tawong mayong sala.

Jeremias 2:21

Itinanom taka arog sa sarong piling poon nin ubas na hale sa pinakamarahay na banhi. Tano ta nagin saro kang maraot na tinanom, sarong ubas na mayong halaga?

Ezekiel 16:15

“Alagad ginamit mo an saimong kagayonan asin kabantogan tanganing makidorog sa kiisay man na mag-agi.

Oseas 4:10

Makakan kamo kan saindong kahirasan kan mga sakripisyo alagad dai kamo mababasog. Magsasamba kamo sa mga dios-dios, alagad dai kamo makakaigwa nin mga aki, huli ta tinalikodan nindo ako tanganing magsunod sa mga dios-dios.”

Oseas 4:2

Nanunuga sinda alagad dai iyan inootob; nagpuputik sinda, nanggagadan, nanghahabon, asin nagdodorog sa bako nindang agom. Nagdadakul an krimen, asin sunod-sunod an garadanan.

Oseas 9:10

Nagsasabi an Kagurangnan, “Kan manumpongan ko an Israel, nakakaagid iyan sa pakanumpong nin ubas sa desyerto. Kan mahiling ko an saindong mga ginikanan, nakakaagid iyan sa pakahiling kan enot na hinog na bunga nin higera. Alagad kan makaabot sinda sa Bukid nin Peor, nagpoon sinda sa pagsamba ki Baal asin dai nahaloy, nakaarog sinda sa mga makauuyam na mga dios-dios na saindang namotan.

Amos 5:12

Huli ta aram ko an kadakul nindong kasombikalan asin kun gurano kadakula an saindong mga kasalan. Pinapasakitan nindo an mga matanos, minaako kamo nin suhol, saka dai nindo itinatao an deretso kan mga dukha.

Mikas 3:11

An mga pamayo nagpapasuhol bago maghukom, nagpapatandan an mga padi bago magtukdo, asin an mga propeta naghuhula huli sa kwarta—asin gabos sinda nagsasabi na yaon sainda an Kagurangnan. Nagsasabi sinda, “Mayong maraot na maabot sa samo. Yaon sa samo an Kagurangnan.”

Mikas 7:3

Gabos sinda eksperto sa paggibo kan maraot. An mga opisyal saka mga hukom naghahagad nin suhol. Sinasabihan sinda kan mapangyaring tawo kan saiyang kamawotan, asin tarabang sindang minagibo nin plano.

Deuteronomio 16:19

Kaipuhan magin matanos sinda asin dai magpaorog sa kiisay man sa saindang paghukom. Dai sinda dapat na mag-ako nin suhol, huli ta an suhol nakakabuta maski sa mga madonong asin nakakaraot kan mga matanos.

1 Samuel 8:3

Alagad dai sinda nagsunod sa paarog kan saindang ama; boot sana nindang magyaman, kaya nag-ako sinda nin mga suhol asin biniko ninda an katanosan.