Oseas 4:16 - Marahay na Bareta Biblia

¹⁶ An mga taga Israel matatagas an payo siring sa mga mula. Paano ko sinda mapapakakan arog sa mga kordero sa sarong mahiwas na pasabsaban?

Oseas 4:16 ပူးပေါင်းရင်းမြစ်များ

Salmo 78:8

asin tanganing dai sinda makaarog sa saindang mga ginikanan, na sarong matumang asin bakong makinuyog na banwaan; banwaan na bakong masarig an pagtubod sa Dios asin dai nagdanay na maimbod sa saiya.

Isaias 22:18

Pupuroton ka niya siring sa sarong bola dangan itatapok sa sarong mahiwas na daga. Magagadan ka duman sa kataed kan mga karwahe na ipinag-oorgulyo mo kaidto. Saro kang kasosopgan sa harong nin saimong kagurangnan.

Isaias 30:23

Sa panahon na magtanom kamo nin banhi, mapadara nin uran an Kagurangnan asin magkakaigwa nin dakul na sabsabon an saindong mga hayop.

Isaias 5:17

Sa kataed kan nagkagarabang mga syudad, mananabsab an mga kordero asin an mga sadit na kanding.

Jeremias 14:7

Nakimaherak sako an banwaan ko, ‘Maski nagsasaksi an samong mga kasalan tumang samo, tabangi kami, Kagurangnan, siring kan saimong panuga. Kadakul na beses kaming nagtalikod saimo; nagkasala kami saimo.

Jeremias 3:11

Dangan tinaraman ako nin Kagurangnan na maski ngani nagtalikod saiya an Israel, mas nagpahiling ini nin karahayan ki sa Juda.

Jeremias 3:6

Kan panahon ni Hadeng Josias, nagsabi sako an Kagurangnan, “Nahiling mo an ginibo kan Israel, an bakong maimbod na babae? Nagtalikod siya sako, asin sa ibabaw nin lambang halangkaw na bulod saka sa lindong nin lambang berdeng kahoy naggibo siya kan karigsokan kan babaeng maraot.

Jeremias 3:8

Nahiling man kan Juda na sinuhayan ko saka pinahale an Israel huli kan saiyang pagigin bakong maimbod saka pagigin maraot. Alagad dai natakot an Juda, an bakong maimbod na tugang kan Israel. Siya man nagin maraot na babae.

Jeremias 31:18

“Nadangog ko an banwaan nin Israel na mamondong nagsasabi, ‘Kagurangnan, arog kami sa sarong hayop na dai pa minagaro, alagad tinukdoan mo kami na magkuyog. Ibalik mo kami; andam kami na magbalik saimo, an Kagurangnan na samong Dios.

Jeremias 5:6

Kaya gagadanon sinda kan mga leon na hale sa kadlagan; roronoton sinda kan mga lobo na hale sa desyerto, saka maglilibot sa mga banwa ninda an mga leopardo. Kun magluwas an mga tawong idto, roronoton sinda, huli ta kadakul na kan saindang kasalan asin kadakul nang beses na tinalikodan ninda an Dios.

Jeremias 7:24

Alagad dai sinda nagkuyog; dai ninda ako dinangog. Ginibo ninda an lambang ipinapagibo sainda kan matagas saka maraot nindang puso. Orog sindang nagin maraot embes na nagin marahay.

Jeremias 8:5

Banwaan ko, tadaw ta minatalikod kamo sako dangan dai na minabalik? Namugol kamo sa saindong mga dios-dios asin habo kamong magbalik sako.

Oseas 10:11

“Kaidto an Israel nakakaagid sa sarong ogbon na babaeng baka na pinatood sa pagginik. Alagad sasakalan ko an magayon niyang liog para sa mas magabat na trabaho. Dapat na mag-arado an Juda saka magsurod an Israel.

Oseas 11:6

An gera madatong sa saindang syudad asin maraot kan saindang mga trangkahan. Magagadan sa gera an sakong banwaan huli ta ginigibo ninda an hinohona nindang tama.

Oseas 11:7

Boot nindang magsinutil sako. Maagrangay sinda huli kan sakal na pasan ninda, alagad mayo nin siisay man na mahale kaiyan.

Levitico 26:33

Dadarahan ko kamo nin gera, asin iwawarak ko kamo sa mga dayuhan na daga. Mababayaan an sadiri nindong daga dangan magkakagaraba an saindong mga syudad.

Zacarias 7:11

“Alagad habo sindang maghinanyog. Sinerahan ninda an saindang mga isip

1 Samuel 15:11

“Nagbabasol ako ta ginibo kong hade si Saul; tinalikodan niya ako asin sinuhay an sakong mga pagboot.” Naanggot si Samuel; bilog na bangging nakimaherak siya sa Kagurangnan.