Oseas 4:12 - Marahay na Bareta Biblia

¹² Minahagad sinda nin kapahayagan sa sarong pedasong kahoy! An sarong sanga an nagsasabi sainda kan boot nindang maaraman! Tinalikodan na ninda ako. Siring sa sarong babae na nagin maraot, idinusay na ninda an saindang sadiri sa mga dios-dios.

Oseas 4:12 ပူးပေါင်းရင်းမြစ်များ

2 Mga Hade 17:7

Nangyari ini sa Samaria huli ta an mga Israelita nagkasala sa Kagurangnan na saindang Dios, na nagligtas sainda sa hade nin Egipto asin nagdara sainda sa luwas kan Egipto. Nagsamba sinda sa mga dios-dios,

2 Mga Cronica 21:13

kundi inarog mo an maraot na ginibo kan mga hade nin Israel asin pinangenotan mo an mga banwaan nin Juda saka nin Jerusalem sa pagsombikal sako, siring na an Israel pinangenotan ni Ahab asin kan saiyang mga kasalihid sa pagsombikal sako patin ginadan mo an saimong mga tugang na lalaki na mas marahay ki sa saimo,

Salmo 106:39

Nagin maati sinda huli kan saindang mga gibo, asin nagtalikod sinda sa Dios.

Salmo 73:27

Magagadan nanggad an mga harayo saimo; ginagadan mo an mga bakong maimbod saimo.

Jeremias 10:8

Gabos sinda mangmang saka lolong. Ano an naaadalan ninda sa kahoy na mga dios?

Jeremias 2:27

Sosopogon kamo gabos—kamong nagsasabi na sarong kahoy an saindong ama saka sarong gapo an saindong ina. Mangyayari ini huli ta nagtalikod kamo sako embes na magdolok. Alagad kun kamo nasa kasakitan, pinapakiolayan nindo akong magdiyan saka iligtas kamo.

Jeremias 23:13

Nahiling ko an kasalan kan mga propeta nin Samaria: nagpropesiya sinda sa ngaran ni Baal asin linagalag ninda an sakong banwaan.

Ezekiel 20:32

Dai nanggad mangyayari an nasa isip nindo—na kamo makaarog sa ibang mga nasyon, sa mga tawong nag-eerok sa ibang lugar asin nagsasamba sa mga kahoy saka sa mga gapo.

Ezekiel 21:21

An hade nin Babilonia nagtitindog sa may poste sa pinagsasangahan kan dalan. Tanganing maaraman niya kun arin na dalan an saiyang aagihan, hinihiro niya an mga bosog, nakikihumapot siya sa saiyang mga dios-dios, asin sinisiyasat an apdo kan sarong hayop na isinakripisyo.

Oseas 14:3

Dai nanggad kami ikakaligtas nin Asiria, asin dai man kami matatabangan kan mga kabayong panggera. Dai na nanggad kami masabi sa samong mga dios-dios na sinda an samong Dios. Huli ta sa saimo, Kagurangnan, nakakakua nin pagkaherak an mga ilo.”

Oseas 5:4

An karatan na ginibo kan mga tawo iyo an nakakaolang sainda sa pagbalik ninda sa Dios. Huli ta an epiritu nin pakikipagdorogan yaon sa sainda asin dai ninda midbid an Kagurangnan.

Oseas 6:10

May nahiling akong mangirhat na bagay sa Israel; dinigtaan kan sakong banwaan an saindang sadiri huli sa pagsamba sa mga dios-dios.

Oseas 9:1

Banwaan nin Israel, ontoka an sa paganong pagselebrar nindo kan saindong pyesta. Tinalikodan nindo an saindong Dios asin dai kamo nagin maimbod saiya. Nakalakop kamo sa daga sa pagpabakal kan saindong sadiri sa dios na si Baal; arog kamo sa mga maraot na babae asin namotan nindo an trigo na sa paghona nindo ibinayad niya saindo!

Levitico 17:7

Kaya dai na nanggad sinda magbubuno nin mga hayop sa kaawagan bilang dolot sa mga demonyo. Kaipuhan kuyogon kan mga Israelita an pagsusundon na ini sagkod lamang.

Levitico 20:5

ako mismo an mapadusa saiya asin sa saiyang pamilya patin sa gabos na nakisumaro saiya sa pagtalikod sako tanganing sambahon si Molec. Dai ko sinda ibibilang na kaayon sa sakuyang banwaan.

Mikas 2:11

“Mawot kan mga tawong ini an propetang naglilibot, na mahambog saka madaya asin nagsasabing, ‘Hinuhulaan kong mabulos an arak saka makosog na inomon para sa saindo.’

Habakkuk 2:19

Herak man saindo na nagsasabi sa sarong pedaso nin kahoy, “Pagmata!” o sa sarong dakulang gapo, “Tindog!” Igwa daw nin ikakapahayag saindo an sarong dios-dios? Pwedeng patoson iyan nin plata o bulawan, alagad mayo iyan nin buhay.

Mga Bilang 15:39

An mga kordon magigin mga pagiromdom, kaya sa panahon na mahiling nindo iyan, magigiromdoman nindo an gabos kong pagboot asin makuyog kamo kaiyan; dangan dai na kamo matalikod sako patin dai na kamo magibo kan gabos nindong magustohan.

Deuteronomio 31:16

Dangan nagtaram an Kagurangnan ki Moises, “Madali ka nang magadan; pagkagadan mo, masamba an banwaan na ini sa mga dios-dios sa dagang lalaogon ninda. Tatalikodan ninda ako asin lalapason an tipan na ginibo ko sainda.

Hukom 18:5

Nagsabi sinda saiya, “Pakihapot man sa Dios kun magigin marahay an lakaw ming ini.”