Oseas 4:11 - Marahay na Bareta Biblia

¹¹ Nagsasabi an Kagurangnan, “An arak, daan man o bago, iyo an naghahale kan pakasabot kan sakong banwaan!

Oseas 4:11 ပူးပေါင်းရင်းမြစ်များ

Mga Talinhaga 20:1

An arak mayo nin karahayan na itinatao sa tawo; asin kamangmangan an magpakaburat sa arak.

Mga Talinhaga 31:4

Lemuel, an mga hade dai dapat na mag-inom nin arak, ni magmawot nin makosog na inomon.

Mga Talinhaga 6:32

An nakikidorog sa bakong agom mayo nin marahay na kaisipan; rinaraot man sana niya an saiyang sadiri.

Parahulit 7:7

Kun an sarong madonong nang-aapi sa iba, siya minagibo kan sa lolong. Kun an sarong tawo mag-ako nin suhol nagigin marompot an saiyang isip.

Isaias 28:7

Burat an mga propeta saka mga padi, kaya nagsasayasay sinda. Nagkakadarasmag sinda sa karibongan huli ta dakul an nainom nindang arak. Sobra an kaburatan kan mga propeta tanganing masabotan ninda an ipinadarang mga bisyon nin Dios. Siring man an mga padi; dai na sinda nakakahatol kan mga kaso na dinadara sainda.

Isaias 5:12

Igwa sindang lira saka arpa, tamborin, plawta, asin arak sa saindang mga pyesta; alagad dai ninda nasasabotan an mga ginigibo nin Kagurangnan.

Jeremias 23:13

Nahiling ko an kasalan kan mga propeta nin Samaria: nagpropesiya sinda sa ngaran ni Baal asin linagalag ninda an sakong banwaan.

Oseas 4:12

Minahagad sinda nin kapahayagan sa sarong pedasong kahoy! An sarong sanga an nagsasabi sainda kan boot nindang maaraman! Tinalikodan na ninda ako. Siring sa sarong babae na nagin maraot, idinusay na ninda an saindang sadiri sa mga dios-dios.

Oseas 5:4

An karatan na ginibo kan mga tawo iyo an nakakaolang sainda sa pagbalik ninda sa Dios. Huli ta an epiritu nin pakikipagdorogan yaon sa sainda asin dai ninda midbid an Kagurangnan.

Oseas 7:11

Nakakaarog sinda sa sarong salampati, mangmang asin mayong pakasabot; pakatapos na magpatabang sinda sa Egipto, nagduman sinda sa Asiria!

Levitico 10:9

“Dai ka nanggad maglaog sa Tabernakulo ni an saimong mga aki, kun kamo nakainom nin arak o maisog na inomon; sa oras na gibohon nindo iyan, magagadan kamo. Saro ining pagsusundon na ootobon nindo sa gabos na henerasyon.

Lukas 21:34

“Mag-ingat kamo ta tibaad malugom kamo sa karakanan, irinoman, saka sa kahaditan kan buhay na ini, asin biglang umabot saindo an Aldaw na iyan siring sa sarong siod;

1 Samuel 25:36

Nagbalik si Abigail ki Nabal, na nagbabangkete sa saiyang harong, sarong bangkete na maninigo sa sarong hade. Burat na si Nabal asin maogma nin marahay, kaya dai siya inosipan ni Abigail sagkod kan sunod na aldaw.