Oseas 3:4 - Marahay na Bareta Biblia

⁴ Sa siring na kamugtakan, mamumuhay na mayo nin mga hade o lider an mga Israelita; mayo nin mga sakripisyo o banal na mga hariging gapo, mayong mga dios-dios o mga ladawan na gagamiton sa pag-aram kan dai pa nangyayari.

Oseas 3:4 ပူးပေါင်းရင်းမြစ်များ

Genesis 31:19

Mayo duman si Laban huli ta ginuguntingan niya an saiyang mga karnero, kaya nahabon ni Rachel an saiyang mga dios-dios.

Genesis 31:34

Kinua na palan ni Rachel an mga dios-dios ni Laban, itinago sa kamadero kan kamelyo asin tinukawan an mga ini. Naghanap si Laban kan saiyang mga dios-dios sa bilog na tolda, alagad dai niya nakua duman.

Genesis 49:10

Dai mahahale an setro ki Juda, Asin sa mga kapagarakian niya, Sagkod na umabot an kagsadiri kaiyan Asin sa saiya makuyog an mga banwaan.

2 Samuel 6:14

Nagsayaw si David sa atubangan nin Kagurangnan sa bilog niyang kosog; nakasulot siya nin efod na lino.

2 Mga Hade 23:24

Laen pa kaiyan, hinale ni Josias an mga espiritista, an mga parahula, an mga dios-dios asin mga ladawan, dangan an gabos na makauuyam na bagay na nahiling sa daga nin Juda saka sa Jerusalem tanganing maotob an katogonan na nasusurat sa libro na nanumpongan kan halangkaw na padi na si Hilkias duman sa Templo.

2 Mga Cronica 15:2

asin naglakaw siya tanganing sabaton si Hadeng Asa. Dangan sinabihan niya ini, “Dangoga ako Hadeng Asa, asin kamong mga taga Juda saka mga taga Benjamin: An Kagurangnan yaon saindo mantang kamo nasa saiya. Kun hanapon nindo siya, makukua nindo siya; alagad kun talikodan nindo siya, tatalikodan man niya kamo.

Exodo 28:4

Ini an mga gubing na gigibohon ninda: pantahob sa daghan, efod, abito, tunikang may burda, mitra asin habay. Ining mga banal na gubing gigibohon ninda para sa tugang mong si Aaron asin para sa saiyang mga aki tanganing maglingkod sinda sako bilang mga padi.

Exodo 28:6

“Gibohon ninda an efod sa telang lana na kolor asul, purpura asin pula, sa torsidong bulawan, asin sa pinong lino, na binurdahan.

Mga Panambitan 2:9

An mga trangkahan natahoban na kan mga gaba; bari asin ronot na an mga barat kan mga iyan. Nabihag na an hade asin an mga prinsipe; mayo na an Katogonan. An mga propeta dai na nagkakaigwa nin mga bisyon hale sa Kagurangnan.

Ezekiel 19:14

Nasulo an poon kaini; natutong an mga sanga asin mga bunga. An mga sanga dai na nanggad magigin makosog, dai na nanggad magigin mga setro nin hade. Saro ining awit nin panambitan; danay ining inaawit.

Ezekiel 20:32

Dai nanggad mangyayari an nasa isip nindo—na kamo makaarog sa ibang mga nasyon, sa mga tawong nag-eerok sa ibang lugar asin nagsasamba sa mga kahoy saka sa mga gapo.

Ezekiel 21:21

An hade nin Babilonia nagtitindog sa may poste sa pinagsasangahan kan dalan. Tanganing maaraman niya kun arin na dalan an saiyang aagihan, hinihiro niya an mga bosog, nakikihumapot siya sa saiyang mga dios-dios, asin sinisiyasat an apdo kan sarong hayop na isinakripisyo.

Ezekiel 21:31

Mamamatean nindo an sakong kaanggotan kun butasan ko na iyan siring sa naglalaad na kalayo. Itatao ko kamo sa kamot nin maringis na mga tawo, na mga tood sa panggagadan.

Daniel 11:31

An nagkapira kan saiyang soldados madigta kan Templo; oontokon ninda an aroaldaw na pagsakripisyo asin papatindogon an Makangirhat na Katakotan.

Daniel 12:11

“Magpoon sa pagpaontok kan aroaldaw na sakripisyo, na an boot sabihon pagpoon kan Mangirhat na Katakotan, maagi an mil dos syentos nubentang aldaw!

Daniel 9:27

An pamayong iyan magibo nin sarong pusog na tipan sa dakul na banwaan sa laog nin pitong taon, asin kun makalihis na an kabanga kan panahon na iyan, ipapaontok niya an mga pag-atang saka pagdolot. Dangan ibubugtak sa pinakahalangkaw na lugar kan Templo an Makangirhat na Katakotan asin magdadanay iyan duman sagkod na magadan an nagbugtak kaiyan—sarong kagadanan na inandam nin Dios para saiya.”

Oseas 13:10

Naghagad kamo nin hade saka mga lider, alagad paano ninda ikakaligtas an nasyon?

Oseas 13:11

Sa kaanggotan, tinawan ko kamo nin mga hade, asin sa labi-labi kong kaanggotan hinale ko sinda.

Oseas 2:11

Tataposon ko na an saiyang kaogmahan—an saiyang taon-taon saka bulan-bulan na mga pyesta asin an saiyang mga Sabbath—an gabos niyang itinalaan na mga pyesta.

Levitico 8:7

Pakatapos, isinulot niya ki Aaron an tunika, an abito sagkod an habay. Dangan isinulot ni Moises ki Aaron an efod na saiyang ibinugkos sa paagi kan habay na magayon an pakagibo.

Zacarias 10:2

Nakikihumapot an mga tawo sa mga dios-dios saka sa mga parahula, alagad kaputikan asin mayong halagang mga simbag an saindang nakukua. An iba nagpapahayag nin mga pangatorogan, alagad linalagalag sana ninda kamo; mayo nin halaga an itinatao nindang karangahan. Kaya nagkakaralagalag an mga tawo arog sa nawawarang mga karnero. Nagtitios sinda huli ta mayo sinda nin pamayo.

Zacarias 13:2

Sa panahon na iyan, hahaleon ko an ngaran kan mga dios-dios sa daga, asin mayo nang makakagiromdom sa sainda. Gagadanon ko an siisay man na nagsasabing saro siyang propeta, asin hahaleon ko an pagmawot na magsamba sa mga dios-dios.

Lukas 21:24

An iba magagadan sa gera, asin an iba dadarahon bilang mga bihag sa gabos na nasyon; rurumpagon kan mga pagano an Jerusalem sagkod na maotob an panahon ninda.

Juan 19:15

Alagad nagkurahaw sinda, “Gadanon siya! Gadanon siya! Ipako siya sa krus!” Hinapot sinda ni Pilato, “Boot nindong ipako ko sa krus an saindong hade?” Nagsimbag an mga poon na padi, “Mayo kami nin ibang hade kundi si Cesar!”

Hebreyo 10:26

Huli ta kun padagos kita sa tuyong pagkakasala pakatapos na mamidbidan ta an katotoohan, mayo na nin anoman na sakripisyo na makakahale kan satong mga kasalan.

Hukom 17:5

Igwa si Micas nin sadiring lugar na pagsasambahan. Guminibo siya nin iba pang dios-dios asin efod, dangan ginibo niyang padi an saro kan mga aki niyang lalaki.

Hukom 18:14

Dangan an limang espiya na nagsiyasat kan daga sa palibot nin Lais, nagsabi sa saindang kairiba, “Aram nindo, an saro kan mga harong digdi igwa nin dios-dios na gibo sa kahoy na napapatos nin plata asin iba pang dios-dios patin sarong efod. Ano sa paghona nindo an dapat tang gibohon?”

Hukom 8:27

Guminibo si Gideon nin sarong bulawan na estatwa asin ibinugtak niya idto sa sadiri niyang banwa, sa Ofra. Tinalikodan an Dios kan mga Israelita asin sinamba ninda an estatwa. Iyo ini an nagin siod para ki Gideon asin kan saiyang pamilya.

1 Samuel 14:3

(An pading nagsusulot kan efod iyo si Ahias, na aking lalaki ni Ahitub na tugang ni Ikabod, na aki ni Finehas asin makoapo ni Eli, na padi nin Kagurangnan sa Shilo.) Dai naaraman kan saindang pag-iriba na naghale si Jonatan.

1 Samuel 15:23

Huli ta an pagrebelde arog sa kasalan nin panghuhula; an katagasan nin payo arog sa kasombikalan asin sa pagsamba sa ladawan. Huli ta sinayumahan mo an pagboot nin Kagurangnan, isinikwal ka man niya bilang hade.”

1 Samuel 2:18

Padagos man na naglilingkod kaidto si Samuel sa Kagurangnan, sulot an sarong linong efod.

1 Samuel 21:9

Nagsimbag si Ahimelec, “Uya digdi an espada ni Goliat na Filisteo, na saimong ginadan sa Kapantayan nin Ela; yaon sa likod kan efod, napapatos nin yamit. Kun boot mo, daraha; huli ta iyo sana iyan an armas digdi.” “Tawan sako,” an simbag ni David. “Mayo nang maorog pang espada saen man na lugar, ki sa espadang iyan.”

1 Samuel 22:18

Kaya sinabihan ni Saul si Doeg, “Gadana sinda!” Asin ginadan sinda gabos ni Doeg; kan aldaw na idto, ginadan niya an otsenta y singkong padi na anas maninigong magsulot kan efod.

1 Samuel 23:6

Kan magdulag pasiring ki David si Abiatar na aking lalaki ni Ahimelec, dara niya an efod.

1 Samuel 23:9

Kan maaraman ni David na nagpaplanong salakayon siya ni Saul, sinabihan niya an pading si Abiatar, “Daraha digdi an efod.”

1 Samuel 30:7

Sinabihan ni David an padi na si Abiatar, na aking lalaki ni Ahimelec, “Daraha sako an efod.” Kaya dinara ni Abiatar saiya an efod.