Oseas 3:1 - Marahay na Bareta Biblia

¹ Sinabihan ako nin Kagurangnan, “Lakaw giraray asin pahilingan an saimong pagkamoot sa sarong babaeng nagpapasambay. Kaipuhan na mamotan mo siya siring na namomotan ko pa an banwaan nin Israel, maski nagsasamba na sinda sa mga dios-dios asin namomoot na magdara nin mga dolot na pasas sa mga ladawan.”

Oseas 3:1 ပူးပေါင်းရင်းမြစ်များ

2 Samuel 6:19

asin tinawan niya an lambang lalaki saka babae nin sarong pedasong tinapay, sarong pedasong karne saka mga pasas. Dangan an lambang saro nagpuli sa saiyang harong.

2 Mga Hade 13:23

alagad nagin maboot asin maheherakon sainda an Kagurangnan. Dai nagtugot an Kagurangnan na magadan sinda, kundi tinabangan niya sinda huli kan saiyang tipan ki Abraham, ki Isaac, asin ki Jacob. Dai niya nalingawan an saiyang banwaan.

1 Mga Cronica 16:3

dangan an lambang lalaki saka babae tinawan niya nin sarong pedasong tinapay, sarong pedasong karne saka mga pasas.

Nehemias 9:31

Alagad sa dakula mong pagkaherak, dai mo sinda tinunaw o pinabayaan; huli ta ika sarong maugayon asin maheherakon na Dios!

Salmo 123:2

Siring na an sorogoon naghihiling sa saiyang kagurangnan, siring na an babaeng sorogoon naghihiling sa saiyang babaeng kagurangnan, kami man naghihiling saimo, Kagurangnan nyamong Dios, sagkod na maherak ka sa samo.

Exodo 32:6

Sunod na aldaw, nagmaratang amay an mga tawo asin nagdorolot nin mga tinutong na atang. Nagdarara man sinda nin mga atang para sa katoninongan. Nagturukaw sinda tanganing magkarakan asin mag-irinom; an saindang pyesta natapos sa bururatan asin dororogan.

Awit nin mga Awit 2:5

Balikan an sakong kosog huli sa mga pasas; pakosoga ako huli sa mga mansanas! Nanluluya ako huli sa sobrang pagkamoot.

Isaias 45:22

“Madya kamo sako ngunyan asin makakaligtas kamo, mga tawo sa bilog na daga! Huli ta ako an Dios, asin pwera sako mayo na nin ibang dios.

Jeremias 3:20

Alagad arog sa bakong maimbod na agom, dai ka nagin maimbod sako. Ako, an Kagurangnan, an nagtaram.”

Jeremias 31:20

“Israel, ika an aki kong namomotan, an aki na sakong nawiwilihan. Kun nasasambit ko an saimong ngaran, ginigiromdom taka na may pagkamoot. Hinihidaw taka kaya maheherakan taka.

Oseas 11:8

“Mapapabayaan taka daw, O Israel? Matitios ko daw na bayaan ka? Pwede daw na raoton taka siring kan ginibo ko sa Adma, o gibohon saimo an ginibo ko sa Zeboiim? Dai minatugot an sakong puso na gibohon ko iyan! Dakula nin marahay an sakong pagkamoot saimo.

Oseas 4:11

Nagsasabi an Kagurangnan, “An arak, daan man o bago, iyo an naghahale kan pakasabot kan sakong banwaan!

Oseas 7:5

An hade saka an mga opisyal kaini binurat ninda asin pinangagin mga lolong huli sa arak kan magselebrar an hade kan saiyang kaaldawan.

Amos 2:8

Sa gabos na lugar na pagsasambahan, nagkakatorog an kalalakihan sa gubing na sangra kan dukhang may utang sainda. Sa templo nin saindang Dios, nag-iinom sinda kan arak na saindang kinua sa mga may utang sainda.

Amos 6:6

Ginalon na arak an iniinom nindo asin mamahalon na mga pahamot an ginagamit nindo, alagad dai nindo ipinagmomondo an pagkarumpag nin Israel.

Mikas 7:7

Alagad maghahalat ako sa Kagurangnan; padagos akong maglalaom sa Dios na maligtas sako. Dadangogon ako kan sakong Dios.

Zacarias 1:16

Kaya nagbalik ako sa Jerusalem tanganing pahilingan nin pagkaherak an syudad. Papakarahayon giraray an sakong Templo asin papatindogon man an syudad.”

Mateo 26:50

Nagsabi si Jesus, “Katood, tadaw ta uya ka digdi?” Dangan dinaguso si Jesus kan mga tawo, dinakop asin pinugolan nin maigot.

1 Corinto 10:21

Dai kamo pwedeng mag-inom sa kalis nin Kagurangnan asin sa kalis kan mga demonyo; dai man kamo pwedeng magkakan sa lamesa nin Kagurangnan asin sa lamesa kan mga demonyo.

1 Corinto 10:7

Kaya dai kamo magsamba sa mga dios-dios, arog kan ginibo kan iba sainda, siring sa nasusurat, “An mga tawo nagturukaw tanganing magkarakanan asin mag-irinoman; an saindang pyesta nagtapos sa bururatan asin dororogan.”

1 Pedro 4:3

Kanigoan nang panahon an ginamit nindo kaidto sa paggibo kan ginigibo kan mga pagano. Namuhay kamo sa karigsokan, sa mga kamawotan nin laman, sa bururatan, sa sobrang karakanan, sa irinoman asin sa pagsamba sa mga ipinangangalad na dios-dios.

Hukom 10:16

Kaya hinarale ninda an saindang dayuhan na mga dios asin nagsamba sa Kagurangnan. Huli kaini, naherak giraray an Kagurangnan sa kamugtakan nin Israel.

Hukom 9:27

Nagduman sinda gabos sa saindang mga ubasan, nagguno nin ubas asin ginibo nindang arak dangan nagpyesta sinda. Nagduman sinda sa templo kan saindang dios-dios saen nagkarakan sinda asin nag-irinom, patin linibak ninda si Abimelec.