Oseas 2:7 - Marahay na Bareta Biblia

⁷ Lalamagon niya an mga namomoot saiya alagad dai niya maaabotan. Hahanapon niya sinda alagad dai niya makukua. Dangan masabi siya, “Mabalik ako sa enot kong agom—mas marahay pa an kamugtakan ko kaidto sa kaibahan niya ki sa ngunyan.”

Oseas 2:7 ပူးပေါင်းရင်းမြစ်များ

2 Mga Cronica 28:23

Nagdolot siya nin sakripisyo sa mga dios kan mga Siro, na nakadaog saiya, asin nagsabi, “Tinabangan kan mga dios-dios nin Siria an mga hade nin Siria, kaya kun magdolot man ako sainda nin sakripisyo, pwedeng tabangan man ninda ako.” Ini an nagdara nin karatan sa saiya asin sa bilog na Israel.

Salmo 116:7

Pagbalik, O kalag ko, sa saimong kapahingaloan; huli ta nagin marahayon sa saimo an Kagurangnan.

Isaias 30:16

Kundi boot pa nindong magdulag sa saindong mga kaiwal sa paagi nin pagsakay sa maririkas na kabayo. Tama kamo—an pagdulag iyo mananggad an kaipuhan na gibohon nindo! Naghohona kamong marikas na an saindong mga kabayo, alagad mas marikas an mga kabayo kan mga naglalamag saindo!

Jeremias 14:22

Dai nakakapagpauran an mga dios-dios kan mga nasyon; maski na an langit dai nakakapahulog nin uran. Ibinubugtak mi saimo an samong paglaom, O Kagurangnan na samong Dios, huli ta ika an naggigibo kaini gabos.

Jeremias 2:2

na ipahayag an mensaheng ini sa lambang saro sa Jerusalem. “Nagigiromdoman ko an saimong pagkamaimbod kan ika hoben pa, an saimong pagkamoot sako kan bago kitang kasalon; nagsunod ka sako sa kalangtadan, sa sarong daga na mayo nin maski anong tinanom.

Jeremias 2:28

“Haen an saindong mga dios-dios na ginibo nindo? Sa saindong kasakitan magpatabang kamo sainda—kun kaya ninda! Juda, an saimong mga dios-dios arog kadakul kan saimong mga syudad.

Jeremias 2:36

Hinalean mo nin halaga an saimong sadiri huli sa pagsunod sa mga dios-dios kan ibang mga nasyon. Sosopogon ka kan Egipto, siring kan ginibo saimo kan Asiria.

Jeremias 3:1

Nagsasabi an Kagurangnan, “Kun an sarong babae suhayan kan saiyang agom, dangan magpaagom siya sa ibang lalaki, dai na siya aakoon kan enot niyang agom. Ini an madigta kan daga. Israel, kadakul kan saimong sambay, alagad boot mo ngunyan na magbalik sako!

Jeremias 31:18

“Nadangog ko an banwaan nin Israel na mamondong nagsasabi, ‘Kagurangnan, arog kami sa sarong hayop na dai pa minagaro, alagad tinukdoan mo kami na magkuyog. Ibalik mo kami; andam kami na magbalik saimo, an Kagurangnan na samong Dios.

Jeremias 31:32

Bako iyan arog kan tipan na ginibo ko sa saindang mga ginikanan kan kabiton ko sinda saka giyahan paluwas sa Egipto. Maski ako nagin arog sa sarong agom na lalaki sa sainda, dai ninda kinuyog an tipan na idto.

Jeremias 44:17

Gigibohon mi an samong mga ipinanuga. Magtututong kami nin insenso sa reyna nin langit, saka mag-uula kami nin mga dolot na arak para saiya, arog kan dati nyamong ginigibo asin kan samong mga ginikanan, kan samong hade saka mga lider, sa mga banwa sa Juda asin sa mga tinampo nin Jerusalem. Kadakul kaidto kan samong pagkakan, mauswag kami asin mayo nin nag-abot samong kasakitan.

Ezekiel 16:18

Kinua mo an binurdahan na mga gubing na itinao ko dangan isinulot mo sa mga dios-dios. An lana nin oliba asin an insenso na itinao ko inatang mo sa mga dios-dios.

Ezekiel 16:8

“Pag-agi ko giraray, nahiling kong panahon na tanganing mamoot ka. Tinahoban ko kan sakong alikboy an huba mong hawak, saka nanuga akong mamomotan taka. Nakipagtipan ako saimo kaya nagin sadiri taka.” Ini an tataramon nin Kagurangnan Dios.

Ezekiel 20:32

Dai nanggad mangyayari an nasa isip nindo—na kamo makaarog sa ibang mga nasyon, sa mga tawong nag-eerok sa ibang lugar asin nagsasamba sa mga kahoy saka sa mga gapo.

Ezekiel 23:12

Pano man siya nin marompot na kamawotan para sa mga taga Asiria, mga gobernador saka mga halangkaw na opisyal, mga soldados na armado para sa gera, mga gwapong opisyal na nangangabayo.

Ezekiel 23:22

“Kaya ngunyan, Oholiba, iyo ini an itinataram ko saimo, ako, an Kagurangnan Dios. Habo ka na kan saimong mga kadorogan, alagad papaanggoton ko sinda saimo asin dadarahon ko sinda tanganing palibotan ka.

Ezekiel 23:4

An ngaran kan matua Ohola, asin Oholiba an ngaran kan ngohod. (Si Ohola iyo an minarepresentar kan Samaria, asin si Oholiba, kan Jerusalem.) Inagom ko sindang duwa asin nagkaigwa ako nin mga aking lalaki saka babae.

Daniel 4:17

Iyo ini an desisyon kan andam na nagbabantay na mga anghel. Kaya paaraman nindo sa gabos na banwaan saen man na lugar na an Kahorohalangkaweng Dios igwa nin kapangyarihan sa mga kahadean nin tawo asin siya an pwedeng magtao kan mga iyan sa saiyang mapili—maski sa mga pinakasadit na tawo.’

Daniel 4:25

Papahaleon ka sa tahaw nin mga tawo asin mag-eerok ka kaiba kan mga lalaw na hayop. Sa laog nin pitong taon, doot an saimong kakakanon siring sa sarong baka, asin madudumog ka kan ambon, huli ta magkakatorog ka sa kaomahan. Dangan aakoon mo na an Kahorohalangkaweng Dios iyo an naghahade sa gabos na kahadean nin tawo, asin na itinatao an mga iyan sa kiisay man na saiyang mapili.

Daniel 4:32

Papahaleon ka sa tahaw nin mga tawo asin mag-eerok ka kaiba kan mga lalaw na hayop. Sa laog nin pitong taon, doot an saimong kakakanon siring sa sarong baka. Dangan aakoon mo na may kapangyarihan sa mga kahadean nin tawo an Kahorohalangkaweng Dios asin na itinatao niya an mga iyan sa saiyang mapili.”

Daniel 5:21

Pinahale siya sa tahaw nin mga tawo, asin nagin siring sa hayop an saiyang kaisipan. Namuhay siya kaiba kan mga lalaw na asno, nagkakan nin doot siring sa baka, asin nagkatorog sa kaomahan na mayo nin nakakatahob saiya sa paghugpa kan ambon. Sa kahuri-hurihi, inako niya na an Kahorohalangkaweng Dios iyo an naghahade sa gabos na kahadean nin tawo asin na pwedeng itao an mga iyan sa kiisay man na saiyang mapili.

Oseas 1:2

Kan an Kagurangnan enot na magtaram sa Israel sa paagi ni Oseas, sinabihan niya ini, “Lakaw dangan mag-agom ka; an agom mo magigin bakong maimbod saimo, asin an mga aki mo magigin arog man saiya. Sa parehong paagi binayaan ako kan sakong banwaan asin dai sinda nagin maimbod sako.”

Oseas 13:6

Alagad kan makalaog kamo sa marahay na daga asin magkabarasog kamo, nagin mapaabaw-abaw kamo dangan nalingawan nindo ako.

Oseas 14:1

Magbalik kamo sa Kagurangnan na saindong Dios, O banwaan nin Israel. An saindong kasalan iyo an nakapatumba saindo.

Oseas 2:16

Dangan aapodon niya giraray ako na saiyang agom—dai na niya nanggad ako aapodon na saiyang Baal.

Oseas 5:13

“Kan mamatean nin Israel an saiyang helang, asin kan mahiling nin Juda an sadiri niyang mga lugad, nagduman an Israel sa Asiria sa paghahagad nin tabang sa emperador, alagad dai niya kayang paomayan an Israel o bolongon an lugad nin Juda.

Oseas 5:15

“Papabayaan ko an sakong banwaan sagkod na magtios sinda kan maninigo para sa saindang kasalan asin hanapon ninda ako. Tibaad sa saindang pagtios, hingowahon nindang hanapon ako.”