Oseas 2:6 - Marahay na Bareta Biblia

⁶ Kaya kukudalon ko siya nin matonok na mga tinanom asin matugdok ako nin kudal na maolang kan saiyang agihan.

Oseas 2:6 ပူးပေါင်းရင်းမြစ်များ

An Libro ni Job 19:8

Sinerahan nin Dios an dalan, asin dai ako nakakaagi; tinahoban niya nin kadikloman an sakong agihan.

An Libro ni Job 3:23

Tadaw ta itinatao an liwanag sa tawong an dalan natatago, dalan na sinerahan nin Dios?

Isaias 57:3

Alagad madya digdi, kamo na mga parakasala! Dai kamong kalaenan sa mga parakulam, mga parasambay asin mga maraot na babae.

Jeremias 18:15

Alagad liningawan ako kan sakong banwaan; nagtututong sinda nin insenso sa mga dios-dios. Nagkadarapa sinda sa dalan na dapat nindang lakawan; dai na ninda sinusunod an dating mga agihan; naglalakaw sinda sa mga dalan na dai pa pinag-aagihan.

Oseas 10:8

Magkakagaraba an mga lugar na pagsasambahan sa kabubuldan nin Aven, saen nagsasamba nin mga dios-dios an banwaan nin Israel. Matalubo sa mga altar ninda an mga tonok saka doot. Maapod an mga tawo sa mga bukid, “Tagoa kami!” asin sa mga bulod, “Tahobi kami!”

Oseas 9:6

Kun mag-abot an kasakitan asin mawarak an banwaan, titiponon sinda kan mga taga Egipto tanganing ilubong duman sa Memfis! An mga lugar na natutugdokan kan saindang mga harong saka an mga mahalagang bagay ninda na gibo sa plata tataluboan nin doot asin binit.

Lukas 19:43

Huli ta maabot an panahon na papalibotan ka nin mga olang kan mga kaiwal mo, tatalikopan ka ninda asin lalaomon.

2 Corinto 12:7

Alagad tanganing dai magdakula an sakong payo huli sa mga nahiling kong mga makangangalas na bagay, tinawan ako nin tiunay sa hawak bilang sugo ni Satanas, tanganing patioson ako asin dai ako magin mapaabaw-abaw.