Oseas 2:21 - Marahay na Bareta Biblia

^21-22 Sa panahon na iyan sisimbagon ko an mga pamibi kan sakong banwaan na Israel. Pahuhugpaon ko an uran sa daga dangan mamumunga iyan nin trigo, ubas asin oliba.

Oseas 2:21 ပူးပေါင်းရင်းမြစ်များ

Isaias 55:10

“An sakong tataramon siring sa nyebe saka sa uran, na naghuhugpa hale sa langit, nganing biribihon an daga. Pinapatalubo ninda an mga tinanom, na minatao nin banhi na isasabwag asin minatao nin pagkakan.

Isaias 62:4

Dai ka na nanggad aapodon “Pinabayaan,” o aapodon an saimong daga na “Babaeng Sinuhayan.” “An Dios Nawiwili Saiya,” an saimong magigin bagong ngaran. An saimong daga aapodon “Maogmang Pag-inagoman,” huli ta nawilihan ka nin Kagurangnan asin makakaagid siya sa agom na lalaki kan saimong daga.

Isaias 62:5

Siring sa sarong hoben na lalaking minaagom nin sarong birhen, aagomon ka kan naglalang saimo. Siring na naoogma an lalaki sa saiyang agom, maoogma man an Dios sa saimo.

Isaias 65:24

Maski dai pa sinda nakakatapos kan pagpamibi, sisimbagon ko na sinda.

Ezekiel 36:29

Ililigtas ko kamo sa gabos na nakakadigta saindo. Pagbobotan ko an trigo na magdakul, tanganing dai na nanggad kamo magkaigwa nin gutom.

Oseas 14:7

Mabalik sinda asin mag-eerok sa lindong kan sakong pangataman. Mamumurak sinda arog sa sarong tatamnan, mamumunga siring sa sarong poon nin ubas, asin an hamot ninda magigin arog kan arak nin Lebanon.

Joel 2:19

Sinimbag niya sinda: “Ngunyan tatawan ko kamo nin trigo, arak saka lana nin oliba, asin mababasog kamo. Dai na kamo pagtutuyatuyaon kan ibang nasyon.

Zacarias 13:9

Babaloon ko an ikatolong kabtang na matatada dangan lilinigan ko sinda arog kan paglinig kan plata sa paagi nin kalayo. Babaloon ko sinda siring sa pagbalo sa bulawan. Mamimibi sinda sa sako, asin sisimbagon ko sinda. Sasabihan ko sinda na sinda an sakong banwaan, asin ipapahayag ninda na ako an saindang Dios.”

Zacarias 8:12

Matoninong sindang magtatanom. Mamumunga nin ubas an saindang mga balagon, mataralubo sa daga an saindang tinanom, asin magkakaigwa nin tamang uran. Itatao ko an gabos na biyayang ini sa mga natadang namamanwaan sa sakong nasyon.

Zacarias 8:8

dangan ibabalik hale sa sirangan saka solnopan tanganing mag-erok sa Jerusalem. Sinda an magigin banwaan ko, asin ako an magigin Dios ninda, na maimbod saka matanos na mamamayo sainda.

Malakias 3:10

Daraha nindo an bilog na halaga kan saindong mga himoloan sa Templo, tanganing magkaigwa nin dakul na pagkakan duman. Baloa nindo ako asin mahihiling nindo na bubukasan ko an mga bintana nin kalangitan dangan iuula ko sa saindo an nagsusupay na mga marahay na bagay.

Malakias 3:11

Dai ko itutugot na raoton kan mga insekto an saindong mga oma; mamumunga nin dakul an saindong mga balagon nin ubas.

Mateo 6:33

Alagad hanapa ngona nindong enot sa gabos an Kahadean nin Dios saka an saiyang katanosan, asin mapapasaindo man an mga bagay na ini.

Roma 8:32

Kun dai niya ngani ipinangalad an saiyang sadiring Aki, kundi itinao niya para sato gabos, an gabos na bagay pa daw an dai niya itao sato kaiba kan saiyang Aki?