Oseas 2:20 - Marahay na Bareta Biblia

²⁰ Ootobon ko an sakong panuga asin mapapasako ka, patin aakoon mo ako bilang saimong Kagurangnan.

Oseas 2:20 ပူးပေါင်းရင်းမြစ်များ

Genesis 9:10

asin sa gabos na may buhay—sa gabos na gamgam asin hayop—sa gabos na kaibahan nindo na nagruluwas sa arka.

Isaias 2:4

Huhukoman niya an darakulang nasyon. Pupulpogon ninda an saindang mga espada na magin mga arado, asin an saindang mga garod na magin mga pantakras na kutsilyo; mayo nang nasyon na magamit nin espada laban sa kapwa ninda nasyon. Dai na sinda mag-aandam sa pakilaban sagkod pa man.

Isaias 62:4

Dai ka na nanggad aapodon “Pinabayaan,” o aapodon an saimong daga na “Babaeng Sinuhayan.” “An Dios Nawiwili Saiya,” an saimong magigin bagong ngaran. An saimong daga aapodon “Maogmang Pag-inagoman,” huli ta nawilihan ka nin Kagurangnan asin makakaagid siya sa agom na lalaki kan saimong daga.

Jeremias 24:7

Itatao ko sainda an pusong mag-aako na ako iyo an Kagurangnan. Dangan magigin banwaan ko sinda, asin ako an magigin Dios ninda, huli ta mabalik sinda sako sa bilog nindang puso.

Jeremias 30:10

“Banwaan ko, dai kamo matakot; mga taga Israel, dai kamo makubhanan. Ililigtas ko kamo hale sa harayong daga na iyan, hale sa daga na pinagbilanggoan saindo. Mapuli kamo saka mamumuhay sa katoninongan; magigin matiwasay kamo, asin mayong mapatakot saindo.

Jeremias 32:41

Ikakaogma ko an paggibo nin marahay na mga bagay para sainda, saka papagdanayon ko sindang pusog sa dagang ini.

Jeremias 9:24

Kun may boot mag-orgulyo, ipag-orgulyo niya na namimidbidan asin nasasabotan niya ako, huli ta nagdadanay an sakong pagkamoot, saka ginigibo ko an tama asin matanos. Iyan an mga bagay na nawiwilihan ko. Ako, an Kagurangnan, an nagtaram.”

Ezekiel 16:62

Babagohon ko an tipan ko saimo dangan maaraman mo na ako an Kagurangnan.

Ezekiel 16:8

“Pag-agi ko giraray, nahiling kong panahon na tanganing mamoot ka. Tinahoban ko kan sakong alikboy an huba mong hawak, saka nanuga akong mamomotan taka. Nakipagtipan ako saimo kaya nagin sadiri taka.” Ini an tataramon nin Kagurangnan Dios.

Ezekiel 34:25

Makikipagtipan ako sainda nin sarong tipan nin katoninongan asin hahaleon ko an mga lalaw na hayop sa daga, tanganing an sakong mga karnero matiwasay na mag-erok sa kaomahan asin magkatorog sa mga kadlagan.

Ezekiel 34:27

An mga kahoy mamumunga, an kaomahan matao nin ani, asin an lambang saro matiwasay na mag-eerok sa sadiri niyang daga. Kun putolon ko na an mga kadena nin sakong banwaan asin patalingkason ko na sinda sa mga nag-oripon sainda, dangan maaaraman ninda na ako an Kagurangnan.

Ezekiel 38:23

Sa paaging ini ipapahiling ko sa gabos na nasyon na ako dakula asin banal. Maaaraman ninda na ako an Kagurangnan.”

Oseas 13:4

Nagsasabi an Kagurangnan, “Ako an Kagurangnan na saindong Dios, na nangenot saindo paluwas sa Egipto. Mayo kamo nin ibang Dios kundi ako sana. Ako sana an saindong paraligtas.

Oseas 2:19

Israel, ika an sakong magigin agom; magigin tunay saka maimbod ako saimo; ipapahiling ko saimo an danay na pagkamoot saka pagkaherak asin magigin sadiri taka sagkod pa man.

Oseas 6:6

Mawot ko an danay nindong pagkamoot, bakong an isinasakripisyo nindong mga hayop. Mas boot ko pang mamidbidan ako kan sakong banwaan ki sa magtutong sinda nin mga atang para sako.

Levitico 26:5

Magigin dakul an saindong aanihon, kaya mantang nag-aani pa kamo kan saindong trigo maabot na an panahon na maguno kamo kan ubas asin mantang nagguguno pa kamo kan ubas, maabot na an panahon nin pagsabwag nin trigo. Mapapasaindo an gabos na boot nindong kakanon asin mamumuhay kamong matoninong sa saindong daga.

Levitico 26:6

“Tatawan ko nin katoninongan an daga asin magkakatorog kamo na dai matatakot sa kiisay man. Hahaleon ko an mga maringis na hayop sa daga asin dai na diyan magkakaigwa nin ralaban.

Mikas 4:3

Siya an mahukom sa mga tawo, sa mapangyaring mga nasyon harani man o harayo. Pupulpogon ninda an saindang mga espada tanganing magin mga arado asin an saindang mga garod tanganing magin mga pantakras na kutsilyo. Dai na nanggad sinda mag-aandam para sa pakikilaban.

Zacarias 9:10

Nagtataram an Kagurangnan, “Hahaleon ko an mga panggerang karwahe sa Israel asin an mga kabayo sa Jerusalem; an mga pana na ginagamit sa gera magkakararaot. An saindong hade makikipagtipan nin katoninongan sa mga nasyon; an pagdolonan kan saiyang kahadean mapoon sa dagat sagkod sa saro pang dagat, mapoon sa Salog nin Eufrates sagkod sa mga poro kan kinaban.”

Mateo 11:27

“Itinao sako kan sakong Ama an gabos na bagay. Mayong nakakamidbid sa Aki kundi an Ama sana; mayo man nin nakakamidbid sa Ama kundi an Aki sana, asin an boot kan Aki na pahayagan.

Lukas 10:22

“Itinao sako kan sakong Ama an gabos na bagay. Mayong nakakamidbid sa Aki kundi an Ama sana; mayo man nin nakakamidbid sa Ama kundi an Aki sana asin an boot kan Aking makamidbid sa Ama.”

Juan 17:3

An buhay na daing kataposan iyo ini: na mamidbidan ka ninda, an iyo sanang tunay na Dios, saka si Jesu-Cristo na sinugo mo.

Juan 8:55

Dai nindo siya midbid, alagad midbid ko siya. Kun magsabi akong dai ko siya midbid, magigin akong putikon arog saindo. Alagad midbid ko siya; inootob ko an saiyang tataramon.

2 Corinto 4:6

An Dios na nagsabi, “An ilaw maliwanag hale sa kadikloman!” Iyo man an Dios na nagtao nin liwanag sa puso ta, tanganing mamidbidan an orog pang kamurawayan na nasa lalawogon ni Cristo.

Filipos 3:8

Sa katotoohan an gabos na bagay ibinibilang kong mayo nin halaga, huli kan bagay na pinakamahalaga—an pakamidbid ki Cristo Jesus na sakong Kagurangnan. Huli saiya itinapok ko an gabos na garo basura, tanganing makamtan ko si Cristo,

Colosas 1:10

Dangan makakapamuhay kamo nin maninigo sa Kagurangnan; danay na gigibohon nindo an ikinakaogma niya. An saindong buhay magbubunga nin gabos na gibong karahayan, orog na matalubo an saindong pakaaram dapit sa Dios.

2 Timoteo 1:12

iyan an dahelan kaya nagtitios ako kan mga bagay na ini. Alagad dai ako nasosopog huli ta midbid ko an sakong tinutubod, asin naniniwala ako na iingatan niya sagkod sa huring Aldaw an ipinaniwala niya sakuya.

Hebreyo 8:11

Dai nin siisay man sainda na magtutukdo sa saindang kapwa, o kaipuhan magtaram pa sa saiyang tugang, ‘Midbidon mo an Kagurangnan.’ Huli ta sinda gabos makakamidbid sako, magpoon sa pinakasadit sainda sagkod sa pinakadakula.

1 Juan 4:6

Alagad kita sadiri nin Dios. An siisay man na nakakamidbid sa Dios nagdadangog sato; an siisay man na bakong sadiri nin Dios dai nagdadangog sato. Iyo ini an paagi kun paano ta mamidbid an tunay na espiritu saka an bakong tunay na espiritu.

1 Juan 5:20

Aram man nyato na an Aki nin Dios nagdigdi saka nagtao sato nin pakasabot, nganing mamidbidan ta an totoong Dios. Yaon kita sa totoong Dios, sa saiyang Aki na si Jesu-Cristo. Iyo ini an totoong Dios, asin an buhay na daing kataposan.