Oseas 2:19 - Marahay na Bareta Biblia

¹⁹ Israel, ika an sakong magigin agom; magigin tunay saka maimbod ako saimo; ipapahiling ko saimo an danay na pagkamoot saka pagkaherak asin magigin sadiri taka sagkod pa man.

Oseas 2:19 ပူးပေါင်းရင်းမြစ်များ

Salmo 85:10

An pagkamoot asin an pagkamaimbod magtutuparan; an katanosan asin an katoninongan maghahadokan.

Isaias 1:27

Huli ta matanos an Kagurangnan ililigtas niya an Jerusalem asin an mga nag-eerok diyan na nagbabakle.

Isaias 54:14

Papakosogon ka kan hustisya asin katanosan. Magigin ligtas ka sa nang-aapi asin sa takot.

Isaias 54:5

An saimong Kaglalang magigin siring sa agom mo— Kagurangnan nin mga hukbo an saiyang ngaran. Ililigtas ka kan banal na Dios nin Israel— siya an kagsakop kan bilog na kinaban.

Isaias 54:6

Israel, nakakaarog ka sa sarong hoben na agom, na binayaan kan saiyang agom asin nagmomondo nin makuri. Alagad inaapod ka giraray nin Kagurangnan na nagsasabi:

Jeremias 4:2

magigin matanos an pagsumpa nindo huli sa sakong ngaran. Dangan makikiolay sako an gabos na mga nasyon na bendisyonan ko sinda, asin oomawon ninda ako.”

Ezekiel 16:8

“Pag-agi ko giraray, nahiling kong panahon na tanganing mamoot ka. Tinahoban ko kan sakong alikboy an huba mong hawak, saka nanuga akong mamomotan taka. Nakipagtipan ako saimo kaya nagin sadiri taka.” Ini an tataramon nin Kagurangnan Dios.

Ezekiel 39:29

Iuula ko an sakong espiritu sa banwaan nin Israel asin dai ko na nanggad sinda tatalikodan. Ako, an Kagurangnan Dios, an nagtaram.”

Oseas 14:4

Nagsasabi an Kagurangnan. “Papabalikon ko giraray sako an sakong banwaan. Bilog na puso ko sindang mamomotan; bako na akong anggot sainda.

Joel 3:20

Ako an mabalos para sa mga nagkagaradan; dai ko papatawadon an may kasalan. Alagad an Juda saka an Jerusalem pag-eerokan nin tawo sagkod pa man, asin ako, an Kagurangnan, mag-eerok sa Bukid nin Sion.”

Zacarias 13:2

Sa panahon na iyan, hahaleon ko an ngaran kan mga dios-dios sa daga, asin mayo nang makakagiromdom sa sainda. Gagadanon ko an siisay man na nagsasabing saro siyang propeta, asin hahaleon ko an pagmawot na magsamba sa mga dios-dios.

Juan 3:29

An nobya para sa nobyo; an katood kan nobyo na nagtitindog asin nagdadangog saiya naoogma nin marahay sa tingog kan nobyo. Kaya nagsusupay an kaogmahan ko ngunyan.

Roma 7:4

Siring man, mga tugang, ligtas na kamo sa kapangyarihan kan Katogonan—huli ta kabtang kamo kan hawak ni Cristo; asin ngunyan sadiri na kamo ni Cristo na nabuhay liwat tanganing magin mahalaga kita sa paglingkod sa Dios.

2 Corinto 11:2

Arog sa Dios, maimon ako para saindo. Kamo garo daragang birhen na ipinanuga kong ipakasal sa saro sanang lalaki, na iyo si Cristo.

Kapahayagan 21:2

Nahiling ko man an Banal na Syudad, an bagong Jerusalem, na nag-iibaba hale sa langit gikan sa Dios, garo nobya na nakagubing nin pangkasal asin masabat sa nobyo niya.